Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ନାଗରିକତା ସଂଶୋଧନ ଆଇନକୁ ବିରୋଧ- ପଶ୍ଟିମବଙ୍ଗରେ ଉତ୍ତେଜନା, ବାତିଲ୍ ହେଲା ଅନେକ ଟ୍ରେନ

14/12/2019 at 5:32 PM

କୋଲକାତା ୧୪।୧୨ – ନାଗରିକତା ସଂଶୋଧନ ଆଇନ ବିରୋଧରେ ପଶ୍ଟିମବଙ୍ଗରେ ଉତ୍ତେଜନା । ରାଜ୍ୟରେ ଏହି ଆନ୍ଦୋଳନ ହିଂସାତ୍ମକ ମୋଡ ନେଇଛି । ନାଗରିତକ ସଂଶୋଧନ ଆଇନ ଓ ଏନ୍ଆସି ବିରୋଧରେ ବିକ୍ଷୋଭକାରୀମାନେ ବିଭିନ୍ନ ସ୍ଥାନରେ ବସ୍‌ରେ ନିଆଁ ଲଗାଇବା ସହ ପୋଲିସ ଫାଣ୍ଡିରେ ନିଆଁ ଲଗାଇ ଦେଇଛନ୍ତି । ସେହିପରି ରେଳଷ୍ଟେସନ୍ରେ ଭଙ୍ଗାରୁଜା କରିଛନ୍ତି । ସେଥିପାଇଁ କେତେକ ଟ୍ରେନ୍ ବାତିଲ୍ ହେବା ସହ କେତେକର ଗତିପଥ ବଦଳାଯାଇଛି । ସେପଟେ ଉତ୍ତରପୂର୍ବରେ ଉତ୍ତେଜନା ସାମାନ୍ୟ ଥମିଛି । ଆସାମ ଗୌହାଟୀରେ ସକାଳ ୯ଟାରୁ ଅପରାହ୍ନ ୪ଟା ପର୍ଯ୍ୟନ୍ତ କର୍ଫ୍ୟୁ କୋହଳ କରାଯାଇଛି ।….

ଉତ୍ତର ପୂର୍ବ ରାଜ୍ୟ ପରେ ନାଗରିକ ସଂଶୋଧନ ଆଇନ ବିରୋଧ ଆନ୍ଦୋଳନ ଡେଇଁଛି ପଶ୍ଚିମବଙ୍ଗକୁ । ଏବେ ଜଳୁଛି ପଶ୍ଚିମବଙ୍ଗ । ରାଜ୍ୟରେ ଏହି ଆନ୍ଦୋଳନ ହିଂସାତ୍ମକ ମୋଡ ନେଇଛି । ନାଗରିକତା ସଂଶୋଧନ ଆଇନ ଏବଂ NRC ବିରୋଧରେ ଉତ୍ତେଜନା ତୀବ୍ର ହୋଇଛି । ୮ଟି ବସ୍‌କୁ ନିଆଁ ଲଗାଇ ପୋଡି ଦେଇଛନ୍ତି ଆନ୍ଦୋଳନ କାରୀ । ପୋଲିସ ଫାଣ୍ଡିରେ ବି ନିଆଁ ଲଗାଇ ଦେଇଛନ୍ତି ।  ନୌପାଡା ମହିଷାସୁର ରେଲୱେ ଷ୍ଟେସନରେ ଆନ୍ଦୋଳନକାରୀମାନେ ଷ୍ଟେସନ୍ ଭଙ୍ଗାରୁଜା କରୁଛନ୍ତି । ହଜାର ହଜାର ସଂଖ୍ୟାରେ ଲୋକେ ରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିଛନ୍ତି । ରାଜ୍ୟର ବିଭିନ୍ନ ସ୍ଥାନରେ ଏଭଳି ଆନ୍ଦୋଳନ ଓ ବିକ୍ଷୋଭ ପ୍ରଦର୍ଶନ ବ୍ୟାପକ ହୋଇଛି ।

ଆନ୍ଦୋଳନକାରୀମାନେ ହାଉଡାରେ ଜାତୀୟ ରାଜପଥ ଅବରୋଧ କରିଛନ୍ତି । ସେଠାରେ ଉପସ୍ଥିତ ପୋଲିସକୁ ମଧ୍ୟ ଆକ୍ରମଣ କରିଛନ୍ତି  । ଆନ୍ଦୋଳନକାରୀଙ୍କୁ ଘଉଡାଇବା ପାଇଁ ପୋଲିସ ଲୁହବୁହା ଗ୍ୟାସ ବ୍ୟବହାର କରିଛି । ସବୁଠୁ ବେଶୀ ପ୍ରଭାବ ଦେଖିବାକୁ ମିଳିଛି ମୁର୍ଶିଦାବାଦରେ । ଗତକାଲିଠାରୁ ଏଠାରେ ବିକ୍ଷୋଭକାରୀମାନେ ରେଳ ଷ୍ଟେସନକୁ ଟାର୍ଗେଟ କରୁଛନ୍ତି ।ଗତକାଲି ଏଠାରେ ବି ଜଳାପୋଡା ଦେଖିବାକୁ ମିଳିଥିଲା । ହିଂସା ଯୋଗୁ ରେଳସେବା ପ୍ରଭାବିତ ହୋଇଛି । ଅନେକ ଟ୍ରେନ୍ ବାତିଲ କରାଯିବା ସହ କେତେକ  ଗତିପଥ ବଦଳାଯାଇଛି । କୋଲକାତାର ଆଖପାଖ ଅଞ୍ଚଳରେ ସଂଖ୍ୟାଲଘୁ ସଂପ୍ରଦାୟର ଲୋକେ ଜୋରଦାର ବିକ୍ଷୋଭ ପ୍ରଦର୍ଶନ କରିଛନ୍ତି । ଶହଶହ ଆନ୍ଦୋଳନକାରୀ ରାସ୍ତାରେ ନିଆଁ ଜାଳି ପ୍ରଦର୍ଶନ କରିଛନ୍ତି ।ଭିନ୍ନ ଭିନ୍ନ ଧର୍ମ ଆଧାରରେ ଆଇନ ତିଆରି କରାଯାଇପାରିବନାହିଁ ବୋଲି ଅଭିଯୋଗ କରିଛନ୍ତି । ଉତ୍ୟକ୍ତ ଲୋକେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କ ବିରୋଧରେ ନାରାବାଜି କରିଛନ୍ତି । ପଶ୍ଚିମ ବଙ୍ଗ ମୁଖ୍ୟମନ୍ତ୍ରୀ ଲୋକଙ୍କୁ ଶାନ୍ତି ବଜାୟ ରଖିବାକୁ ଅପିଲ୍ କରିଛନ୍ତି । କହିଛନ୍ତି ସେ ରାଜ୍ୟରେ ଏନ୍ଆରସି ଲାଗୁ କରିବେ ନାହିଁ ।

ଉତ୍ତର ପୂର୍ବ ରାଜ୍ୟ ଗୁ଼ଡିକରେ ସ୍ଥିତିରେ କିଛିଟା ସୁଧାର ଆସିଛି । ଗୌହାଟୀରେ ସକାଳ ୯ଟାରୁ ଅପରାହ୍ନ ୪ ଟା ପର୍ଯ୍ୟନ୍ତ କର୍ଫ୍ୟୁରେ କୋହଳ କରାଯାଇଛି । ଦିଶପୁର, ଉଜାନ ବାଜାର, ଚାନ୍ଦମାରୀ, ସିଲପୁଖୁରୀ ଏବଂ ଜୁ ରୋଡ୍ ର କେତେକ ସ୍ଥାନରେ ଦୋକାନା ଖୋଲିଛି । ତେଣୁ ଲୋକେ ଦୋକାନ ବାହାରେ ଲମ୍ବା ଲାଇନ୍ ଲଗାଇଥିବା ଦେଖିବାକୁ ମିଳିଛି । ଅଟୋ ରିକ୍ସା ଓ ସାଇକେଲ୍ ରିକ୍ସା ସଡକରେ ଦେଖିବାକୁ ମିଳିଛି ।ସେହିଭଳି ସିଲଂରେ ବି କର୍ଫ୍ୟୁ କୋହଳ ପରେ ଲୋକେ ବାହାରକୁ ଆସି ଆବଶ୍ୟକ ଜିନିଷପତ୍ର କିଣାକିଣି କରିଛନ୍ତି । ହେଲେ ବସ୍ ଚଳାଚଳ କରିନାହିଁ । ସେପଟେ ଦିଲ୍ଲୀ ଜାମିଆ ମିଲିଆ ବିଶ୍ବବିଦ୍ୟାଳୟରେ ଆନ୍ଦୋଳନ ଯୋଗୁ ବିଶ୍ବବିଦ୍ୟାଳୟକୁ ଜାନୁଆରୀ ୫ ପର୍ଯ୍ୟନ୍ତ ବନ୍ଦ କରିଦିଆଯାଇଛି । ସମସ୍ତ ପରୀକ୍ଷାକୁ ବାତିଲ୍ କରାଯାଇଛି ।

   Related Posts