Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ମାଲାମାଲ ହେବାର ସୁଯୋଗ ସୃଷ୍ଟି କରିଛି ସୁନା, ପ୍ରତି୧୦ଗ୍ରାମ ଦର ଛୁଇଁପାରେ ୫୨ ହଜାର ଟଙ୍କା

26/04/2020 at 4:44 PM

ନୂଆଦିଲ୍ଲୀ ୨୬।୪: ସରା ଦେଶ ଏବେ କରୋନା ଲକଡାଉନ୍‌ରେ। ଏଣୁ ଫିଜିକାଲ ସୁନା କିଣାବିକା ଠପ ହୋଇଯାଇଛି। ଗତବର୍ଷ ଅକ୍ଷୟ ତୃତୀୟାରେ ଦେଶରେ ପ୍ରାୟ ୩୫ ଟନ୍ ସୁନା କିଣାବିକା ହୋଇଥିଲା। ଯଦିଓ ଏଥର ସୁନାର କିଣାବିକା ନାହିଁ ତଥାପି ବୈଶ୍ୱିକ ସ୍ତରରେ ସୁନା ଦର ବଢିବଢି ଚାଲିଛି। ଡିଜିଟାଲ ଜଗତରେ ଲୋକେ ଏକ୍ସଚେଞ୍ଜ ଟ୍ରେଡେଡ ଫଣ୍ଡ, ସୋଭରେନ ଗୋଲ୍ଟବଣ୍ଡ (ଏସଜିବି) ସାଙ୍ଗକୁ ଅନଲାଇନ୍‌ରେ  ଗୋଲ୍ଡ କଏନ ଓ ବାର ଆଦି କିଣୁଥିବାରୁ ଲଗାତାର ଦରବୃଦ୍ଧି ହେଉଥିବା ଜଣାପଡିଛି।

ଅନ୍ୟ ନିବେଶରୁ ଏବେ ନିବେଶକ ଏତେଟା ଲାଭ ପାଉନଥିବା ବେଳେ ସେମାନଙ୍କ ଲାଗି ନିବେଶର ଉତ୍ତମ ପନ୍ଥା ପାଲଟିଛି ସୁନା । ଦେଶରେ କରୋନା ସଂକ୍ରମଣ ପରେ ସେୟାର ମାର୍କେଟ ଉପରତଳ ହେଉଛି। ହେଲେ ସୁନା ଦର ବଢିବଢି ଚାଲିଛି। ଗତବର୍ଷ ଅକ୍ଷୟ ତୃତୀୟାରେ ଥିବା ସୁନାଦର ବର୍ଷକରେ ୪୭ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି। ଗତବର୍ଷ  ପ୍ରତି ୧୦ ଗ୍ରାମ ସୁନା ମୂଲ୍ୟ ୩୧ହଜାର ୫୦୦ରେ କିଣାବିକା ହୋଇଥିଲା। ହେଲେ  ଚଳିତବର୍ଷ ଦର ୪୬ ହଜାର ୫୦୦ରେ ପହଞ୍ଚିଲାଣି। ବଜାରର ଚାହିଦା ଦେଖିଲେ  ଏହି ଦର ଆଗକୁ ଆହୁରି ଅଧିକ ହେବ ବୋଲି ଆକଳନ କରାଯାଉଛି। ବିଶେଷଜ୍ଞଙ୍କ ଅନୁସାରେ ଆଗାମୀ କିଛି ମାସରେ ପ୍ରତି ୧୦ ଗ୍ରାମ ସୁନାଦର ୫୨ ହଜାର ଟଙ୍କା ପର୍ଯ୍ୟନ୍ତ ଚଢିପାରେ। ଏଥିରେ ଅନ୍ତର୍ଜାତୀୟ ବଜାରରେ ପ୍ରତି ଟ୍ରାଇ ଆଉନ୍ସ ଦର ୨୦୦୦ ଡଲାରକୁ ଛୁଇଁବା କିଛି ବଡ କଥା ନୁହେଁ। ଏଣୁ ସୁନାରେ ନିବେଶ ଏବେ ଆହୁରି ଲାଭଦାୟକ ହେବ ବୋଲି ବିଶେଷଜ୍ଞମାନେ ଆକଳନ କରିଛନ୍ତି।

ତେବେ ଏଥିରେ ଟେକ୍ନିକାଲ କରେକ୍ସନକୁ ବଜାର ବିଷାରଦମାନେ ଅଶ୍ୱୀକାର କରିନାହାନ୍ତି। ହେଲେ କରେକ୍ସନ ବାଦେ ମଧ୍ୟ ସୁନା ତାର ଚମକ୍ ହରାଇବ ନାହିଁ ବୋଲି ସେମାନେ ଆକଳନ କରୁଛନ୍ତି। କରେକ୍ସନ ଯୋଗୁ ହୁଏତ ସୁନାଦର ସର୍ବନିମ୍ନ ୩୮ ହଜାର ଅଥବା  ମଧ୍ୟବର୍ତ୍ତି ଦର୪୦ ହଜାରକୁ ଖସିପାରେ। ହେଲେ ତା ପୂର୍ବ ଦରକୁ ଫେରି ନପାରେ ବୋଲି ଆକଳନ ହେଉଛି। ଯଦିବି ଏପରି ହ୍ରାସହୁଏ ପୁଣି ସୁନା ତାର ଶିର୍ଷ ଦରରେ ପହଞ୍ଚିବାକୁ ବେଶି ସମୟ ନେବନି ବୋଲି ଏହି ଆକଳନରୁ ଜଣାଯାଏ।

   Related Posts