Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

ନର୍ସ ନିହାରିକା ହତ୍ୟା ଘଟଣା : ପୋଲିସ ରିମାଣ୍ଡରେ ମୁଖ୍ୟ ଅଭିଯୁକ୍ତ ରାଜା, ଆଜ୍ଞାତ ସ୍ଥାନରେ ପଚରାଉଚରା

24/09/2019 at 10:19 AM

ଜଗତସିଂହପୁର ୨୪।୯: ନର୍ସ ନିହାରିକା ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ରାଜା ଓରଫ କିଶୋର ଆଞ୍ଚଳକୁ ରିମାଣ୍ଡରେ ନେଇଛି ଜଗତସିଂହପୁର ବିରିଡି ପୋଲିସ । ୫ ଦିନ ରିମାଣ୍ଡ ମାଗିଥିଲେ ବି ୩ ଦିନିଆ ରିମାଣ୍ଡ ପାଇଁ ଅନୁମତି ପ୍ରଦାନ କରିଛନ୍ତି ଜଗତସିଂହପୁର ଏସଡିଜେଏମ କୋର୍ଟ । କୋର୍ଟଙ୍କ ଅନୁମତି ପାଇବା ପରେ ପୋଲିସ ରାଜାକୁ ଜଗତସିଂହପୁର ସ୍ଥିତ ଉପକାରାଗାରରୁ ରିମାଣ୍ଡରେ ନେଇଛି ।

ରାଜାକୁ ଏକ ଅଜ୍ଞାତ ସ୍ଥାନକୁ ନିଆଯାଇ ଅଧିକ ପଚରାଉଚରା କରାଯିବ । ରାଜା ହିଁ ନିହାରିକାକୁ ହତ୍ୟା କରିଥିବାର ପୋଲିସ ଆଗରେ ପ୍ରକାଶ କରି ସାରିଛି । ହେଲେ ଅଧିକ ତଦନ୍ତ ଆବଶ୍ୟକକୁ ଦୃଷ୍ଟିରେ ରଖି ପୋଲିସ ୫ ଦିନ ପାଇଁ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲେ ।

ବିଶେଷ କରି ରାଜା ନିଜେ ନିହାରିକାଙ୍କ ତଣ୍ଟି ଚିପି ହତ୍ୟା କରିଛି ବୋଲି ସ୍ବୀକାର କରିଥିବା ପୋଲିସ କହୁଛି। ସେ କେମିତି ନିହାରିକାଙ୍କୁ ମାରିଥିଲା ଓ ପ୍ରମାଣ ନଷ୍ଟ କରିବାକୁ କେମିତି ବିଲୁଆଖାଇ ନଦୀରେ ମୃତଦେହକୁ ପକାଇଥିଲା ତାହା ପୋଲିସକୁ ‘ଡେମୋ’ କରି ବି ଦେଖାଇଛି। ହେଲେ ରାଜା ପ୍ରକୃତରେ ଏ କାମ କରିଛି ନା’ ଏହା ପଛରେ ଆଉ କାହାର ହାତ ଅଛି, ତାହା ସନ୍ଦେହ ଭିତରେ ରହିଛି। ରାଜା କାହା ଚାପରେ ଏଭଳି କହୁଛି ନା’ ସତ କହୁଛି ? ପ୍ରମାଣ ନଷ୍ଟ ପାଇଁ ରାଜା ନିହାରିକାଙ୍କ ଚପଲ ଓ ମନିପର୍ସ କେଉଁଠାରେ ପକାଇଛି, ପଚରାଉଚରା ପରେ ସ୍ପଷ୍ଟ ହେବ ବୋଲି ପୋଲିସ କହିଛି ।

   Related Posts