Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଫେସବୁକରୁ ଆରମ୍ଭ ହେଲା ବନ୍ଧୁତ୍ୱ ଓ ପରେ ପ୍ରେମ, ପ୍ରେମିକାଙ୍କୁ ଦେଖା କରିବାକୁ ଯାଇ ଶବ ହୋଇ ଫେରିଲେ ଯୁବକ

4/06/2019 at 7:38 PM

ଲୁଧିଆନା ୪/୬ : ଆଜିକାଲି ନୂଆ ଲୋକଙ୍କ ସହ ମିଶିବା କଥାବାର୍ତ୍ତା କରିବା ପାଇଁ ଫେସବୁକ ଏକ ସହଜ ମାଧ୍ୟମ । ଫେସବୁକ ମାଧ୍ୟମରେ ଅନେକ ଲୋକ ପରସ୍ପରକୁ ଚିହ୍ନୁଛନ୍ତି ଏବଂ କଥାବାର୍ତ୍ତା କରୁଛନ୍ତି । ବେଳେବେଳେ ଲୋକେ ଏହା ମାଧ୍ୟମରେ ଠକର ଶିକାର ମଧ୍ୟ ହେଉଛନ୍ତି । ଅଜଣା ଅଚିହ୍ନା ଲୋକଙ୍କ ସହ ସମ୍ପର୍କ ବେଳେବେଳେ ମହଙ୍ଗା ପଡିଥାଏ । ଆମେ ବାରମ୍ବାର ଲୋକଙ୍କୁ ସଚେତନ କରିଆସୁଛୁ ଯେ, ଅଜଣା ଅଚିହ୍ନା ଲୋକଙ୍କ ସହ ଦୂରତା ବଜାୟ ରଖୁନ୍ତୁ । ତଥାପି ଲୋକେ ଅନେକ ଠକର ଶିକାର ହେଉଛନ୍ତି ।

ଏହିଭଳି ଏକ ଘଟଣା ଘଟିଛି ସାଉଦି ଆରବରୁ ଆସିଥିବା ଜଣେ ଯୁବକଙ୍କ ସହ । ଫେସବୁକରେ ଚାଟିଙ୍ଗ କରିବା ବହୁତ ମହଙ୍ଗା ପଡିଥିଲା ଯୁବକଙ୍କୁ । ସାଉଦି ଆରବରୁ ଆସିଥିବା ଯୁବକ ୨ ମାସ ପୂର୍ବରୁ ଜଣେ ଯୁବତୀଙ୍କ ପ୍ରେମରେ ପଡିଯାଇଥିଲେ । ଯୁବକ ଜଣକ ହେଲେ ଗୁରପ୍ରିତ ସିଂହ । ତାଙ୍କ ଘର ଲୁଧିଆନା ଜଗରାମାରେ । ଯୁବତୀଙ୍କ ଘର ଶ୍ରୀମୁକ୍ତସର ଜିଲ୍ଲାର ବଲୋଚ ଗାଁରେ ।

ଯୁବତୀଙ୍କ ସହ ଫେସବୁକରେ ଚାଟିଙ୍ଗ କରି କରି ପ୍ରେମ ଏତେ ବଢିଗଲା ଯେ, ଗୁରପ୍ରିତ ପ୍ରେମିକାଙ୍କୁ ଦେଖା କରିବା ପାଇଁ ରାଙ୍କ ଗାଁରେ ପହଂଚିଗଲେ । ନିଜ ସାଙ୍ଗମାନଙ୍କ ସହ ବାଇକରେ ଆସି ଯୁବତୀଙ୍କ ଘର ବାହାରେ ତାଙ୍କୁ ଅପେକ୍ଷା କରିଥିଲେ ଗୁରପ୍ରିତ । କୌଣସି ପ୍ରକାରେ ଯୁବତୀଙ୍କ ପରିବାର ଲୋକେ ଏସବୁ ଘଟଣା ଜାଣିବାକୁ ପାଇଲେ । ତାପରେ ଯାହା ହେଲା ତାହା ନିହାତି ନିନ୍ଦନୀୟ ।

ଯୁବତୀଙ୍କ ଭାଇମାନେ ଗୁରପ୍ରିତଙ୍କୁ ଧରି ବହୁତ ମାଡ ମାରିଥିଲେ । ଏହାପରେ ତାଙ୍କୁ ଗୁରୁତର ଅବସ୍ଥାରେ ମୁଖ୍ୟ ରାସ୍ତାରେ ଫୋପାଡ଼ି ଚାଲିଗଲେ । ଗୁରପ୍ରିତ ସିଂହଙ୍କ ସାଙ୍ଗ ତାଙ୍କୁ ନେଇ ହସ୍ପିଟାଲରେ ଭର୍ତ୍ତି କଲେ । କିନ୍ତୁ ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଡାକ୍ତର ତାଙ୍କୁ ବଡ ମେଡିକାଲକୁ ସ୍ଥାନାନ୍ତର କରିବାକୁ କହିଥିଲେ । ବଡ ମେଡିକାଲ ଯିବା ବାଟରେ ତାଙ୍କର ମୃତ୍ୟୁ ହୋଇଥିଲା । ଏହାପରେ ମୃତକଙ୍କ ପରିବାରକୁ ସମସ୍ତ ଘଟଣା କହିଥିଲେ ଗୁରପ୍ରିତଙ୍କ ସାଙ୍ଗ ।

ଗୁରପ୍ରିତଙ୍କ ପରିବାରଲୋକଙ୍କ ଅଭିଯୋଗକ୍ରମେ ପୋଲିସ ଯୁବତୀଙ୍କ ୩ ଭାଇଙ୍କ ବିରୋଧରେ ମାମଲା ରୁଜ୍ଜୁ କରିଛି । କିନ୍ତୁ ଏବେ ପର୍ଯ୍ୟନ୍ତ କୌଣସି ଅଭିଯୁକ୍ତକୁ ଗିରଫ କରାଯାଇନାହିଁ । ପୋଲିସ ଘଟଣାର ତଦନ୍ତ କରୁଛି ।

ସୂଚନାଯୋଗ୍ୟ ଯେ, ଗୁରପ୍ରିତ ସାଉଦି ଆରବରେ ରହୁଥିଲେ । ୨ ମାସ ପୂର୍ବରୁ ସେ ଘରକୁ ଆସିଥିଲେ । ଯୁବତୀଙ୍କ ସହ ଫେସବୁକରେ ତାଙ୍କୁ ପ୍ରେମ ହୋଇଯାଇଥିଲେ । ତାଙ୍କ ପ୍ରେମ ମାତ୍ର ୨୦ ଦିନର ଥିଲା ।

   Related Posts