Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନାଲରୁ ବୃଦ୍ଧାଙ୍କ ମୃତଦେହ ଉଦ୍ଧାର, ଗାଧୋଇବା ବେଳେ ନିଖୋଜ ହୋଇଯାଇଥିଲେ
  • ||
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ପୂର୍ବାପେକ୍ଷା ଅଧିକ ସଂକ୍ରାମକ ହେଲା Covidର ଡେଲ୍ଟା ଭାରିଆଣ୍ଟ, ସଂକ୍ରମଣରେ ଆଲଫା, ବିଟା ଓ ଗାମାକୁ ଛାଡିଲା ପଛରେ

23/09/2021 at 4:28 PM

ନୂଆଦିଲ୍ଲୀ ୨୩।୯: କରୋନାର ଡେଲ୍ଟା ଭାରିଆଣ୍ଟ ସମୟ ସହ ଆହୁରି ମଜଭୁତ ହୋଇଛି। ଯାହା ଏବେ ବିଶ୍ୱ ଜନସ୍ୱାସ୍ଥ୍ୟ ଲାଗି ବିପଦଜନକ ବୁଝା ଯାଉଥିବା ବିଶ୍ୱା ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁଏଚଓ)ଙ୍କ ବୈଷୟିକ ମୁଖ୍ୟ ଡା.ମାରିଆ ଭାନ କିରଖୋବ ଏକ କାର୍ଯ୍ୟକ୍ରମରେ କହିଛନ୍ତି। କରୋନାର ବିଭିନ୍ନ ପ୍ରକାରକୁ ଡବ୍ଲୁଏଚଓ ଆଲଫା, ବିଟା, ଗାମା ସମେତ ଇଟା, ଆୟୋଟା ଓ କପ୍ପା ନାମରେ ନାମିତ କରିଛନ୍ତି। ତେବେ ଏହି ସବୁ ଭୂତାଣୁ ପ୍ରାକରର ସଂକ୍ରମଣ ଏବେ ୧ ପ୍ରତିଶତରୁ ବି କମ ରହୁଥିବା ବେଳେ ଡେଲ୍ଟାର ତୀବ୍ର ପ୍ରସାର ହେଉଛି।

ଯଦିଓ କରୋନା ଭାଇରସର ଏହା ଶେଷ ପ୍ରକାର ନୁହେଁ ତେବେ ଏହା ଟିକାକରଣ କରାଇଥିବା ଓ ନ କରିଥିବା ଲୋକଙ୍କ ଉପରେ ସମାନ ପ୍ରକୋପ କରୁଛି। ସଂକ୍ରମିତ ଡାକ୍ତରଖାନାରେ ଭର୍ତ୍ତି ହେବା ସହ ମୃତ୍ୟୁମୁଖରେ ମଧ୍ୟ ପଡୁଛନ୍ତି। ବିଶ୍ୱର ୧୮୫ଟି ଦେଶରେ ଏବେ ଭୂତାଣୁର ଡେଲ୍ଟା ପ୍ରକାର ପ୍ରକୋପ କରୁଥିବା ବେଳେ ଡବ୍ଲୁଏଚଓ  ଆଲଫା, ବିଟା, ଗାମା, ଇଟା, ଆୟୋଟା ଓ କପ୍ପା ନେଇ ସତର୍କତାକୁ ତଳେଇ ଦେଇଛନ୍ତି। ତେବେ ଡେଲ୍ଟା ନେଇ ଉଚ୍ଚ ସତର୍କତା ଅବଲମ୍ବନ ଲାଗି ପରାମର୍ଶ ଦେଇଛନ୍ତି।

ଭୂତାଣୁର ଏହି ପ୍ରକାର ଚଳିତବର୍ଷ ମାର୍ଚ୍ଚରୁ ଜୁନ ପର୍ଯ୍ୟନ୍ତ ଭାରତରେ ପ୍ରକୋପ କରିଥିଲା। ମେ ଓ ଜୁନ ମାସରେ ସଂକ୍ରମଣ ପିକ୍‌କୁ ଛୁଇଁଥିବା ବେଳେ ଦେଶରେ ମୃତ୍ୟୁର ତାଣ୍ଡବ ରଚିଥିଲା। ରାଜଧାନୀ ଦିଲ୍ଲୀ ସମେତ ଦେଶର ବିଭିନ୍ନ ରାଜ୍ୟରେ ହସ୍ପିଟାଲ ବେଡ୍ ଏହି ଭୂତାଣୁ ସଂକ୍ରମଣ ଆଗରେ ଅଭାବପଡିଯାଇଥିଲା। ଲୋକେ ଅକ୍ସିଜେନ ଲାଗି ଛଟପଟ ହୋଇ ମରିଥିଲେ।

ଭାରତରେ ଏବେ ଭୂତାଣୁର ଆର-ଭାଲ୍ୟୁ ଏବେ ପ୍ରସମିତ ହୋଇଛି। ତେବେ କେସ୍ ଲୋଡ କମି ନାହିଁ। ବିଶ୍ୱରେ ଡେଲ୍ଟା ଭାରିଆଣ୍ଟ ଲାଗି କଡ଼ା ସତର୍କତା ଅବଲମ୍ବନ ନିମନ୍ତେ ଡା. କିରଖୋଭ ପରାମର୍ଶ ଦେଇଛନ୍ତି। ଜନଗହଳିକୁ ପ୍ରଶୟ ନଦେବା, ପରୀକ୍ଷଣ ବଢାଇବା ଓ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ଚିହ୍ନଟ ପୂର୍ବ ଭଳି ଜାରି ରଖିବା ସହ ଯୁଦ୍ଧକାଳୀନ ଟିକାକରଣ କରିବାକୁ ଡା.କିରଖୋଭ କହିଛନ୍ତି।

   Related Posts