Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ଆର୍ଶୀବାଦଙ୍କୁ ଅଟକାଇବ କିଏ : ଓସିଏରେ ପୁଅ , ଫାଓରେ ବାପ !

3/02/2020 at 2:26 PM

କଟକ ୦୩।୦୨:  ଓସିଏ ଚୌକି ଖସିବା ପରେ ନୂଆ ଚୌକି ଅପେକ୍ଷାରେ ଥିଲେ ଆଶୀର୍ବାଦ । ବେଶ୍‌ ଚତୁରତାର ସହ ଗୋଟି ଚାଳନା କରି ପୁଅ ସଞ୍ଜୟ ବେହେରାଙ୍କୁ ଓସିଏ ସମ୍ପାଦକ କରାଇବା ପରେ ଏବେ ସଞ୍ଜୟଙ୍କ ପୁରୁଣା ଚୌକି (ଫାଓ ସମ୍ପାଦକ) ମାଡ଼ି ବସିବାକୁ ବେଶ୍ ଆଗ୍ରହ ପ୍ରକାଶ କରିଛନ୍ତି ଆଶୀର୍ବାଦ । ଏଭଳି ସ୍ଥିତିକୁ ନେଇ ବାରବାଟୀ ଷ୍ଟାଡିୟମ୍‌ ଠାରେ ଚୌକି ଅଦଳବଦଳ ରାଜନୀତି ଜୋର୍‌ ଧରିଛି ।

ଫୁଟବଲ୍‌ ଆସୋସିଏସନ୍‌ ଅଫ୍‌ ଓଡ଼ିଶା (ଫାଓ) ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଛି । ୧୫ଟି ପଦ ପଦବୀ ପାଇଁ ମୋଟ୍‌ ୨୦ଜଣ ଆଶାୟୀ ନାମାଙ୍କନପତ୍ର ଦାଖଲ କରିସାରିଛନ୍ତି । ଦାଖଲ କରିଥିବା ନାମାଙ୍କନ ପତ୍ର ମଧ୍ୟରୁ ଓଡ଼ିଶା କ୍ରିକେଟ ଆସୋସିଏସନ୍‌(ଓସିଏ)ର ପୂର୍ବତନ ସମ୍ପାଦକ ଆଶୀର୍ବାଦ ବେହେରା । ସମ୍ପାଦକ ପଦବି ପାଇଁ ଆଶୀର୍ବାଦ ନାମାଙ୍କନ ଦାଖଲ କରିଥିବା ବେଳେ ନିର୍ବାଚନରେ ସେ ଅପ୍ରତିଦ୍ୱନ୍ଦ୍ୱୀ ରହିଛନ୍ତି ।

୨୦୧୯ ଅଗଷ୍ଟ ୨୫ତାରିଖରେ ଫାଓର ସମ୍ପାଦକ ପଦବିରୁ ସଞ୍ଜୟ ବେହେରା ଇସ୍ତଫା ଦେଇଥିଲେ । ପରେ କାଉନସିଲ୍‌ ନଥିବାରୁ ସେବେଠାରୁ ଅଭିଜିତ୍‌ ପାଲ୍‌ କାର୍ଯ୍ୟକାରୀ ସମ୍ପାଦକ ଭାବେ ଦାୟିତ୍ୱ ନିର୍ବାହ କରୁଥିଲେ । ତେବେ ଏବେ ପ୍ରାୟ ୫ମାସ ପରେ ଫାଓ ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଛି । ତେବେ ସଞ୍ଜୟଙ୍କ ପରେ ସମ୍ପାଦକ ପଦବି ପାଇଁ ଏଥର ଫାଓରେ ନୂଆ ମୁହଁ ଦେଖିବାର ଆଶା କରାଯାଉଥିଲା । ଏମିତିକି ଅନେକ ଦୌଡ଼ରେ ବି ଥିଲେ । କିନ୍ତୁ ଏସବୁ ଆକଳନ ଭୁଲ୍‌ ପ୍ରମାଣିତ ହେଲା । ଆସନ ଓ ପଦବି ମୋହରେ ଆଶୀର୍ବାଦ ଫାଓ ଆଡକୁ ମୁହାଁଇଲେ ବୋଲି କୁହାଯାଉଛି । ପୁଅ ସଞ୍ଜୟକୁ ଓସିଏ ସମ୍ପାଦକ କରାଇ ଫାଓରେ ନିଜକୁ ଅବସ୍ଥାପିତ କରିବାକୁ ଆଶୀର୍ବାଦ ଏକ ଜବରଦସ୍ତ ଖେଳ ଖେଳିଲେ ବୋଲି ଆଲୋଚନା ହେଉଛି ।

ଫାଓର ୧୫ଟି ପଦବି ପାଇଁ ନିର୍ବାଚନ ହେବ । ଏଥିରେ ସଭାପତି, କାର୍ଯ୍ୟକାରୀ ସଭାପତି, ସମ୍ପାଦକ, କୋଷାଧ୍ୟକ୍ଷ, ୩ଟି ଯୁଗ୍ମସମ୍ପାଦକ ଓ ୮ଟି ଉପସଭାପତି ପଦବି ଅନ୍ତର୍ଭୁକ୍ତ । ତେବେ ଉପସଭାପତି ପଦବିକୁ ଛାଡ଼ିଲେ ଅନ୍ୟ ସବୁ ପଦବିରେ କୌଣସି ପ୍ରତିଦ୍ୱନ୍ଦ୍ୱିତା ନାହିଁ । ଦେବାଶିଷ ସାମନ୍ତରାୟ ସଭାପତି, ଡ.ଶ୍ରୀକର ମିଶ୍ର କାର୍ଯ୍ୟକାରୀ ସଭାପତି, ଆଶୀର୍ବାଦ ବେହେରା ସମ୍ପାଦକ, ଅଭିଜିତ ପାଲ୍‌, ସହିଦ ଜବାର୍‌, ବିଶ୍ୱରଞ୍ଜନ ଘଡେଇ ଯୁଗ୍ମସମ୍ପାଦକ ଓ ଭକ୍ତବଲ୍ଲଭ ଦାସ କୋଷାଧ୍ୟକ୍ଷ ପଦବି ପାଇଁ ନାମାଙ୍କନ ଦାଖଲ କରିଛନ୍ତି । ଏମାନଙ୍କ ବିପକ୍ଷରେ କୌଣସି ପ୍ରାର୍ଥୀ ନଥିବାରୁ ଏମାନେ ନିଦ୍ୱର୍ନ୍ଦ୍ୱରେ ନିର୍ବାଚିତ ହେବା ନିଶ୍ଚିତ । ସେହିପରି ୮ଟି ଉପସଭାପତି ପଦବି ପାଇଁ ୧୩ଜଣ ଆଶାୟୀ ରହିଛନ୍ତି । ବିଜୟ ଦାସ, ଦିଲ୍ଲୀପ ସାହୁ, ପ୍ରଦୀପ କିଶୋର ମହାନ୍ତି, ରବିନାରାୟଣ ପଣ୍ଡା, ହୃଦୟ ରଞ୍ଜନ ବେହେରା, ବସନ୍ତ କୁମାର ପାଣିଗ୍ରାହୀ, ଆକମଲ୍‌ ଅଲ୍ଲୀ, ଡ.ଜନାର୍ଦ୍ଦନ ଦାସ, ରାଜେନ୍ଦ୍ର ମହାନ୍ତି, ଯୁଗଳ ସିଂ, ପ୍ରଦୀପ କୁମାର ଦାଶ, ଉପେନ୍ଦ୍ର ନାଥ ଦାସ, ଜୀବନ ମହାନ୍ତି ପ୍ରମୁଖ ଉପସଭାପତି ପଦବି ଦୌଡ଼ରେ ରହିଛନ୍ତି । ଆସନ୍ତା ୪ତାରିଖରେ ପ୍ରାର୍ଥୀ ପ୍ରତ୍ୟାହାର ପାଇଁ ସୁଯୋଗ ଦିଆଯାଇଛି ।

   Related Posts