Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଯୁକ୍ତ ୨ ଆଡମିଶନ ପାଇଁ ଦିନେ ଦୁଇ ଦିନ ଭିତରେ ପ୍ରକାଶ ପାଇବ ବିଜ୍ଞପ୍ତି, ଶିକ୍ଷକଙ୍କୁ ଦିଆଯିବ ଅନଲାଇନ୍ ତାଲିମ୍

2/08/2020 at 3:20 PM

ଭୁବନେଶ୍ବର ୨।୮: ରାଜ୍ୟର ୧୦୧ ଉତ୍କର୍ଷ ବିଦ୍ୟାଳୟ, ୩୦ ଜିଲ୍ଲାର ୩୦ଟି ଯୁକ୍ତ ଦୁଇ କଲେଜର ଶିକ୍ଷକଙ୍କୁ ଦିଆଯିବ ଅନଲାଇନ୍ ତାଲିମ୍ । ବିଦ୍ୟାଳୟ ଓ ଗଣ ଶିକ୍ଷା ବିଭାଗ ପକ୍ଷରୁ ଆସନ୍ତା ୪ ତାରିଖରୁ ୫ ଦିନ ଧରି ଶିକ୍ଷକମାନଙ୍କୁ ଟ୍ରେନିଂ ଦେବା ପାଇଁ ଆୟୋଜନ ହୋଇଛି ।

ଛାତ୍ରଛାତ୍ରୀଙ୍କୁ କିଭଳି ଅନଲାଇନ୍ ଶିକ୍ଷା ଦେଇ ହେବ, ଶିକ୍ଷାନୁଷ୍ଠାନରେ କରୋନା ପାଇଁ ଯେପରି ଶିକ୍ଷାଦାନ ଓ ରେଜଲ୍ଟ ପ୍ରଭାବିତ ନହେବ ସେଥିଲାଗି ଶିକ୍ଷକମାନଙ୍କୁ ତାଲିମ୍ ଦିଆଯିବ ବୋଲି ବିଭାଗୀୟ ମନ୍ତ୍ରୀ ସମୀର ଦାଶ କହିଛନ୍ତି ।

ମାଟ୍ରିକ୍ ରେଜଲ୍ଟ ପ୍ରକାଶ ପାଇବା ପରେ ଆଗାମୀ ଦିନେ ଦୁଇ ଦିନ ଭିତରେ ଯୁକ୍ତ ୨ ଆଡ଼ମିଶନ ପାଇଁ ବିଜ୍ଞପ୍ତି ପ୍ରକାଶ ପାଇବ ବୋଲି ସେ ସୂଚନା ଦେଇଛନ୍ତି । ଏଥିସହିତ ଚଳିତ ବର୍ଷ ଜିରୋ ରେଜଲ୍ଟ ହୋଇଥିବା ୩୧ଟି ସ୍କୁଲର ପ୍ରଧାନ ଶିକ୍ଷକଙ୍କ ସହ ସେ ନିଜେ ଆଲୋଚନା କରିବେ ବୋଲି କହିଛନ୍ତି । 

   Related Posts