Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଭୁଲରେ ମହିଳାଙ୍କୁ ଏକାସଙ୍ଗେ ୬ ଡୋଜ ଟିକା ଦେଇଦେଲେ ନର୍ସ, ହସ୍ପିଟାଲରେ ୨୪ ଘଣ୍ଟା ରହିଲେ ମହିଳା

11/05/2021 at 8:30 PM

ରୋମ ୧୧।୫: କରୋନା ମହାମାରୀ ସଙ୍କଟରୁ ବର୍ତ୍ତିବା ପାଇଁ ସାରା ବିଶ୍ବରେ ଟିକାକରଣ ଜାରି ରହିଛି । କରୋନା ଟିକାକରଣକୁ ନେଇ  ବିଭିନ୍ନ ସ୍ଥାନରେ ଅନେକ ଅବହେଳା ଦେଖିବାକୁ ମିଳିଛୁ । ଏହି କାରଣରୁ ଅନେକ ଲୋକଙ୍କ ଜୀବନ ମଧ୍ୟ ବିପଦରେ ପଡୁଛି । ଏମିତି ଏକ ମାମଲା ସାମ୍ନାକୁ ଆସିଛି ଯେଉଁଥିରେ ଜଣେ ମହିଳାଙ୍କୁ ଭୁଲରେ ୬ ଡୋଜ କରୋନା ଟିକା ଦିଆଯାଇସାରିଛି । ସଂପୃକ୍ତ ମହିଳାଙ୍କ ବୟସ ୨୩ ବର୍ଷ । ତାଙ୍କୁ ଭୁଲରେ ଫାଇଜର ବାୟୋଏନଟେକର ୬ଟି ଡୋଜ ଦିଆଯାଇଛି । ମହିଳାଙ୍କ ଉପରେ ଟିକାର କୌଣସି ଖରାପ ପ୍ରଭାବ ଯେମିତି ନପଡେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇ ନଜର ରଖାଯାଇଛି । ମହିଳା ଜଣଙ୍କ ହସ୍ପିଟାଲରେ ମାନସିକ ରୋଗ ବିଭାଗରେ ଇଣ୍ଟର୍ନ ଥିଲେ ।

ଇଟାଲୀ ଟସ୍କନୀ ସ୍ଥିତ ନୋଆ ହସ୍ପିଟାଲରେ ଏଭଳି ଘଟଣା ଘଟିଛି । ତେବେ ମହିଳାଙ୍କୁ ବର୍ତ୍ତମାନ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଏହି ଘଟଣାର ତଦନ୍ତ କରାଯିବ ବୋଲି ଡାକ୍ତରଖାନା କର୍ତ୍ତୃପକ୍ଷ କହିଛନ୍ତି । ଡାକ୍ତରଖାନା ପକ୍ଷରୁ କୁହାଯାଇଛି ଯେ, ଏହା ଭୁଲବଶତଃ ହୋଇଯାଇଛି ।ଏହାକୁ ଉଦ୍ଦେଶ୍ୟମୂଳକ ଭାବେ କରାଯାଇନାହିଁ । ଡାକ୍ତରଖାନା ମୁଖପାତ୍ର ଡେନିଏଲା କହିଛନ୍ତି ଯେ, ରୋଗୀଙ୍କୁ ୨୪ ଘଣ୍ଟା ପାଇଁ ଡାକ୍ତରଖାନା ତତ୍ତ୍ବାବଧାନରେ ରଖାଯାଇଛି । ସେ କହିଛନ୍ତି ଯେ, ନର୍ସ ଭୁଲରେ ଗୋଟିଏ ଶିଶିର ସବୁ ଡୋଜକୁ ସିରିଞ୍ଜରେ ଭର୍ତ୍ତି କରି ସଂପୃକ୍ତ ମହିଳାଙ୍କୁ ଦେଇଦେଇଥିଲେ । ସେ ଆହୁରି ମଧ୍ୟ କହିଛନ୍ତି ଯେ, ମହିଳାଙ୍କ ସ୍ବାସ୍ଥ୍ୟାବସ୍ଥା ଠିକ୍ ଅଛି । ତାଙ୍କୁ ୨୪ ଘଣ୍ଟା ଅବଜରଭେସନରେ ରଖିବା ପରେ ସୋମବାର ଡିସଚାର୍ଜ କରାଯାଇଛି ।

   Related Posts