Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଏବେ ତାମିଲନାଡୁରେ ବଦାଉଁ ପରି ଅମାନୁଷିକ ଘଟଣା, ମନ୍ଦିର ଭିତରେ ମହିଳାଙ୍କୁ ଗଣଦୁଷ୍କର୍ମ

8/01/2021 at 6:09 PM

ନାଗପଟ୍ଟିନମ ୦୮।୦୧: ଉତ୍ତର ପ୍ରଦେଶର ବଦାଉଁରେ ଘଟିଥିବା ଅମାନୁଷିକ ଏବଂ ବର୍ବର ପରି ଘଟଣା ଏବେ ତାମିଲନାଡୁର ନାଗପଟ୍ଟିନମରେ ଘଟିଛି। ଏଠାରେ ମଧ୍ୟ ମନ୍ଦିରରେ ମହିଳାଙ୍କ ସହ ଗଣଦୁଷ୍କର୍ମ ହୋଇଛି। ଶ୍ରମିକ ଭାବେ କାମ କରୁଥିବା ଜଣେ ବିଧବା ମହିଳା ଏହାର ଶିକାର ହୋଇଛନ୍ତି।

ନିର୍ମାଣ ଶ୍ରମିକ ଭାବେ କାମ କରୁଥିବା ମହିଳାଙ୍କ ସହ ମନ୍ଦିରରେ ଗଣଦୁଷ୍କର୍ମ ହୋଇଥିବା ଅଭିଯୋଗ ହୋଇଛି। ପୁଲିସ ଶୁକ୍ରବାର ଏହାର ସୂଚନା ଦେଇଛି। ଏହି ମାମଲାରେ ପୁଲିସ ଦୁଇ ଜଣଙ୍କୁ ଗିରଫ କରିଛି। ପୁଲିସ କହିଛି ଯେ ଗୁରୁବାର ରାତିରେ ଏହି ଦୁଇ ଜଣ ନିଜ ଭଉଣୀ ଘର ଅଭିମୁଖେ ଯାଉଥିବା ମହିଳାଙ୍କୁ ପିଛା କରିଥିଲେ। ଛୁରି ଦେଖାଇ ବଳପୂର୍ବକ ମନ୍ଦିର ଭିତରକୁ ଟାଣି ଆଣିଥିଲେ। ସେଠାରେ ଦୁଇ ଅଭିଯୁକ୍ତ ମହିଳାଙ୍କୁ ଗଣଦୁଷ୍କର୍ମ କରି ଫେରାର  ହୋଇ ଯାଇଥିଲେ। ମହିଳାଙ୍କ ଶରୀରରେ ଅନେକ କ୍ଷତ ଲାଗିଛି ଏବଂ ସେ ଘଟଣାସ୍ଥଳରେ ଅଚେତ୍ ହୋଇ ପଡିଥିଲେ। ସ୍ଥାନୀୟ ଅଞ୍ଚଳର ଲୋକେ ତାଙ୍କୁ ଉଦ୍ଧାର କରି ନାଗପଟ୍ଟିନମ ଜିଲ୍ଲା  ହସ୍ପିଟାଲରେ ଭର୍ତ୍ତି କରିଥିଲେ।

ପୀଡିତାଙ୍କ ଅଭିଯୋଗ ଅନୁଯାୟୀ ଉଭୟ ଅଭିଯୁକ୍ତ ମଦ ନିଶାରେ ଚୁର ଥିଲେ। ମନ୍ଦିର ଭିତରକୁ ଘୋଷାଡିବା ସହ ମାରପିଟ୍ କରିଥିଲେ ଏବଂ ଦୁଷ୍କର୍ମ କରିଥିଲେ। ଘଟଣା ବିଷୟରେ କାହା ଆଗରେ ନଜଣାଇବାକୁ ଧମକ ଦେଇଥିଲେ। ମହିଳାଙ୍କ ପାଖରେ ଯାହା ବି କିଛି ଟଙ୍କା ଥିଲା ତାହା ବି ଦୁଇ ଅଭିଯୁକ୍ତ ଲୁଟି ନେଇଥିଲେ। ପୁଲିସ ଘଟଣାର ତଦନ୍ତରେ ଜୁଟି ଯାଇଛି। ଦୁଇ ବର୍ଷ ତଳେ ପୀଡିତାଙ୍କ ସ୍ଵାମୀଙ୍କ ମୃତ୍ୟୁ ଘଟି ସାରିଛି। ତାଙ୍କର ଦୁଇ ଶିଶୁ ଅଛନ୍ତି।

ସୂଚନାଯୋଗ୍ୟ, ଉତ୍ତର ପ୍ରଦେଶନରେ ବଦାଉଁରେ ଗତ ଦିନରେ ମନ୍ଦିର ଭିତରେ ଜଣେ ମହିଳାଙ୍କ ସହ ସାମୂହିକ ଦୁଷ୍କର୍ମ ପରେ ଅତି ଜଘନ୍ୟ ଭାବେ ହତ୍ୟା କରାଯାଇଥିଲା। ଏହି ଘଟଣା ନିର୍ଭୟାକାଣ୍ଡକୁ ମନେଇ ପକାଇ ଦେଇଥିଲା। ମାମଲାରେ ମୁଖ୍ୟ ଅଭିଯୁକ୍ତ ମନ୍ଦିରର ପୂଜକ ଏବଂ ଅନ୍ୟଙ୍କୁ ପୁଲିସ ଗିରଫ କରିଛି।

   Related Posts