Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ସିଓଲ ବିରୋଧି ଆଭିମୁଖ୍ୟ ହେଲା ତୀବ୍ର, ଦୁଇ ଦେଶ ମଧ୍ୟରେ ଥିବା ଯୋଗାଯୋଗ କାର୍ଯ୍ୟାଳୟକୁ ଉଡାଇଦେଲା ଉତ୍ତର କୋରିଆ

16/06/2020 at 8:46 PM

ସିଓଲ, ୧୬|୦୬ ଉତ୍ତର କୋରିଆ ଦକ୍ଷିଣ କୋରିଆ ସୀମାରେ ଥିବା ଯୋଗାଯୋଗ କାର୍ଯ୍ୟାଳୟରୁ ଧ୍ୱଂସ କରିଦେଇଛି । ଏହି କାର୍ଯ୍ୟାଳୟ ମାଧ୍ୟମରେ ଉଭୟ ଦେଶ ମଧ୍ୟରେ ସମ୍ପର୍କ ପ୍ରତିଷ୍ଠା ହେଉଥିଲା । ଫଳରେ ଉଭୟ ରାଷ୍ଟ୍ର ମଧ୍ୟରେ ପୁଣି ଥରେ ଶତ୍ରୁତା ବୃଦ୍ଧି ପାଇଛି । ଏନେଇ ଉତ୍ତର କୋରିଆର ଆଭ୍ୟନ୍ତରୀଣ ବ୍ୟାପାର ବିଭାଗ ସୂଚନା ଦେଇଛି ।

ଉତ୍ତର କୋରିଆ ଗଣମାଧ୍ୟମର ସୂଚନାନୁସାରେ, ଏହି କାର୍ଯ୍ୟାଳୟକୁ ବିସ୍ପୋରଣ କରି ଧ୍ୱଂସ କରିଦିଆଯାଇଛି । ଉତ୍ତର କୋରିଆରେ ଉଭୟ ଦେଶକୁ ବିଭାଜିତ କରୁଥିବା ଡିମିଲିଟ୍ରାଇଡ୍ ଜୋନର ୧୦ କିମି ଦୂରରେ କାସୋଙ୍ଗଙ୍କ ସଂଯୁକ୍ତ ଔଦ୍ୟଗିକ ପରିସର ସହ ସମ୍ପର୍କ ସ୍ଥାପନା ପାଇଁ ଏହି କାର୍ଯ୍ୟଳୟକୁ ନିର୍ମାଣ କରାଯାଇଥିଲା । ୨ ବର୍ଷ ପୂର୍ବରୁ ଏହାକୁ ନିର୍ମାଣ କରାଯାଇଥିଲା । ଦକ୍ଷିଣ କୋରିଆର ବିଭିନ୍ନ କମ୍ପାନୀ ଏହି କାର୍ଯ୍ୟାଳୟ ଦ୍ୱାରା ବିଭିନ୍ନ କାରଖାନାକୁ ସଞ୍ଚାଳନ କରିଥାଏ । ତେବେ ଗତ ଜାନୁଆରୀରେ କରୋନା ସଂକ୍ରମଣ ରୋକିବା ପାଇଁ ଏହି କାର୍ଯ୍ୟାଳୟକୁ ବନ୍ଦ କରି ଦିଆଯାଇଥିଲା ।

ଏହି ବିସ୍ଫୋରଣ ପରେ ସୀମାବର୍ତ୍ତୀ ଅଞ୍ଚଳରେ ଉତ୍ତେଜନା ବୃଦ୍ଧି ପାଇଛି । ଏପରିକି ଉତ୍ତର କୋରିଆ ସେନା ଦକ୍ଷିଣ କୋରିଆର କିଛି ଅଞ୍ଚଳରେ ପ୍ରବେଶ କରିଥିବା ସୂଚନା ମିଳିଥିଲା । ଗତ ସପ୍ତାହରେ ଉତ୍ତର କୋରିଆ ଦକ୍ଷିଣ କୋରିଆର ସୈନ୍ୟ କାର୍ଯ୍ୟାଳୟ, ରାଷ୍ଟ୍ରପତି କାର୍ଯ୍ୟାଳୟ ସହ ସମ୍ପର୍କ ଛିନ୍ନ କରିଥିଲା ।

ସୂଚନାଯୋଗ୍ୟ, ୨୦୧୮ରେ ପନମୁନଜୋମରେ ଉଭୟ କୋରିଆର ନେତାଙ୍କ ମଧ୍ୟରେ ଆଲୋଚନା ପରେ ଏହି କାର୍ଯ୍ୟାଳୟକୁ ପ୍ରତିଷ୍ଠା କରାଯାଇଥିଲା । ଉଭୟ ଦେଶ ଶାନ୍ତିପୂର୍ଣ୍ଣ ଉପାୟରେ ସମ୍ପର୍କକୁ ଆଗକୁ ବଢାଇବେ ବୋଲି ସହମତି ପ୍ରକାଶ କରିଥିଲେ । ଏଥିରେ ପରମାଣୁକରଣ ଓ ସୈନ୍ୟ ଶତ୍ରୁତାକୁ ଶେଷ କରିବା ପ୍ରସଙ୍ଗ ମଧ୍ୟ ସାମିଲ ଥିଲା ।

   Related Posts