Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ରାଜ୍ୟର ବିଭିନ୍ନ ମନ୍ଦିରର ଅଡିଟ୍ ହେବ, ସରକାରଙ୍କ ପକ୍ଷରୁ ନୋଟିସ୍ ଜାରି

26/09/2019 at 11:15 AM

ଭୁବନେଶ୍ବର ୨୬।୯: ରାଜ୍ୟର ବିଭିନ୍ନ ମନ୍ଦିରର ଅଡିଟ୍ ହେବ । ଏଥିପାଇଁ ସରକାରଙ୍କ ପକ୍ଷରୁ ନୋଟିସ୍ ଜାରି କରାଯାଇଛି । ସେହିଭଳି ଯେଉଁ ଅଡିଟରମାନେ ଅଡିଟ୍ କରିବେ ସେମାନଙ୍କୁ ପ୍ରିନସିପାଲ ଆକାଉଣ୍ଟାଣ୍ଟ ଜେନେରାଲ ନୋମିନେଟ୍ କରିବେ । ଅଡିଟ୍ ହେବାକୁ ଥିବା ବିଭିନ୍ନ ଜିଲ୍ଲାର ୬୧ ଟି ମନ୍ଦିର, ମଠ ଦେବୋତ୍ତର ବିଭାଗ ଅଧିନରେ ଥିବା ବିଭିନ୍ନ ଇନଷ୍ଟିଚ୍ୟୁସନ୍ ରହିଛି । ଭୁବନେଶ୍ବରର ରାମ ମନ୍ଦିର, ଲିଙ୍ଗରାଜ ମନ୍ଦିର ଭଳି ୭ଟି ମନ୍ଦିର, କଟକର ଚଣ୍ଡି ମନ୍ଦିର, ବାଙ୍କୀର ଚର୍ଚ୍ଚିକା ଭଳି ୬ଟି ମନ୍ଦିରର ଅଡିଟ୍ ହେବ ।

ସେହିଭଳି ଅଡିଟ୍ ହେବାକୁ ରହିଛି ପୁରୀର ବାଟମଙ୍ଗଳା, ଜଗନ୍ନାଥ ବଲ୍ଲଭ ମଠ, ବ୍ରହ୍ମଗିରିର ଅଲାରନାଥ ମନ୍ଦିର, କାକଟପୁରର ମା’ ମଙ୍ଗଳା ମନ୍ଦିର ଭଳି ୧୪ ଟି ମନ୍ଦିର ଓ ମଠ । ସେହିଭଳି କେନ୍ଦ୍ରାପଡାର ବଳଦେବ ଜୀଉ ମନ୍ଦିର, ଜଗତସିଂପୁର ମା’ ସାରଳାଙ୍କ ମନ୍ଦିର, ଯାଜପୁରର ମା’ ବିରଜା ମନ୍ଦିର ଆଦି ରହିଛି ।

ସେପଟ ଲିଙ୍ଗରାଜ ମନ୍ଦିରର ରକ୍ଷଣାବେକ୍ଷଣ ଓ ସୁରକ୍ଷା ନେଇ ପ୍ରତ୍ନତାତ୍ତ୍ବିକ ବିଭାଗ ଚରମ ଅବହେଳା ପ୍ରଦର୍ଶନ କରିଛି ବୋଲି ଦେବୋତ୍ତର କମିଶନ ଚିତ୍ତରଞ୍ଜନ ମହାପାତ୍ର ପ୍ରତ୍ନତାତ୍ତ୍ବିକବିଭାଗର ମହାନିର୍ଦ୍ଦେଶକଙ୍କୁ ଚିଠି ଲେଖିଛନ୍ତି । ମନ୍ଦିର ଚତୁଃପାର୍ଶ୍ବରେ ଥିବା ଜବରଦଖଲ ଉଚ୍ଛେଦ ଓ ମନ୍ଦିରରେ ଦେଖାଦେଇଥିବା ଫାଟର ମରାମତି ଆଦି ନେଇ ମଧ୍ୟ ଉଦବେଗ ପ୍ରକାଶ କରିଛନ୍ତି ।

   Related Posts