Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୁଜୁରାଟ ଦଙ୍ଗା ବେଳେ କେଉଁ ସରକାର ଥିଲା ? ସିବିଏସଇର ପ୍ରଶ୍ନକୁ ନେଇ ବିବାଦ ଜୋର
  • ||

କରୋନା ରୋକିବାକୁ ଉତ୍ତର କୋରିଆ ଶାସକ କିମ୍ ଜୋଙ୍ଗଙ୍କ ଅଜବ ନିଷ୍ପତ୍ତି: ପାରା ଓ ବିଲେଇଙ୍କୁ ମାରିବାକୁ ଆଦେଶ

4/06/2021 at 3:05 PM

ନୂଆଦିଲ୍ଲୀ ୦୪/୦୬ : କରୋନା ସଂକ୍ରମଣ ରୋକିବାକୁ ଉତ୍ତର କୋରିଆ ତାନାଶାହ କିମ୍ ଜୋଙ୍ଗ୍ ଉନ୍ ସମସ୍ତ ପାରା ଓ ବିଲେଇଙ୍କୁ ମାରିଦେବାକୁ ନିଷ୍ପତ୍ତି ନେଇଛନ୍ତି । ପାରା ଓ ବିଲେଇ ଚୀନ ସୀମା ଦେଇ କରୋନା ଭାଇରସ ବିସ୍ତାର କରିଥିବା ସେ ଆଶଙ୍କା କରିଛନ୍ତି । ଦୈନିକ ଏନକେ (NK) ସୂତ୍ରରୁ ପ୍ରକାଶ ଯେ ଉତ୍ତର କୋରିଆରେ କରୋନା ଜୀବାଣୁ ବିସ୍ତାରକୁ ରୋକିବା ପାଇଁ ଏକଛତ୍ରବାଦୀ ଶାସକଙ୍କ ଦ୍ୱାରା ଅନେକ ଉପାୟ ଘୋଷଣା କରାଯାଇଥିଲା।

ଏହି ଉପାୟମାନଙ୍କ ମଧ୍ୟରୁ ଗୋଟିଏ ହେଲା ବିଲେଇଙ୍କୁ ହତ୍ୟା କରିବା । ଚୀନ ସୀମାରୁ ଦେଶକୁ ପ୍ରବେଶ କରିବାକୁ ଚେଷ୍ଟା କରୁଥିବା ସମସ୍ତ ପକ୍ଷୀ, ବିଲେଇଙ୍କୁ ଗୁଳି କରି ହତ୍ୟା କରିବାକୁ ଆଦେଶ ଦିଆଯାଇଛି । ନିକଟରେ ସୀମା ନିକଟସ୍ଥ ହେସନର ଏକ ପରିବାରକୁ ଦଣ୍ଡିତ କରାଯାଇଥିଲା । ନିଜ ଘରେ ବିଲେଇ ପୋଷିଥିବାରୁ ଆଇସୋଲେସନ ସେଣ୍ଟରରେ ୨୦ ଦିନ ରଖାଯାଇଥିଲା । ସୀମା ନିକଟସ୍ଥ ସହରମାନଙ୍କରେ ଅଧିକାରୀ ବିଲେଇ ଓ ପକ୍ଷୀମାନଙ୍କୁ ଗୁଳି କରି ହତ୍ୟା କରିବା ସହ ବିଲେଇ ଓ ତାଙ୍କ ମାଲିକମାନଙ୍କୁ ଖୋଜୁଛନ୍ତି । କୋରିଆ ଅଧିକାରୀ ପଶୁପକ୍ଷୀଙ୍କୁ ମାରିବାକୁ ସ୍ଥାନୀୟ ଲୋକଙ୍କ ଉପରେ ଚାପ ପକାଉଛନ୍ତି ।

୩୭ ବର୍ଷୀୟ ତାନାଶାହ କିମ ଜୋଙ୍ଗ ସନ୍ଦେହ କରିଛନ୍ତି ଯେ ଏହି ପଶୁପକ୍ଷୀ ଚୀନ ସୀମା ଜରିଆରେ ଘାତକ କରୋନା ଭାଇରସ ଆଣୁଛନ୍ତି । ରିପୋର୍ଟରେ କୁହାଯାଇଛି ଯେ କୋରିଆ ନାଗରିକ ଏହି ଆଦେଶକୁ ଅଯୁକ୍ତିଯୁକ୍ତ ବୋଲି କହିଛନ୍ତି । ଏହା ପୂର୍ବରୁ ଖୁଲାସା ହୋଇଥିଲା ଯେ ଉତ୍ତର କୋରିଆ ଶାସକ ଜଣେ ଅଧିକାରୀଙ୍କ ମୃତ୍ୟୁ ପରେ ଦେଶର ପ୍ରମୁଖ ହସ୍ପିଟାଲରେ ଚୀନ ଔଷଧ ବ୍ୟାନ କରିଦେଇଛନ୍ତି । ସୂଚନା ଅନୁଯାୟୀ, ୬୦ ବର୍ଷ ବୟସ୍କ ବ୍ୟୁରୋକ୍ରେଟ ହୃଦ ସମ୍ବନ୍ଧୀୟ ରୋଗରେ ପୀଡିତ ଥିଲେ । ସେ କିମ୍ ଜୋଙ୍ଗଙ୍କ ଘନିଷ୍ଠ ଓ ଲୋକପ୍ରିୟ ଥିଲେ ।

କୋଭିଡ -୧୯ ଟିକା ଅଧିକ ଷ୍ଟକ୍ ରଖି ଉତ୍ତର କୋରିଆ କେତେକ ଦେଶକୁ କଡ଼ା ସମାଲୋଚନା କରିଛି ବୋଲି କୁହାଯାଉଛି। କୋରିଆ ପ୍ରଶାସନ ବିଶ୍ୱ ସ୍ୱାସ୍ଥ୍ୟ ସଂଗଠନକୁ ମଧ୍ୟ ସମଗ୍ର ବିଶ୍ୱରେ ନିରପେକ୍ଷ ଭାବେ କୋଭିଡ -୧୯ ଟିକା ବଣ୍ଟନ କରିବାରେ ସାହାଯ୍ୟ କରିବାକୁ କହିଛି।

   Related Posts