Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଶିକୁଳିରେ ବନ୍ଧା ପଡିଛି ସ୍ୱପ୍ନ- ୭ବର୍ଷ ହେଲାଣି ମହିଳାଙ୍କ ଗୋଡରେ ପଡିଛି ବେଡି , ଏବେ ସାହାଯ୍ୟକୁ ଅପେକ୍ଷା

28/11/2019 at 10:12 PM

ଆନନ୍ଦପୁର : ସବୁ ଯୁବତୀ ଙ୍କ ପରି ଲିଲି ର ମଧ୍ଯ ସମାନ ଇଚ୍ଛା, ସମାନ ସ୍ୱପ୍ନ ରହିଥିଲା ଉଚିତ୍ ସମୟରେ ପରିବାର ଲୋକେ ଲିଲିର ବିବାହ କରିଥିଲେ । ଘରର ବଡ ଝିଅ ହୋଇଥିବାରୁ ଲିଲିକୁ ଜଲଦି ବାହା କରାଇ ଦେଇଥିଲେ ବାପା ମା । ବାହାଘର ସରିବା ପରେ ବେଶ୍‌ ହସଖୁସୀରେ ନିଜ ବୈବାହିକ ଜୀବନ ବିତାଉଥିଲା । ହେଲେ ତା ଜୀବନରେ ଅଚାନକ ଚଡକ ପଡିଲା ଠିକ୍ ସେତିକିବେଳେ ଯେବେ ନାରୀ ତା ଜୀବନର ପୂର୍ଣତା ପାଇଥାଏ । ଲିଲି ମା ହେଲା, ଗୋଟିଏ ପୁତ୍ର ସନ୍ତାନଟିଏ ଜନ୍ମ ଦେଲା । ହେଲେ ସନ୍ତାନ ପ୍ରସବ ପରେ କଅଣ ହେଲା କେଜାଣି ଲିଲି ଠାରେ ମାନସିକ ବିକୃତି ର ଲକ୍ଷଣ ଦେଖିବାକୁ ମିଳିଲା । କ୍ରମଶଃ ଏହି ଲକ୍ଷଣ ବୃଦ୍ଧି ପାଇବାରେ ଲାଗିବା ଯୋଗୁଁ ସ୍ବାମୀ ତାକୁ ପରକରିଦେଲା । ତାକୁ ଆଣି ବାପଘରେ ଛାଡି ଚାଲିଗଲା , ଆଉ କେବେ ଫେରି ତାର ଭଲ ମନ୍ଦ ବୁଝିଲା ନାହିଁ । ଏବେ ଦୀର୍ଘ ୭ ବର୍ଷ ହେବ ଗୋଡରେ ବେଡି ବନ୍ଧାହୋଇ ବାପଘରେ ପଡିରହିଛି ।
ଆନନ୍ଦପୁର ପୌରାଞ୍ଚଳ ୧୪ ନଂ ଓ୍ବାର୍ଡ ଘସିପୁରା ପାତ୍ରସାହୀ ର କାଠିଆ ପାତ୍ର ଓ ପାର୍ବତୀ ପାତ୍ର ଙ୍କ ବଡ ଝିଅ ଲିଲି , ବୟସ ମାତ୍ର ୨୪ ବର୍ଷ । ମାନସିକ ବିକୃତି ରୁ ସ୍ବାମୀ ଛାଡିଦେବାପରେ ଦୀର୍ଘ ୮ବର୍ଷ ହେବ ପଡିରହିଛି ବାପ ଘରେ । ମୁଣ୍ଡ କାମ କରୁ ନଥିବାରୁ ବେଳେବେଳେ ଏଣେତେଣେ ପଳାଉଥିବାରୁ ପରିବାର ଲୋକେ ତାଙ୍କ ଗୋଡରେ ବେଡି ବାନ୍ଧିବାକୁ ବାଧ୍ୟ ହେଉଛନ୍ତି । ପ୍ରାଥମିକ ସ୍ତରରେ ମା ବାପା ଅନେକ ଯାଗାକୁନେଇ ଲିଲି ର ଚିକିତ୍ସା ପାଇଁ ପ୍ରୟାସ କରିଛନ୍ତି । କଟକ ବଡ ଡାକ୍ତରଖାନା ରେ ଭର୍ତ୍ତି କରି କିଛି ମାସ ଚିକିତ୍ସା କରାଇଥିଲେ । ପରେ ପରେ ରାଞ୍ଚି ରେ ମଧ୍ୟ ଲିଲି ର ଚିକିତ୍ସା କରିଥିଲେ ପରିବାର ଲୋକେ । ରାଞ୍ଚି ର ଚିକିତ୍ସା ଓ ମେଡିସିନ ରେ କିଛିମାତ୍ରା ରେ ତାର ସୁଧାର ଆସିଥିବା କହିଛନ୍ତି ପରିବାର ଲୋକେ ।

ବାପା କାଠିଆ ପାତ୍ର ଜଣେ ରିକ୍ସା ଚାଳକ ହୋଇଥିବାରୁ ଆର୍ଥିକ ଅନାଟନ କାରଣରୁ ଆଉ ରାଞ୍ଚି ରେ ଆଉ ଚିକିତ୍ସା କରାଇବା ସମ୍ଭବ ହୋଇ ପାରୁନାହିଁ ତାଙ୍କ ପକ୍ଷରେ । ସରକାରୀ ସହାୟତା ମିଳିଲେ କିମ୍ବା କୌଣସି ବ୍ଯକ୍ତି ବିଶେଷ କିମ୍ବା ଅନୁଷ୍ଠାନ ତରଫରୁ ସହାୟତା ମିଳିଲେ ହୁଏତ ଲିଲି ପୁଣି ଥରେ ଭଲ ହୋଇ ହସ ଖୁସୀରେ ସଂସାର କରିପାରନ୍ତା ହୋଇପାରନ୍ତା

   Related Posts