Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ପଶ୍ଚିମବଙ୍ଗ ଲାଗୁ କରିବନି ସଂଶୋଧିତ ମୋଟର ଯାନ ଆଇନ-୨୦୧୯, ଜାଣନ୍ତୁ କ’ଣ କହିଲେ ମମତା

11/09/2019 at 8:26 PM

କୋଲକାତା ୧୧।୯: ସଂଶୋଧିତ ମୋଟର ଯାନ ଆଇନ -୨୦୧୯କୁ ରାଜ୍ୟରେ ଲାଗୁ କରିବେନି ପଶ୍ଚିମବଙ୍ଗ ସରକାର । ମୁଖ୍ୟମନ୍ତ୍ରୀ  ମମତା ବନାର୍ଜୀ ବୁଧବାର ଏହି ସୂଚନା ଦେଇଛନ୍ତି। ଏଥିପାଇଁ ସେ ଯାହା କାରଣ କହିଛନ୍ତି ତାହା ସମସ୍ତଙ୍କୁ ଚକିତ କରିଛି। ମମତା କେନ୍ଦ୍ର ସରକାରଙ୍କ ସଂଶୋଧିତ ଆଇନକୁ ଜନତାଙ୍କ ଉପରେ ବୋଝ ବୋଲି କହିଛନ୍ତି। ‘ସମସ୍ତ ବାହନ ଚଳକଙ୍କୁ ଠିକ୍ ଭାବେ ବାହନ ଚାଳନ କରନ୍ତୁ ଓ ନିଜ ଜୀବନ ବଞ୍ଚାନ୍ତୁ’ ବୋଲି ଆମେ ସତର୍କ କରିଆସୁଛୁ। ଏଥିଯୋଗୁ ରାଜ୍ୟରେ ମୋଟରଯାନ ଦୁର୍ଘଟଣା ହାର କମୁଛି। ଏଣୁ ରାଜ୍ୟରେ ନୂଆ ଆଇନ ଲାଗୁ କରିବାର କୌଣସି ଯଥାର୍ଥତା ନାହିଁ ବୋଲି ମମତା କହିଛନ୍ତି।

ତା ଛଡା ନୂଆ ଆଇନକୁ ଜନତାଙ୍କ ଉପରେ ବଡ ବୋଝ ବୋଲି ମଧ୍ୟ ମମତା କହିଛନ୍ତି। ଏଣୁ ସଂସଦରେ ସଂଶୋଧନ ବିଧେୟକକୁ ମଧ୍ୟ ଆମେ ବିରୋଧ କରିଥିଲୁ। ଏହା ସତ୍ତ୍ୱେ ବିଧେୟକ ଆଇନରେ ପରିଣତ ହୋଇଛି। ଯଦି ଆଇନକୁ ରାଜ୍ୟରେ ଲାଗୁ କରିବାକୁ କେନ୍ଦ୍ର ସରକାର ବାଧ୍ୟ କରନ୍ତି ଏହା କେନ୍ଦ୍ର-ରାଜ୍ୟ ସମ୍ପର୍କରେ ସଂଘୀୟ ହସ୍ତକ୍ଷେପ ବୋଲି ବିଚାର କରାଯିବ ବୋଲି  କହିଛନ୍ତି ମମତା । ତେବେ ମୋଟର ଯାନ ଆଇନ ସଂଶୋଧନରେ  ମାନବାଧିକାର ପ୍ରତି ଗୁରୁତ୍ୱ ଦିଆଯିବା ଦରକାର ବୋଲି ମମତା କହିଛନ୍ତି। ରାଜ୍ୟରେ ଗରିବ ଲୋକେ ବି ଯାନବାହନ ଚଳାଉଛନ୍ତି। ଏଣୁ ସେମାନେ ମୋଟା ରକମର ଜରିମାନା ଦେବାକୁ ଅର୍ଥ କେଉଁଆଡୁ ଆଣିବେ ବୋଲି ମମତା ପ୍ରଶ୍ନ କରିଛନ୍ତି।

ତେବେ ଏହା ମାନେ ନୁହେଁ ଯେ ଆମେ ଦେଶର ଆଇନକୁ ଅବମାନନା କରୁଛୁ। ଆଇନ ଲାଗୁ କରିବା ନେଇ ଆମେ ଅଧିକାରୀମାନଙ୍କ ସହ ମଧ୍ୟ ଆଲୋଚନା କରିଛୁ। ଅଧିକାରୀମାନେ ରାଜ୍ୟରେ କେନ୍ଦ୍ର ସରକାରଙ୍କ ଆଇନ ଲାଗୁ ହେଲେ ଜନତାଙ୍କ ଉପରେ ଆର୍ଥିକ ବୋଝ ପଡିବ ବୋଲି କହିଥିଲେ। ଏଣୁ ଏବେ ରାଜ୍ୟରେ ନୂଆ ମୋଟର ଯାନ ଆଇନ ବର୍ତ୍ତମାନ ଲାଗୁ ହୋଇ ପାରିବ ନାହିଁ ବୋଲି ମମତା କହିଛନ୍ତି।

କେବଳ ମମତା ନୁହଁନ୍ତି ଗୁଜରାଟରେ ବିଜେପି ସରକାର ମଧ୍ୟ କେନ୍ଦ୍ର ସରକାରଙ୍କ ଆଇନରେ ଅନେକ ପରିବର୍ତ୍ତନ କରିଛନ୍ତି। ଏଥିରେ ଲୋକଙ୍କ ଲାଗି ଜରିମନା ରହିଛି । ହେଲେ ମୋଟ ଜରିମାନାରେ ଲୋକଙ୍କୁ ସରକାର ରିହାତି ଦେବେ ବୋଲି ଘୋଷଣା କରିଛନ୍ତି। ସେପ୍ଟେମ୍ବର ପହିଲାରୁ ଲାଗୁ ହୋଇଥିବା ଆଇନ ସାରା ଦେଶରେ ବାହନ ଚାଳକଙ୍କୁ ଆତଙ୍କିତ କରିଛି। ମୋଟାରକମର ଫାଇନ ଭୟରେ ଅନେକ ଯାନବାହନ ଚଳାଇବା ବି ଛାଡି ଦେଇଛନ୍ତି।

   Related Posts