ପୁରୀ - ପୁରୀ ଶ୍ରୀ ଜଗନ୍ନାଥ ମନ୍ଦିରଠାରୁ ୭୫ ମିଟର ପରିଧି ମଧ୍ୟରେ ରହିଥିବା ୫ଟି ସାହିରୁ ଜମି ଅଧିଗ୍ରହଣ ପାଇଁ ବିଜ୍ଞପ୍ତି ପ୍ରକାଶ ପାଇଛି । ୫ଟି ସାହିରୁ ୧୫ ଏକର ୧୯୧ ଡିସିମିଲ ଜମି ଅଧିଗ୍ରହଣ କରାଯିବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି । ଏହି ୧୫ ଏକର ୧୯୧ ଡିସିମିଲି ମଧ୍ୟରେ ୧୨ ଏକର ୫୫ ଡିସିମିଲି ଘରୋଇ ଜମି ହୋଇଥିବା ବେଳେ ଅବଶିଷ୍ଟ ସରକାରୀ ଜମି । ଉଚ୍ଛେଦ ହେବାକୁ ଥିବା ସାହି ଗୁଡିକ ହେଲା ବାସେଳୀ ସାହି , ମଣିକର୍ଣ୍ଣିକା ସାହି ,ଚୁଡଙ୍ଗ ସାହି, ଦୋଳମଣ୍ଡପ ସାହି ଏବଂ କାଳିକା ଦେବୀ ସାହି ।
କାଳିକା ଦେବୀ ସାହିର ଘରୋଇ ଜମି ୧.୯୫ ଏକର ଓ ସରକାରୀ ଜମି ୦.୫୨ ଏକର , ମଣିକର୍ଣ୍ଣିକା ସାହିର ଘରୋଇ ଜମି ୩.୬୨୭ ଏକର ଓ ସରକାରୀ ଜମି ୦.୧୩୩ ଏକର , ବାସେଳୀ ସାହିର ଘରୋଇ ଜମି ୩.୦୨୮ ଏକର ସରକାରୀ ଜମି ୦.୦୬୪ ଏକର , ଚୁଡଙ୍ଗ ସାହିର ଘରୋଇ ଜମି ୩.୮୬୧ ଏକର ଓ ସରକାରୀ ଜମି ୧.୨୮ ଏକର , ଦୋଳମଣ୍ଡପ ସାହିର ଘରୋଇ ଜମି ୦.୦୭୭ ଓ ସରକାରୀ ଜମି ୦.୦୭୪ ଏକର ଜମି ଅଧିଗ୍ରହଣ ହେବ ।