ସମ୍ବଲପୁର ୨୩।୦୭: ସମ୍ବଲପୁରରେ ଏକ ଘରୋଇ ନର୍ସିଂ ହୋମ୍କୁ ସିଲ୍ କରାଯାଇଛି । ସଂଜିବନୀ ନାମକ ଏକ ଘରୋଇ ନର୍ସିଂ ହୋମକୁ ସିଲ୍ କରାଯାଇଛି । ନର୍ସିଂ ହୋମରୁ ଜଣେ କରୋନା ପଜିଟିଭ୍ ଚିହ୍ନଟ ପରେ ଉକ୍ତ ନର୍ସିଂ ହୋମକୁ ସିଲ୍ କରିଛି ଜିଲ୍ଲା ପ୍ରଶାସନ ।
ସୂଚନାଯୋଗ୍ୟ ଯେ, ନର୍ସିଂ ହୋମରୁ ଜଣେ କରୋନା ପଜିଟିଭ୍ ପରେ ଡାକ୍ତର, ନର୍ସ ତଥା କର୍ମଚାରୀ ଓ ଏହି ରୋଗୀ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କୁ କ୍ବାରେଣ୍ଟାଇନରେ ରହିବାକୁ ନିର୍ଦ୍ଦେଶରେ ଦିଆଯାଇଛି । ସେପଟେ ପରବର୍ତ୍ତି ନିର୍ଦ୍ଦେଶ ଆସିବା ପର୍ଯ୍ୟନ୍ତ ନର୍ସିଂ ହୋମକୁ ଆସନ୍ତା ଜୁଲାଇ ୨୭ ପର୍ଯ୍ୟନ୍ତ ସମସ୍ତ ସେବା ବନ୍ଦ ରହିବ ବୋଲି ନର୍ସିଂ ହୋମ ପକ୍ଷରୁ ନୋଟିସ ଲାଗିଛି | ତେବେ ସମ୍ବଲପୁର ଜିଲ୍ଲାରେ ପୂର୍ବରୁ ଭୀମସାର, ରେଢାଖାଲ ଉପଖଣ୍ଡ ହସ୍ପିଟାଲ, କୁଚିଣ୍ଡା ଉପଖଣ୍ଡ ହସ୍ପିଟାଲରେ ଚିକିତ୍ସା ସେବା ବ୍ୟାହତ ଥିବା ବେଳେ ବେସରକାରୀ ସ୍ତରରେ ପ୍ରଥମ ନର୍ସିଂ ହୋମ ଯାହା ଗତକାଲି ଜିଲ୍ଲା ପ୍ରଶାସନ ପକ୍ଷରୁ ସିଲ୍ କରାଯାଇଛି । ପ୍ରଥମ ସ୍ଥାନୀୟ ଅଞ୍ଚଳରୁ ଚିହ୍ନଟ ହେଉଥିବା ପରେ ଏବେ ମେଡିକାଲରୁ ସଂକ୍ରମିତ ଚିହ୍ନଟ ହେଉଛନ୍ତି। ଯାହାକି ପ୍ରଶାସନ ପାଇଁ ଚିନ୍ତାର ବିଷୟ ପାଲଟିଛି।