ସୁନ୍ଦରଗଡ଼ ୩୦।୭: ରାଜଗାଙ୍ଗପୁର ସହରର ୱାର୍ଡ ନଂ ୧୮ ରେ ଥିବା ଏକ ଘରୋଇ ଡାକ୍ତରଖାନା ଶାନ୍ତି ସେବା ସଦନକୁ ୭୨ ଘଣ୍ଟା ପାଇଁ ସିଲ୍ କରାଯାଇଛି । ଆଜି ଶାନ୍ତି ସେବା ସଦନର ଜଣେ କର୍ମଚାରୀଙ୍କର ସ୍ବାବ୍ ରିପୋର୍ଟ ପଜିଟିଭ ଆସିବା ପରେ ରାଜଗାଙ୍ଗପୁର ପୌରପାଳିକାର ଅଧିକାରୀ ସୌରେନ୍ଦ୍ର କୁମାର ରାଉତରାୟ ଏପରି ପଦକ୍ଷେପ ନେଇଛନ୍ତି ।
ସୂଚନା ଅନୁଯାୟୀ, ଘରୋଇ ଡାକ୍ତରଖାନାରେ କାର୍ଯ୍ୟରତ ଜଣେ ସଫେଇ କର୍ମଚାରୀ କରୋନାରେ ଆକ୍ରାନ୍ତ ଚିହ୍ନଟ ହୋଇଥିଲେ । ତାଙ୍କୁ ତୁରନ୍ତ ରାଉରକେଲା ସ୍ଥିତ ହାଇଟେକ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯିବା ସହ ଶାନ୍ତି ସେବା ସଦନକୁ ତିନି ଦିନ ପାଇଁ ପୌରପାଳିକା ପ୍ରଶାସନ ଦ୍ଵାରା ସିଲ୍ କରି ଦିଆଯାଇଛି ।