Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ଚିଟଫଣ୍ଡ କମ୍ପାନୀ ହାଜର ହୋ… ୫୭୬ଟି ଚିଟଫଣ୍ଡ କମ୍ପାନୀକୁ ହାଜର ହେବାକୁ ନୋଟିସ

9/03/2019 at 5:53 PM

ଭୁବନେଶ୍ୱର ୯/୩ : ଚିଟଫଣ୍ଡ କମ୍ପାନୀଙ୍କୁ ପବ୍ଲିକ ନୋଟିସ । ଖବର କାଗଜରେ ନୋଟିସ ଜାରି ରଖିଛନ୍ତି ଚିଟଫଣ୍ଡ ମାମଲାର ତଦନ୍ତ କରୁଥିବା ଜଷ୍ଟିସ ଏମ.ଏମ୍ ଦାସ କମିଶନ । ଏପ୍ରିଲ ୧୫ରୁ ସେପ୍ଟେମ୍ବର ୨୪ ମଧ୍ୟରେ ୫୭୬ଟି ଚିଟଫଣ୍ଡ କମ୍ପାନୀକୁ ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ହେଲେ ଚିହ୍ନଟ ହୋଇଥିବା କମ୍ପାନୀରୁ ସରକାର ଅର୍ଥ ଆଦାୟ କରି କ୍ଷତିଗ୍ରସ୍ତ ମାନଙ୍କୁ ଅର୍ଥ ଫେରସ୍ତ କରି ପାରୁ ନଥିବାବେଳେ ଅନ୍ୟ ମାନଙ୍କ ଠିକଣା ଖୋଜିବା ଏକ ଚାଲ ବୋଲି କହିଛନ୍ତି ବିରୋଧୀ । ସେପଟେ ଅର୍ଥମନ୍ତ୍ରୀଙ୍କ ଯୁକ୍ତି ସରକାର ଅର୍ଥ ଫେରାଇବାକୁ ପଦକ୍ଷେପ ନେଉଛନ୍ତି ।….


ଚିଟ୍ଫଣ୍ଡ କମ୍ପାନୀ ହାଜର ହୋ ।…. ଚିଟଫଣ୍ଡ କମ୍ପାନୀଙ୍କୁ ପବ୍ଲିକ ନୋଟିସ ଇସ୍ୟୁ କରିଛନ୍ତି ଜଷ୍ଟିସ ଏମ.ଏମ୍ ଦାସ କମିଶନ । ଏପ୍ରିଲ ୧୫ରୁ ସେପ୍ଟେମ୍ବର ୨୪ ମଧ୍ୟରେ ୫୭୬ଟି ଚିଟଫଣ୍ଡ କମ୍ପାନୀକୁ ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ୨ଟି କାଟାଗୋରିରେ ନୋଟିସ ଜାରି ହୋଇଛି । ୧୯୯ କମ୍ପାନୀର ଠିକଣା ଥାଇ ହାଜର ହେଉନଥିବା ବେଳେ ଖୋଜ ଖବର ନଥିବା ୩୭୭ କମ୍ପାନୀକୁ ଖବରକାଗଜ ଜରିଆରେ ନୋଟିସ ଜାରି କରିଛନ୍ତି କମିଶନ ।

ହେଲେ କମିଶନଙ୍କ ଏପରି ନୋଟିସକୁ କିନ୍ତୁ ସହଜରେ ଗ୍ରହଣ କରିନି ମିଳିତ କ୍ଷତିଗ୍ରସ୍ତଜମାକାରୀ ମଞ୍ଚ । କ୍ଷତିଗ୍ରସ୍ତ ଜମାକାରୀଙ୍କ ଯୁକ୍ତି କମିଶନ ଏବେ ଯେଉଁ ପଦକ୍ଷେପ ନେଉଛନ୍ତି ତାହା ତଦନ୍ତ ଆରମ୍ଭରୁ ନେବା କଥା । ଏମିତିକି ଯେଉଁ ମାନଙ୍କୁ ଚିହ୍ନଟ କରାଯାଇଛି ସେମାନଙ୍କ ଠୁ ଅର୍ଥ ଆଦାୟ ହୋଇପାରୁନି କି କ୍ଷୁଦ୍ର ଜମାକାରୀ ମାନଙ୍କୁ ଫେରସ୍ତ ହେଉନି । ସରକାର ଓ କମିଶନ କେବଳ ସମୟ ଗଡାଇ ଚାଲିଛନ୍ତି । ନିର୍ବାଚନ ଥିବାରୁ ଏପରି ହେଉଛି ।


୨୦୧୪ ନିର୍ବାଚନ ସମୟରେ ଚିଟପଣ୍ଡ ଏକ ପ୍ରସଙ୍ଗ ହୋଇଥିଲା । ଜମାକାରୀମାନଙ୍କୁ ଅର୍ଥ ଫେରାଇବାକୁ ରାଜ୍ୟ ସରକାର ୩ଶହ କୋଟିର କର୍ପସ ଫଣ୍ଡ କରିଥିଲେ । ଜମାକାରୀ ଓ ଚିଟଫଣ୍ଡ କମ୍ପାନୀଙ୍କୁ ଚିହ୍ନଟ କରିବାକୁ ତଦନ୍ତ କମିଶନ ବସିଲା । ହେଲେ ୫ ବର୍ଷ ପରେ ବି କ୍ଷତିଗ୍ରସ୍ତଙ୍କୁ ଅର୍ଥ ମିଳିଲାନି । ଏବେ ନିର୍ବାଚନ ଥିବାରୁ ସରକାର ପୁଣି ଲୋକଙ୍କୁ ଭୂଆଁ ବୁଲାଉଛନ୍ତି ବୋଲି ବିରୋଧୀ କହିଛନ୍ତି । ସେପଟେ ଅର୍ଥମନ୍ତ୍ରୀଙ୍କ ଯୁକ୍ତି କେନ୍ଦ୍ରର ହୁଗୁଳା ଆଇନ ଯୋଗୁ ମଲଟି ଷ୍ଟେଟ୍ କୋ- ଅପରେଟିଭ ସଂସ୍ଥା ମାଧ୍ୟମରେ ଅନେକ ଚିଟ୍ଫଣ୍ଡ କଂପାନୀ ଗଢିଥିବାରୁ ସମସ୍ୟା ହୋଇଛି ।


ରାଜ୍ୟର ପାଖାପାଖି ୫୦ ଲକ୍ଷ ଜମାକାରୀ ଚିଟପଣ୍ଡ କମ୍ପାନୀରେ ନିଜର ଅର୍ଥ ହରାଇଛନ୍ତି । ଏହାକୁ ନେଇ ସରକାର ତଦନ୍ତ କମିଶନ ବସାଇଛନ୍ତି । ହେଲେ ଏଯାଏଁ କ୍ଷତିଗ୍ରସ୍ତ ଜମାକାରୀ ଅର୍ଥ ଫେରିପାଇ ନାହାନ୍ତି ।

   Related Posts