Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଆନ୍ଧ୍ରପ୍ରଦେଶକୁ ଦାଦନ ଖଟିବାକୁ ଯାଇ ଯୁବକ ନିଖୋଜ

26/12/2018 at 11:48 AM

ନୂଆପଡା ୨୬|୧୨: ଦାଦନ ଖଟିବାକୁ ଯାଇ ଆନ୍ଧ୍ରପ୍ରଦେଶରେ ଆଦିବାସୀ ଯୁବକ ନିଖୋଜ ହୋଇଛନ୍ତି । ଜିଲ୍ଲା ପ୍ରଶାସନର ଦ୍ବାରସ୍ଥ ହେଲା ପରେ ବି କେହି ଶୁଣୁନାହାନ୍ତି । ଏପଟେ ଥାନାରେ ନିଖୋଜ ଏତଲା ରଖିବା ପାଇଁ ମନା କରି ଦେଇଥିବା ଅଭିଯୋଗ ହେଉଛି । ପୁଅର ଫେରିବା ବାଟକୁ ଚାହିଁ ବସିଛନ୍ତି ପରିବାରଲୋକ ।

ସୂଚନା ଅନୁସାରେ ନୂଆପଡା ଜିଲ୍ଲା କୋମନା ଥାନା ଅନ୍ତର୍ଗତ କାମକେଟା ଗାଁର ୨୩ ବର୍ଷୀୟ ଯୁବକ ଜମର ବିଶ୍ବାଳ ଆନ୍ଧ୍ରରେ ଦାଦନ ଖଟିବାକୁ ଯାଇ ନିଖୋଜ ହୋଇଯାଇଛନ୍ତି । ନିଖୋଜ ହେବାର ନଅ ଦିନ ପରେ ମଧ୍ୟ ତାଙ୍କର କିଛି ପତ୍ତା ମିଳିନି । ଗତ ନଭେମ୍ବର ମାସରେ ଗାଁର ଜଣେ ଶ୍ରମିକ ଦଲାଲ ଭଗବାନ ମହାନନ୍ଦଙ୍କ ସହାୟତାରେ ଚାରିଜଣ ଯୁବକଙ୍କ ସହ  ଆନ୍ଧ୍ରପ୍ରଦେଶ ତେଲେଙ୍ଗାନା ଯାଇଥିଲେ ।  କରିମ ନଗର ଜିଲ୍ଲା କୁରୁଟଲାରେ ଥିବା ଇଟାଭାଟିରେ କାମ କରୁଥିଲେ । ଚଳିତ ମାସ ୧୭ ତାରିଖ ଦିନ ଠାରୁ ସେ ନିଖୋଜ ଅଛନ୍ତି । ଜମରଙ୍କ ନିଖୋଜ ଖବର ପାଇ ତାଙ୍କ ଭାଇ ସ୍ଥାନୀୟ ଶ୍ରମିକ ଦଲାଲଙ୍କୁ ଜଣାଇ ଥିଲେ । ତାଙ୍କୁ ଫେରାଇ ଆଣିବା ପାଇଁ ଗୁହାରି କରିଥିଲେ । ହେଲେ ଦଲାଲ ଜଣକ ଧରାଛୁଆଁ ଦେଉ ନାହାନ୍ତି । ସେପଟେ ଥାନାରେ ଏତଲା ଦେବାକୁ ଯାଇଥିବାବେଳେ ସେଠାରେ ମଧ୍ୟ ଅପମାନ ପାଇଥିବା ଅଭିଯୋଗ ଆଣିଛନ୍ତି ନିଖୋଜ ଜମରଙ୍କ ଭାଇ ଭ୍ରମରବର ବିଶ୍ବାଳ । ଜମରଙ୍କୁ ଘରକୁ ଫେରାଇ ଆଣିବା ପାଇଁ ଜିଲ୍ଲା ପ୍ରଶାସନ ପାଖରେ ଅନୁରୋଧ କରିଛନ୍ତି  ପରିବାରଲୋକ ।

   Related Posts