Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାର୍ଦ୍ଦିକ ୩୦ ବଲ୍‌ରୁ ୪୦ ରନର ମ୍ୟାଚ୍ ବିଜୟୀ ଅପରାଜିତ ଇନିଂସ ଖେଳିଛନ୍ତି। କିରଣ ପୋଲାର୍ଡ ୧୫ ରନରେ ଅପରାଜିତ ଥିଲେ।
  • ||
  • ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇଲା ଗାଡ଼ି, ଜଣେ ମୃତ, ଜଣେ ଗୁରୁତର
  • ||
  • ସିଦ୍ଧୁଙ୍କ ଇସ୍ତଫା ପତ୍ର ସ୍ଵୀକାର କଲେନି କଂଗ୍ରେସ ହାଇକମାଣ୍ଡ, ନିଜ ସ୍ତରରେ ସମାଧାନ କରିବାକୁ ରାଜ୍ୟ ନେତାଙ୍କୁ ଦେଲେ ନିର୍ଦ୍ଦେଶ
  • ||
  • IPL 2021: ଦିଲ୍ଲୀ କ୍ୟାପିଟାଲ୍ସର ବିଜୟରେ ଲାଗିଲା ବ୍ରେକ୍, ପନ୍ତଙ୍କ ଟିମ୍‌କୁ ୩ ଓ୍ଵିକେଟ୍‌ରେ ହରାଇଲା କୋଲକାତା ନାଇଟ୍ ରାଇଡର୍ସ
  • ||
  • କଂଗ୍ରେସରେ ମିଶିଲେ କହ୍ନେୟା କୁମାର ଓ ଜିଗ୍ନେଶ ମେଓ୍ଵାଣୀ, ରାହୁଲଙ୍କ ଉପସ୍ଥିତିରେ ଗ୍ରହଣ କଲେ ସଦସ୍ୟତା
  • ||
  • ହରିୟାଣା ଗୃହମନ୍ତ୍ରୀ ଅନିଲ ବିଜଙ୍କ ସ୍ୱାସ୍ଥ୍ୟବସ୍ଥା ଗୁରୁତର, ଦିଲ୍ଲୀ ଏମ୍ସରେ ଭର୍ତ୍ତି
  • ||
  • ଖୋର୍ଦ୍ଧା : ଅଂଳେଇ ମନ୍ଦିରରୁ ଦାନବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • କୋରାପୁଟ : କୋରାପୁଟ ଜିଲ୍ଲା ସୁନାବେଡ଼ା ଟିଟିଏସରେ ଛାତ୍ର ଅଶାନ୍ତି, ଷ୍ଟାଇପେଣ୍ଡ ଟଙ୍କା ନମିଳିବାରୁ ବିକ୍ଷୋଭ
  • ||
  • ଜଳେଶ୍ବର : ଅବକାରୀ ବିଭାଗ ଦ୍ଵାରା ୪ ଚୋରା ଦେଶୀ ମଦ ବେପାରୀ ଗିରଫ, ୨ଶହ ଲିଟରରୁ ଅଧିକ ଦେଶୀ ମଦ ଜବତ
  • ||
  • ଆନନ୍ଦପୁର : କେନ୍ଦୁଝର ଜିଲ୍ଲା ଘଷିପୁରା ଥାନା ଦୀପପାଳ ଗାଁରେ ଅଭାବନୀୟ ଘଟଣା, ଘର ଭିତରୁ ମିଳିଲା ନବ ବିବାହିତାଙ୍କ ମୃତଦେହ, ବାପଘର ପକ୍ଷରୁ ହତ୍ୟା ଅଭିଯୋଗ
  • ||

୧୧ଟି ଚେକ୍ ପଏଣ୍ଟ ଦେଇ ରାଜ୍ୟ ମଧ୍ୟକୁ ପ୍ରବେଶ କରିପାରିବେ ପ୍ରବାସୀ ଓଡିଆ, ହାତରେ ଲାଗିବ ଷ୍ଟାମ୍ପ୍

1/05/2020 at 4:56 PM

ଭୁବନେଶ୍ୱର, ୦୧|୦୫:  ରାଜ୍ୟରେ କରୋନା ସ୍ଥିତି ନେଇ ସରକାରଙ୍କ ମୁଖପାତ୍ର ସୁବ୍ରତ ବାଗଚୀ ସାମ୍ବାଦିକ ସମ୍ମିଳନୀ କରିଛନ୍ତି । କରୋନା ଏକ ଯୁଦ୍ଧ ଓ ଏହାସହ ଲଢେଇ କରିବାକୁ ହେବ ବୋଲି ସେ କହିଛନ୍ତି । ଏହି ସାମ୍ବିଦକ ସମ୍ମିଳନୀରେ ଉପସ୍ଥିତ ରହି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ପ୍ରବାସୀ ଓଡିଆ କିପରି ଫେରିବେ ଓ କଣ ଗାଇଡଲାଇନ୍ ରହିଛି ସେ ନେଇ ସୂଚନା ଦେଇଛନ୍ତି ।

ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କହିଛନ୍ତି ଯେ, ବାହାର ରାଜ୍ୟରେ ରହୁଥିବା ପ୍ରବାସୀ ଓଡିଆଙ୍କୁ ଫେରାଇ ଆଣିବାକୁ ଯୋଜନା କରାଯାଉଛି । ଯେଉଁମାନେ ଫେରିବେ ସେମାନଙ୍କର ପ୍ରି ରେଜିଷ୍ଟ୍ରେସନକୁ ବାଧ୍ୟତାମୂଳକ କରାଯାଇଛି । ସେମାନେ ଟ୍ରେନ୍ କିମ୍ବା ରାସ୍ତାରେ ଆସିପାରନ୍ତି । ଯେଉଁମାନେ ଗାଡିରେ ଆସିବେ ପ୍ରଥମେ ଫେରୁଥିବା ରାଜ୍ୟରୁ ପାସ୍ ଆଣିବେ । ସମସ୍ତ ତଥ୍ଯ ଦେଇ ପାସ୍ ସାହାଯ୍ୟରେ ସେମାନେ ଆସିପାରିବେ । ତେବେ ୧୧ଟି ନିର୍ଦ୍ଦିଷ୍ଟ ଚେକପୋଷ୍ଟ ଦେଇ ରାଜ୍ୟକୁ ଆସିପାରିବେ । ଯେଉଁମାନେ ବାହାର ରାଜ୍ୟରୁ ରେଜିଷ୍ଟ୍ରେସନ କରିନଥିବେ ସେମାନେ ଏହି ନିର୍ଦ୍ଦିଷ୍ଟ ଚେକପୋଷ୍ଟରେ ରେଜିଷ୍ଟ୍ରେସନ କରିପାରିବେ । ବର୍ଡର୍ ଚେକପଏଣ୍ଟରେ ଫେରନ୍ତାଙ୍କ ଡାହାଣ ହାତରେ ଏକ ତାରିଖ ଚିହ୍ନ ବା ଷ୍ଟାମ୍ପ ଲଗାଯିବ । ଯାହା କ୍ୱାରେଣ୍ଟାଇନ ଦିନ ହିସାବରେ ଗଣାଯିବ । ଗାଡିରେ ମଧ୍ୟ ଷ୍ଟିକର୍ ଲଗାଯିବ । ଏଥିରେ କେଉଁଠାକୁ ଆପଣ ଯାଉଛନ୍ତି ତାହାର ତଥ୍ୟ ରହିବ । ସରପଞ୍ଚଙ୍କୁ ମଧ୍ୟ ଏହାର ମନଟରିଂ ପାଇଁ କ୍ଷମତା ଦିଆଯାଇଛି । ଜିଲ୍ଲାପାଳମାନେ ସେମାନଙ୍କୁ ଗନ୍ତବ୍ୟ ସ୍ତରକୁ ନେଇଯିବେ ।

ଯେଉଁମାନେ ଟ୍ରେନରେ ଫେରିବେ ସେମାନେ ମଧ୍ୟ ପ୍ରି ରେଜିଷ୍ଟ୍ରେସନ କରିବେ । ରାଜ୍ୟ ସରକାରଙ୍କ କ୍ଲିୟରାନ୍ସ ବିନା କୌଣସି ଟ୍ରେନ୍ ଆସିପାରିବ ନାହିଁ । କିଛି ନିର୍ଦ୍ଦିଷ୍ଟ ରେଳ ଷ୍ଟେସନରେ  ପହଁଚିବା ପରେ ସେମାନଙ୍କୁ ବସ ମାଧ୍ୟମରେ ସେମାନଙ୍କ ଗ୍ରାମ ବା ସହରରେ ପହଁଚାଇ ଦିଆଯିବ । ସହରାଞ୍ଚଳରେ ଯଦି କୌଣସି ବାହାର ରାଜ୍ୟ ଫେରନ୍ତା କ୍ୱାରେଣ୍ଟାଇନରେ ରହିପାରିବେ ନାହିଁ ସେମାନେ ସରକାରୀ କ୍ୱାରେଣ୍ଟାଇନରେ ରହିପାରିବେ । ଯଦି ଏହାର କେହି ଉଲଙ୍ଘନ କରନ୍ତି ତେବେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ମୁଖ୍ୟ ଶାସନ ସଚିବ କହିଛନ୍ତି ।

ସୁବ୍ରତ ବାଗଚୀ କହିଛନ୍ତି ଯେ, କରୋନା ଯୁଦ୍ଧରେ ତିନୋଟି ପର୍ଯ୍ୟାୟ ରହିଛି । ଏହି ତିନୋଟି ପର୍ଯ୍ୟାୟ ବାବଦରେ ସେ ଅବଗତ କରାଇଛନ୍ତି । ପ୍ରଥମ ପର୍ଯ୍ୟାୟ ହେଉଛି ଯୁଦ୍ଧର ପ୍ରସ୍ତୁତି, ଦ୍ୱିତୀୟ ପର୍ଯ୍ୟାୟ ହେଉଛି ଯୁଦ୍ଧ କ୍ଷେତ୍ରର ଲଢେଇ ଓ ତୃତୀୟ ପର୍ଯ୍ୟାୟ ହେଉଛି କରୋନା ସହ ଘମାଘୋଟ ଲଢେଇ ।

   Related Posts