Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ, ରାଜ୍ୟପାଳଙ୍କୁ ଭେଟି ଦେଲେ ରିଜାଇନ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୫ ହଜାରରୁ ଅଧିକ କରୋନା ପଜିଟିଭ୍, ୨୮୧ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୯୫ କୋଭିଡ୍ ପଜିଟିଭ୍
  • ||
  • ଉପରୁ ମୁଣ୍ଡରେ କମୁଛି ବନ୍ୟାଜଳ ପ୍ରବାହ, ବନ୍ଦ ହେଲା ହୀରାକୁଦର ୪ ଗେଟ୍
  • ||
  • ବିଲକୁ ଯାଇଥିଲେ ଚାଷୀ, ଦଳି ମାରିଦେଲା ଦନ୍ତା
  • ||
  • ଗୋଟିଏ ଟ୍ରକ୍ ଧକ୍କା ଦେଲା, ଆଉ ଏକ ଟ୍ରକ୍ ଚାପିଦେଲା : ରାସ୍ତା ପାର୍ ବେଳେ ଜୀବନ ହାରିଲେ ସୁବାଷ
  • ||
  • ରାତିରେ ହଠାତ ଘରେ ପଶିଗଲା ଦନ୍ତା, ନାବାଳକକୁ ଆକ୍ରମଣ କରି ମାରିଦେଲା…
  • ||
  • ଦେବୀଗଡା ଘାଟ ନିକଟରୁ ବିଶାଳ ଅଜଗର ଉଦ୍ଧାର, ବନ୍ୟା ଜଳରେ ଭାସି ଆସିଥିବା ସନ୍ଦେହ
  • ||

ନକଲି ସାର୍ଟିଫିକେଟ୍ ଧରାଇ ଠକିଦେଲେ କଲେଜ ମାଲିକ, ଥାନାରେ ଧାରଣା ଦେଲେ ନର୍ସିଂ ଛାତ୍ରଛାତ୍ରୀ

26/03/2021 at 12:29 PM

ଭୁବନେଶ୍ୱର,୨୬/୦୩: ଭବିଷ୍ୟତ ଅନ୍ଧାରରେ ।  ନାମଲେଖା ବେଳେ ନେଲେ ଅସଲି ଟଙ୍କା । କିନ୍ତୁ ଧରାଇଦେଲେ ନକଲି ନର୍ସିଂ ସାର୍ଟିଫିକେଟ୍‌ । ଲକ୍ଷାଧିକ ଟଙ୍କା ଠକିନେଇ କଲେଜ ଖୋଲିଥିବା ମାଲିକ । ଏମିତି ଅଭିଯୋଗ ଆସିଛି ଏକ ନର୍ସିଂ କଲେଜ ନାଁରେ । ୬୦ରୁ ଅଧିକ ନର୍ସିଂ ଛାତ୍ରଛାତ୍ରୀ ଏହି ଅଭିଯୋଗରେ ଖଣ୍ଡଗିରି ଥାନାରେ ଧାରଣା ଦେଇଛନ୍ତି ।

ସୂଚନା ଅନୁସାରେ ଖଣ୍ଡଗିରି ଥାନା ଆଇଗଣିଆ ଅଞ୍ଚଳରେ ଏକ ଉଚ୍ଚ ଶିକ୍ଷାନୁଷ୍ଠାନର ଅଧିକାରୀ ଏବଂ ତାଙ୍କର ସ୍ତ୍ରୀ ୨ ବର୍ଷ ତଳେ ନର୍ସିଂ କଲେଜ ଖୋଲିଥିଲେ । ୨୦୧୯ ମସିହାରୁ ସେଠାରେ କିଛି ଛାତ୍ରୀ ନାମ ଲେଖାଇ ପଢା ଆରମ୍ଭ କରିଥିଲେ । ଏପରି ଭାବେ ୨ବର୍ଷରେ ୬୦ରୁ ଅଧିକ ଛାତ୍ରଛାତ୍ରୀ ବିଭିନ୍ନ ପର୍ଯ୍ୟାୟରେ ନାମ ଲେଖାଇଥିଲେ । ସେମାନଙ୍କଠୁ ବିଭିନ୍ନ ପର୍ଯ୍ୟାୟରେ ସଂପୃକ୍ତ ଦମ୍ପତି ପାଠପଢିବା ଏବଂ ହଷ୍ଟେଲ ଫି ବାବଦକୁ ଲକ୍ଷାଧିକ ଟଙ୍କା ନେଇଛନ୍ତି । କଲେଜ ପକ୍ଷରୁ କେବଳ ଥିଓରୀ କ୍ଲାସ ହେଉଥିବା ବେଳେ ପ୍ରାକ୍ଟିକାଲ କ୍ଲାସ ହେଉନଥିଲା । ଯାହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖା ଯାଇଥିଲା । ପରେ ସେମାନଙ୍କୁ ସାର୍ଟିଫିକେଟ୍‌ ଦିଆଗଲା ବେଳେ ତାହା ନକଲି ବୋଲି ଜଣାପଡ଼ିଥିଲା ।

ବିନା ଅନୁମୋଦିତ କଲେଜ ଖୋଲି ସଂପୃକ୍ତ ଦମ୍ପତି ବିଭିନ୍ନ ସମୟରେ ଛାତ୍ରୀଙ୍କଠୁ ଲକ୍ଷାଧିକ ଟଙ୍କା ଲୁଟି ନେଇଛନ୍ତି । ଏନେଇ ଗୁରୁବାର ୬୦-୭୦ ହେବ ଛାତ୍ରୀ ଖଣ୍ଡଗିରି ଥାନାରେ ସଂପୃକ୍ତ ସ୍ୱାମୀ-ସ୍ତ୍ରୀଙ୍କ ବିରୋଧରେ ଅଭିଯୋଗ ଆଣିଛନ୍ତି । ଛାତ୍ରୀମାନେ ଅଭିଯୋଗ କରିଛନ୍ତି, ୨ ବର୍ଷ ଧରି ସେମାନଙ୍କ ଜୀବନ ସହ ଖେଳିଛନ୍ତି ସଂପୃକ୍ତ ଦମ୍ପତି । ସେପଟେ ପୁଲିସ ଏକ ମାମଲା ରୁଜୁ କରି ସଂପୃକ୍ତ ସ୍ୱାମୀ-ସ୍ତ୍ରୀଙ୍କୁ ଥାନାକୁ ଡାକି ପଚରାଉଚରା କରୁଛି ।

   Related Posts