କଳାହାଣ୍ଡି ୧୯|୯: ଆଜି ମାଆ ମାଣିକେଶ୍ବରୀଙ୍କ ପୀଠରେ ଲାଗି ହେଉଛି ନବାହ୍ନ । ପବିତ୍ର ଦଶମୀ ତିଥିରେ ଆଜି କଳାହାଣ୍ଡି ଜିଲ୍ଲାରେ ପାଳନ କରାଯାଉଛି ତୃତୀୟ ପର୍ଯ୍ୟାୟ ନୂଆଁଖାଇ । ଗଡ଼ଜାତ ଅଞ୍ଚଳର ଭବାନୀପାଟଣା, ଲାଗିଡ଼, ମଦନପୁର-ରାମପୁର, ଥୁଆମୂଳ ରାମପୁର, ପାଟଣାଗଡ଼ ଆଦି ଗଡ଼ଜାତ ଅଞ୍ଚଳରେ ତୃତୀୟ ପର୍ଯ୍ୟାୟ ନୂଆଁଖାଇ ପାଳନ କରାଯାଉଛି । ସମଗ୍ର ପଶ୍ଚିମ ଓଡ଼ିଶାରେ ପଞ୍ଚମୀ ତିଥିରେ ନୂଆଁଖାଇ ପାଳନ ହେଉଥିବା ବେଳେ ମାଣିକେଶ୍ବରୀଙ୍କ ପୀଠରେ ଦଶମୀ ଦିନ ନୂଆଁଖାଇ ପାଳନ କରାଯାଇଥାଏ ।