Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

ଏବେ ପୁଲିସକୁ ଜଗିଛନ୍ତି ଲୋକ- ଟ୍ରାଫିକ ନିୟମ ମାନୁ ନଥିବା ପୁଲିସଙ୍କ ଉପରେ ଫୋକସ କରୁଛନ୍ତି ମୋବାଇଲର କ୍ୟାମେରା

10/09/2019 at 5:13 PM

ଭୁବନେଶ୍ୱର – ଏବେ ପୁଲିସକୁ ଲୋକ ଜଗିଛନ୍ତି ।ଏପରି ଶୁଣିବାକୁ ଟିକେ ଅଡୁଆ ଲାଗୁଥିବା । କିନ୍ତୁ କଥାଟା ସତ । ଟ୍ରାଫିକ ନିୟମ ମାନ ନ ଥିବା, ବିନା ହେଲମେଟରେ ମଟର ସାଇକେଲ ଚଢୁଥିବା, ସିଟ ବେଲ୍ଟ ବାନ୍ଧି ନଥିବା ପୁଲିସ କର୍ମଚାରୀଙ୍କୁ ଉପରେ ଲୋକ ନିଜର ମୋବାଇଲ୍‌ର କ୍ୟାମେରା ଫୋକସ କରିବା ସହ ଏହି ଫଟୋକୁ ବିଭିନ୍ନ ସାମାଜିକ ଗଣମାଧ୍ୟମରେ ଅପ୍‌ଲୋଡ କରୁଛନ୍ତି । କେବଳ ସେତିକି ନୁହେଁ ଏମିତି ଫଟୋ ଓ ଭିଡିଓର ସତ୍ୟାସତ୍ୟକୁ ଅନୁସନ୍ଧାନ କରିବା ପରେ ପୁଲିସ ବିଭାଗ କାର୍ଯ୍ୟାନୁଷ୍ଠାନ ବି ଗ୍ରହଣ କରିଛି ।

Photo from social media

କେହି ବି ଆଇନରୁ ଊର୍ଦ୍ଧ୍ୱରେ ନୁହନ୍ତି ବୋଲି ପୁଲିସ ପକ୍ଷରୁ କୁହାଯାଇଛି । ରାଜ୍ୟରେ ବିଭନ୍ନ ଏସ୍‌ପି ଓ କମିଶନରେଟ ପୁଲିସ କର୍ତ୍ତୃପକ୍ଷଙ୍କ ଦୃଷ୍ଟିକୁ ଆସିବା ପରେ ଏପରି ୧୭ ଜଣ ପୁଲିସ କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ମୋଟରଯାନ ଆଇନ ଅନୁସାରେ ତୁରନ୍ତ ଜରିମାନା ଆଦାୟ କରାଯାଉଛି ବୋଲି କମିଶନରେଟ୍‌ ପୁଲିସର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।

କଟକରେ ଜଣେ କନେଷ୍ଟବଳ ବିନା ହେଲମେଟରେ ଗାଡି ଚଳାଉଥିବା ବେଳେ ତାଙ୍କର ଫଟୋ ଏକ ସାମାଜିକ ଗଣମାଧ୍ୟମରେ ପୋଷ୍ଟ ହୋଇଥିଲା । ଏହାପରେ ତାଙ୍କୁ ଏକ ହଜାର ଟଙ୍କା ଜରିମାନା କରାଯାଇଛି ।କେହି ବି ଆଇନଠାରୁ ଊର୍ଦ୍ଧ୍ୱରେ ନୁହନ୍ତି ସମସ୍ତଙ୍କଠାରୁ ଜରିମାନା ଆଦାୟ କରାଯିବ ବୋଲି କମିଶନରେଟ୍‌ ପୁଲିସ ମୁଖପାତ୍ର ଶିଶିର ମିଶ୍ର କହିଛନ୍ତି । ଏବେ ବିଭିନ୍ନ ସାମାଜିକ ଗଣମାଧ୍ୟମରେ ଭୁବନେଶ୍ୱରରେ ଜଣେ ମହିଳା କନେଷ୍ଟବଳ ବିନା ହେଲମେଟ୍‌ରେ ଦ୍ରୁତ ଗତିରେ ସ୍କୁଟର ଚଳାଉଥିବା ଭିଜୁଆଲ୍‌ ଭାଇରାଲ୍‌ ହୋଇଛି । କମିସନରେଟ୍ ପୁଲିସ ପକ୍ଷରୁ ଏହାକୁ ଯାଞ୍ଚ କରାଯାଉଛି ।

ମଟରଯାନ ଆଇନ ଅନୁସାରେ ଆଇନକୁ ଲାଗୁ କରୁଥିବା ଅଧିକାରୀ କି କର୍ମଚାରୀ ଏହାର ଉଲ୍ଲଘଂନ କଲେ ଦୁଇଗୁଣା ଜରିମାନା ଦେବେ । ଏବେ ଲୋକ ହଠାତ୍‌ ଆଇନ ଉଲ୍ଲଘଂନ କରୁଥିବା ପୁଲିସ ଓ ଅନ୍ୟ ସରାକାରୀ ଅଧିକାରୀଙ୍କୁ ଜଗିବା ଆରମ୍ଭ କରିଛନ୍ତି । ଏବେ ଗଣମାଧ୍ୟମ ଓ ସାମାଜିକ ଗଣମାଧ୍ୟମ ପ୍ରତି ଲୋକ ଭୟ କରିବା ଆରମ୍ଭ କରିଛନ୍ତି ।

   Related Posts