Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରିପଦା : ଦିନ ଦ୍ବିପ୍ରହରରେ ଲୁଟ୍, ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଦୁର୍ବୃତ୍ତ
  • ||
  • ବାରିପଦା : ୪୦ ଲକ୍ଷ ଟଙ୍କାର ଧଳା ଜହର ଜବତ, ଜଣେ ଗିରଫ
  • ||
  • ଖୋର୍ଦ୍ଧା : ଅଟୋ ଓ କାର୍ ମୁହାଁମୁହିଁ ଧକ୍କା, ୮ ଆହତ
  • ||
  • ଝାରସୁଗୁଡା : ଜାଲ୍ ନୋଟ୍ କାରବାରର ପର୍ଦ୍ଦାଫାଶ, ୫୭ହଜାର ଟଙ୍କାର ନକଲି ନୋଟ୍ ଜବତ, ରେଳବାଇ କର୍ମଚାରୀ ଗିରଫ
  • ||
  • ପୁରୀ : ମହାପ୍ରଭୁଙ୍କ ଦର୍ଶନ ପାଇଁ ବ୍ୟାରିକେଡ଼ରେ କରିଥିଲେ ଅପେକ୍ଷା, ହଠାତ୍ ଅସୁସ୍ଥ ହୋଇପଡିଲେ ଭକ୍ତ
  • ||
  • ଅନୁଗୋଳ : ଅନନ୍ତ କୋଇଲା ଖଣିରେ ଅଘଟଣ, କୋଇଲା ଲୋଡିଂ ବେଳେ ପୋତିହୋଇଗଲେ ଜଣେ
  • ||
  • ବ୍ରହ୍ମପୁର : ଭିଜିଲାନ୍ସ ପଞ୍ଝାରେ ଆରଆଇ, ଜମି ନିର୍ଦ୍ଧାରଣ ପାଇଁ ୫ ହଜାର ଟଙ୍କା ନେବାବେଳେ ଧରାପଡିଲେ
  • ||
  • ଭୁବନେଶ୍ବର : ଦିନରେ ରଙ୍ଗମିସ୍ତ୍ରୀ, ରାତିରେ ଚୋରୀ, ୫ ବର୍ଷ ଧରି ଖୋଜୁଥିଲା ପୋଲିସ, ଶେଷରେ ଧରାପଡିଲା
  • ||
  • କଟକ : ରମଜାନ ପାଇଁ ସିଏମସିର ଗାଇଡ୍‌ଲାଇନ୍, ନମାଜ ପାଠ ପାଇଁ ୧୦୦ ଲୋକଙ୍କୁ ଅନୁମତି
  • ||
  • ଜଳେଶ୍ବର : ନଦୀ ପଠାରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ, ସ୍ବାମୀ ହତ୍ୟା କରିଥିବା ଅଭିଯୋଗ ଆଣିଲେ ବାପଘର
  • ||

ଏଣିକି ମିଳିବ କଲେଜ, ବିଶ୍ବବିଦ୍ୟାଳୟର ଡିଜିଟାଲ ସାର୍ଟିଫିକେଟ, ଅନଲାଇନରେ ଯେକୌଣସି ସମୟରେ ଜଣେ ଚାହିଁଲେ ନିଜ ସାର୍ଟିଫିକେଟ୍ ଓ ମାର୍କସିଟ୍ ଦେଖିପାରିବ

5/07/2019 at 5:42 PM

ଭୁବନେଶ୍ବର ୫|୭: ଏଣିକି  ଡିଜିଟାଲ ଭର୍ସନ​‌ରେ ମିଳିବ କଲେଜ, ବିଶ୍ବବିଦ୍ୟାଳୟ ସାର୍ଟିଫିକେଟ । ଅନଲାଇନରେ ଯେକୌଣସି ସମୟରେ ଜଣେ ଚାହିଁଲେ ନିଜ ସାର୍ଟିଫିକେଟ୍ ଓ ମାର୍କସିଟ୍ ଦେଖିପାରିବ । ଏମିତିକି ଇଣ୍ଟରଭ୍ୟୁ ସମୟରେ ବି ଆଉ ସାଙ୍ଗରେ ସାର୍ଟିଫିକେଟ୍ ନେଇଯିବାର ଆବଶ୍ୟକତା ପଡିବନି । କାରଣ ୨୦୧୭ରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ଆରମ୍ଭ କରିଥିବା ଏହି ଯୋଜନା ଖୁବ ଶୀଘ୍ର ରାଜ୍ୟରେ କାର୍ଯ୍ୟକାରୀ ହେବ ।

ଆଉ ସାର୍ଟିଫିକେଟ୍ ହଜିବନି କି ନଷ୍ଟ ହେବନି । କିମ୍ବା ସାର୍ଟିଫିକେଟ୍ ପାଇଁ ବାରମ୍ବାର ବିଶ୍ବବିଦ୍ୟାଳୟ କିମ୍ବା କଲେଜକୁ ଦୌଡିବାକୁ ପଡିବନି । କାରଣ ଏଣିକି ଡିଜିଟାଲ୍ ଭର୍ସନରେ ମିଳିବ କଲେଜ ସାର୍ଟିଫିକେଟ୍ । ଅନଲାଇନରେ ସମସ୍ତ କଲେଜ ଏବଂ ବିଶ୍ବ ବିଦ୍ୟାଳୟ ସାର୍ଟିଫିକେଟ୍ ଉପଲବ୍ଧ ହେବ । କେବଳ ସାର୍ଟିଫିକେଟ୍ ନୁହେଁ ମାର୍କସିଟ୍ ବି ମିଳିବ । ଏଥିପାଇଁ ନ୍ୟାସନାଲ୍ ଏକାଡେମିକ୍ସ ଡିପୋଜିଟାରି ବା ନାଡରେ ସମସ୍ତ ଘରୋଇ ଏବଂ ସରକାରୀ କଲେଜ, ବିଶ୍ବବିଦ୍ୟାଳୟ ଛାତ୍ରଛାତ୍ରୀଙ୍କର ଡାଟା ରହିବ ।

ପ୍ରତ୍ୟେକ ଛାତ୍ରଛାତ୍ରୀଙ୍କୁ ନାଡ ଆଇଡି ପ୍ରଦାନ କରାଯିବ । ସେହି ଆଇଡି ମାଧ୍ୟମରେ ଛାତ୍ରଛାତ୍ରୀ ସେମାନଙ୍କର ଡକ୍ୟୁମେଣ୍ଟସ ପାଇପାରିବେ । କୌଣସି ଇଣ୍ଟରଭ୍ୟୁ କିମ୍ବା ଡକ୍ୟୁମେଣ୍ଟ ଯାଞ୍ଚ ବେଳେ ସାଙ୍ଗରେ ଆଉ ସାର୍ଟିଫିକେଟ୍ ନେବାର ଟେନସନ୍ ବି ରହିବନି ।

କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ ରମାଦେବୀ ବିଶ୍ବବିଦ୍ୟାଳୟରେ ହୋଇଥିଲା ଅନଲାଇନ୍ ସାର୍ଟିଫିକେଟ୍ ସମୀକ୍ଷା ବୈଠକ । ବୈଠକରେ ରାଜ୍ୟର ସମସ୍ତ ସରକାରୀ ବେସରକାରୀ କଲେଜ ଏବଂ ବିଶ୍ବବିଦ୍ୟାଳୟର ଅଧ୍ୟକ୍ଷ ଓ କୁଳପତିମାନେ ଯୋଗ ଦେଇଥିଲେ । ତେବେ ଏଭଳି ବ୍ୟବସ୍ଥାକୁ ସମସ୍ତେ ସ୍ବାଗତ କରିଛନ୍ତି ।

କେନ୍ଦ୍ର ସରକାରଙ୍କ ଡିଜିଟାଲ  ଇଣ୍ଡିଆ ଯୋଜନା ମାଧ୍ୟମରେ ୨୦୧୭ରେ  କେନ୍ଦ୍ର ମାନବ  ସମ୍ବଳ ବିକାଶ ମନ୍ତଣାଳୟ  ଏହି ଯୋଜନାର ଶୁଭାରମ୍ଭ  କରିଥିଲେ । ୩୦ ସେପଟେମ୍ବର ୨୦୧୯ ସୁଦ୍ଧା    ମାଗଣାରେ  ସମସ୍ତ  କଲେଜ ଓ ବିଶ୍ବ ବିଦ୍ୟାଳୟ ନାଡରେ ପଂଜିକରଣ କରିବାକୁ ପରାମର୍ଶ ଦିଆଯାଇଛି ।

   Related Posts