Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

କୋଭିଡ୍‌-୧୯ର ଶିକାର ହେଲେ ଦୁନିଆର ଏକ ନମ୍ବର ପୁରୁଷ ଟେନିସ୍ ଖେଳାଳି

23/06/2020 at 6:03 PM

ନୂଆଦିଲ୍ଲୀ ୨୩।୦୬: ଦୁନିଆର ଏକ ନମ୍ବର ପୁରୁଷ ଟେନିସ୍‌ ତାରକା ନୋଭାକ ଜାକୋଭିକ କରୋନା ସଂକ୍ରମଣର ଶିକାର ହୋଇଛନ୍ତି। ତାଙ୍କର ଯାଞ୍ଚ ରିପୋର୍ଟ ପଜିଟିଭ୍ ଆସିଛି। ସର୍ବିଆର ଏହି ଖେଳାଳି ନିକଟରେ ସର୍ବିଆ ଓ କ୍ରୋଏସିଆରେ ଆୟୋଜିତ ପ୍ରଦର୍ଶନୀ ପ୍ରତିଯୋଗିତାରେ ସାମିଲ ହୋଇଥିଲେ।  ଏଠାରେ ଅନେକ ଖେଳାଳି କରୋନା ସଂକ୍ରମିତ ହୋଇଥିଲେ। ଏହା ପରେ ଜାକୋଭିକ୍ ନିଜର ଯାଞ୍ଚ କରାଇଥିଲେ। କରୋନା ସଂକ୍ରମିତ ଚିହ୍ନଟ  ହେବା ପରେ ଫାଇନାଲ୍ ମ୍ୟାଚ୍ ରଦ୍ଦ ହୋଇଥିଲା। ଏହା ପରେ ଜାକୋଭିକ୍ କ୍ରୋଏସିଆ ଚାଲି ଯାଇଥିଲେ। ବେଲଗ୍ରାଦରେ ସେ ନିଜର ପରୀକ୍ଷଣ କରାଇଥିଲେ। ରିପୋର୍ଟ ପଜିଟିଭ୍ ଆସିବା ପରେ ଜାକୋଭିକ୍ ନିଜକୁ ଆଇସୋଲେଟ୍ କରିଛନ୍ତି।

ଜାକୋଭିକ୍‌ଙ୍କ ଷ୍ଟାଫ ଦ୍ଵାରା ଜାରି  ବୟାନ ଅନୁଯାୟୀ, ଜାକୋଭିକ୍‌ କୋଭିଡ୍‌-୧୯ ଚିହ୍ନଟ ହୋଇଛନ୍ତି। ହେଲେ ତାଙ୍କ ଠାରେ କୌଣସି ଲକ୍ଷଣ ଦେଖିବାକୁ ମିଳିନାହିଁ। ଏହା ପୂର୍ବରୁ ପ୍ରଦର୍ଶନୀ ମ୍ୟାଚ୍‌ରେ ଯୋଗ ଦେଇଥିବା ଭିକ୍ଟର ଟ୍ରାଇକି ମଙ୍ଗଳବାର କହିଛନ୍ତି, ସେ ଓ ତାଙ୍କ ଗର୍ଭବତୀ ପତ୍ନୀ ଉଭୟ କରୋନା ସଂକ୍ରମିତ। ସର୍ବିଆର ଖେଳାଳି ଟ୍ରାଇକି ଦୁଇଟି ପର୍ଯ୍ୟାୟରେ ଆୟୋଜିତ ଏହି ପ୍ରତିଯୋଗିତାର ପ୍ରଥମ ପର୍ଯ୍ୟାୟରେ ବେଲଗ୍ରାଦରେ ଜାକୋଭିକ୍‌ଙ୍କ ବିରୋଧରେ ଖେଳିଥିଲେ। ଟ୍ରାଇକି ବିଶ୍ଵ ମାନ୍ୟତାରେ ଶୀର୍ଷ ୨୦ରେ ସାମିଲ।

ଦୁନିଆର ଏକ ନମ୍ବର ଟେନିସ୍‌ ଖେଳାଳି ଜାକୋଭିକ୍ ଏହି ପ୍ରଦର୍ଶନୀ ମ୍ୟାଚ୍‌ର ଚେହେରା ଥିଲେ। ଏଡ୍ରିୟା ଟୁର୍‌ ନାମରେ ଆୟୋଜିତ ଏହି ସିରିଜ୍ ପ୍ରଦର୍ଶନୀ ମ୍ୟାଚ୍‌ର ଉଦଘାଟନ ସର୍ବିଆର ରାଜଧାନୀରେ ହୋଇଥିଲା। ଗତ ସପ୍ତାହରେ କ୍ରୋଏସିଆର ଜଦରରେ ମ୍ୟାଚ୍‌ର ଆୟୋଜନ ହୋଇଥିଲା।

ଦର୍ଶକରେ ଭରା ଏହି ଟୁର୍ଣ୍ଣାମେଣ୍ଟର ଆୟୋଜନ ଜାକୋଭିକ୍‌ଙ୍କ ଭାଇ କରିଥିଲେ। ଏହାକୁ ନେଇ ସମାଲୋଚନା ମଧ୍ୟ ହୋଇଥିଲା। ଏହି ସମୟରେ ସାମାଜିଦ ଦୂରତ୍ଵ ପାଳନ କରାଯାଇନଥିଲା। ଟେନିସ୍‌ ଖେଳାଳି ଗ୍ରିଗେର ଦିମିତ୍ରୋଭ, ବୋର୍ନା କୋରିକ ଓ ଭିକ୍ଟର ଟ୍ରାଇକି କରୋନା ପଜିଟିଭ୍ ହେବା  ପରେ ପ୍ରଦର୍ଶନୀ ଟୂର୍ଣ୍ଣାମେଣ୍ଟକୁ ରଦ୍ଦ କରାଯାଇଛି। ଏହି ଟୂର୍ଣ୍ଣାମେଣ୍ଟର ଦ୍ଵିତୀୟ ପର୍ଯ୍ୟାୟରେ ନୋଭାକ ଜାକୋଭିକ୍ ଏବଂ ରୁଷର ଆନ୍ଦ୍ରେ ରୁବଲେଭଙ୍କ ସହ ଫାଇନାଲ୍ ମ୍ୟାଚ୍‌ ହେବାର ଥିଲା।

   Related Posts