Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

Corona virus: ମଣିଷଙ୍କ ପରେ ଏବେ ଆକ୍ରାନ୍ତ ହେଲା ବଜାର, Auto ଇଣ୍ଡଷ୍ଟ୍ରି ଗୁରୁତର ପ୍ରଭାବିତ

7/02/2020 at 6:04 PM

ସିଓଲ ୭।୨:  ଚୀନରେ ସୃଷ୍ଟି ହୋଇଥିବା ନ୍ୟୁ କରୋନା ଭାଇରସର ପ୍ରଭାବ ଏବେ ବିଶ୍ୱ ବଜାରକୁ ସଂକ୍ରମିତ କରିବ। ଯାହାର ପ୍ରଭାବ ଅର୍ଥନୀତି ଉପରେ ପଡିବାର ଆଶଙ୍କା କରାଗଲାଣି। ଦକ୍ଷିଣ କୋରିଆ ବାହାନ ନିର୍ମାତା ହ୍ୟୁଣ୍ଡାଇ ଶୁକ୍ରବାର ତାର ସର୍ବାଧିକ ଉତ୍ପାଦନ କ୍ଷମ ଉଲସାନ ପ୍ଲାଣ୍ଟକୁ ଅସ୍ଥାୟୀ ଭାବେ ବନ୍ଦ ଘୋଷଣା କରିଛି। ଚୀନରେ କରୋନା ସଂକ୍ରମଣ ଯୋଗୁ ଔଦ୍ୟୋଗିକ ଉତ୍ପାଦନ ପ୍ରଭାବିତ ହୋଇଛି। ଏଣୁ ବାହାନର ଯନ୍ତ୍ରାଂଶ ପ୍ରସ୍ତୁତି ଲାଗି ଆବଶ୍ୟକ ସାମଗ୍ରୀ ମହଜୁଦ ନଥିବାରୁ ହ୍ୟୁଣ୍ଡାଇ ପ୍ଲାଣ୍ଟ ବନ୍ଦ କରିବାକୁ ବାଧ୍ୟ ହୋଇଛି।

ବାର୍ଷିକ ୧୪ ଲକ୍ଷ ବାହନ ଉତ୍ପାଦନ କ୍ଷମତା ରଖୁଥିବା ଉଲସାନ ପ୍ଲାଣ୍ଟ ଯଦି ୫ ଦିନ ବନ୍ଦ ହୁଏ ତେବେ ୫୦ କୋଟି ଡଲାର କ୍ଷତିର ଆଶଙ୍କା କରାଯାଉଛି। ଚୀନରୁ ବ୍ୟାପୁଥିବା ଭୂତାଣୁ ସଂକ୍ରମଣ ରୋକିବା ଲାଗି ପ୍ଲାଣ୍ଟ କର୍ତ୍ତୃପକ୍ଷ ଏହି ପଦକ୍ଷେପ ନେଇଥିବା କହିଛନ୍ତି। ହେଲେ ବାସ୍ତବ କଥା ହେଉଛି  ଚୀନରୁ ରପ୍ତାନୀ ବନ୍ଦ ଯୋଗୁ ଇଲେକ୍ଟ୍ରୋନିକ୍ ଉପକରଣକୁ ପରସ୍ପର ସହ ସଂଯୁକ୍ତ କରିବା ଲାଗି ସାମଗ୍ରୀର ଏବେ ଘୋର ଅଭାବ ଦେଖାଦେଇଛି। ଏଣୁ ହ୍ୟୁଣ୍ଡାଇ ସମେତ ଅନ୍ୟ ମୋଟର କମ୍ପାନୀମାନେ ସେମାନଙ୍କ ଉତ୍ପାଦନ ବନ୍ଦ କରିବାକୁ ଏବେ ନିଷ୍ପତ୍ତି ନେଇଛନ୍ତି।

୨୫ ହଜାର କର୍ମଚାରୀଙ୍କୁ ଅସମୟରେ ଦିଆଗଲା ଛୁଟି
ଚୀନରେ ଭୂତାଣୁ ସଂକ୍ରମଣ ଯୋଗୁ କେବଳ ଦକ୍ଷିଣ କୋରିଆ ୨୫ ହଜାର କର୍ମଚାରୀଙ୍କୁ ବିନା କାରଣରେ ଛୁଟିରେ ପଠାଇ ଦିଆଯାଇଛି। ଉଲସାନ ପ୍ଲାଣ୍ଟର କର୍ମଚାରୀମାନେ ଏଥିଲାଗି କ୍ଷୋଭ ପ୍ରକାଶ କରିଥିବା ବେଳେ ଛୁଟି ଯୋଗୁ ବେତନ କାଟ୍‌କୁ ନେଇ ଚିନ୍ତାବ୍ୟକ୍ତ କରିଛନ୍ତି। ତେବେ କରୋନା ଭାଇରସ ଯୋଗୁ ଚୀନ ବାହାରେ ପ୍ଲାଣ୍ଟ ବନ୍ଦ ହେବାର ଏହା ପ୍ରଥମ ଘଟଣା ବୋଲି ଜଣାପଡିଛି।

କିୟା ମୋଟର୍ସର ବନ୍ଦ କରିବ ୩ ପ୍ଲାଣ୍ଟ
କିୟା ମୋଟର୍ସ ଗତ ସୋମବାର ଠାରୁ ତାର ୩ଟି ପ୍ଲାଣ୍ଟକୁ ବନ୍ଦ କରିବାକୁ ନିଷ୍ପତ୍ତି ନେଇଛି। ଏହା ଛଡା ରେନଲ୍ଟର ଦକ୍ଷିଣ କୋରିଆ ସହଯୋଗୀ ବୁଷାନ ପ୍ଲାଣ୍ଟ ଆଗାମୀ ସପ୍ତାହରୁ ବନ୍ଦ ହେବ । ଏଥିରେ ଫିଏଟ୍ କ୍ରାଇସଲର ତାର ଏକ ୟୁରୋପୀୟ କାରଖାନାର ପରିଚାଳନା ଏବେ ବନ୍ଦ କରିବ ବୋଲି କହିଛି। ଚୀନରେ କରୋନା ସଂକ୍ରମଣକୁ ଏପର୍ଯ୍ୟନ୍ତ ନିୟନ୍ତ୍ରିତ କରାଯିବା ଦୂରର କଥା ଏଥିଲାଗି ଉପାୟ ମଧ୍ୟ ବାହାରିନି। ଦକ୍ଷିଣ କୋରିଆର ଅଧିକାଂଶ କମ୍ପାନୀ ଚୀନ ଉପରେ ନିର୍ଭରଶୀଳ। ଏଥିରେ ଚୀନରୁ ରପ୍ତାନୀ ବନ୍ଦ ଥିବାରୁ ଏଠାରେ କଳକାରଖାନା ବି ବନ୍ଦ ହେବା ଅବସ୍ଥାରେ ପହଞ୍ଚିଯାଇଛି।

ସମଗ୍ର ବିଶ୍ୱ ଉପରେ ପଡିପାରେ ପ୍ରଭାବ
ତେବେ ଦକ୍ଷିଣ କୋରିଆରେ ଉପୁଜିଥିବା ପରିସ୍ଥିତି କେବଳ ଏକ ଉଦାହରଣ ହେଲେ ଆଗକୁ ସମଗ୍ର ବିଶ୍ୱ ଏଥିଯୋଗୁ ପ୍ରଭବିତ ହେବ ବୋଲି ଏବେଠୁ ସତର୍କ କରିଛନ୍ତି ମୁଡିଜ୍ ଆନାଲିଟିକ୍ସର ମୁଖ୍ୟ ଇକନୋମିଷ୍ଟ ମାର୍କ ଜଣ୍ଡି। ସେ କହିଛନ୍ତି ଯେ ମାନୁଫେକ୍ଚରିଂ ଲାଗି ଆବଶ୍ୟକ ସାମଗ୍ରୀ ଯୋଗାଣ ଶୃଙ୍ଖଳାର ଚୀନ ଏବେ ଅଭିନ୍ନ ଅଂଶ ପାଲଟିଯାଇଛି ଓ ସାରା ବିଶ୍ୱରେ ତାର ଭାଗିଦାରୀ ପ୍ରାୟ ୨୦ ପ୍ରତିଶତ। ଏଣୁ ଚୀନରେ କାରଖାନା ବନ୍ଦର ପ୍ରଥମେ ପ୍ରଭାବ ତାର ପଡୋଶୀ ତାଇୱାନ, ଭିଏତନାମ ଓ ଏବେ ମାଲେସିଆ ଓ ଦକ୍ଷିଣ କୋରିଆକୁ ପ୍ରଭାବିତ କରିଛି। ତେବେ ବିଳମ୍ବରେ ହେଲେବି ଆମେରିକା ଓ ଅନ୍ୟ ଦେଶଙ୍କ ଉପରେ ନିଶ୍ଟିତ ଏହାର ପ୍ରଭାବ ପଡିବ ବୋସଲି ଜଣ୍ଡି କହିଛନ୍ତି।  

   Related Posts