Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ରାଜ୍ୟସଭା ରେସ୍: ଆଜି ବିଜ୍ଞପ୍ତି ପରେ ଆଶାୟୀ ବିଜେଡି ନେତାଙ୍କ ଧାଁ ଦଉଡ, ନବୀନ ନେଇସାରିଛନ୍ତି ନିଷ୍ପତ୍ତି

18/06/2019 at 6:56 PM

ଭୁବନେଶ୍ବର୧୮|୬: ଖାଲିଥିବା ରାଜ୍ୟସଭା ପାଇଁ ଆରମ୍ଭ ହେଲା ନୋମିନେସନ । ଯେହେତୁ ବିଜେପି ଓ କଂଗ୍ରେସ ପ୍ରାର୍ଥୀ ଦେବେନି ସେଥିପାଇଁ ସମସ୍ତଙ୍କ ନଜର ବିଜେଡି ଉପରେ । କୁହାଯାଉଛି ନବୀନ ମନସ୍ଥିର କରିସାରିଛନ୍ତି କାହାକୁ ରାଜ୍ୟସଭା ପଠାଇବେ । ହେଲେ ଆଶାୟୀଙ୍କ ଲବି କମ୍ ନାହିଁ । ୨୫ ତାରିଖ ନୋମିନେସର ଶେଷ ଦିନ ଥିବାରୁ ତାର ୨-୩ ଦିନ ପୂର୍ବରୁ ନବୀନ ପ୍ରାର୍ଥୀଙ୍କ ନାଁ ଉପରେ ମୋହର ମାରିବେ ବୋଲି ଦଳୀୟ ସୂତ୍ରରୁ ଜଣାପଡୁଛି ।

ଖାଲିଥିବା ୩ଟି ରାଜ୍ୟସଭା ସିଟ୍ ପାଇଁ ପ୍ରକାଶ ପାଇଲା ବିଜ୍ଞପ୍ତି।  ବାସ୍ତବରେ ଯଦିଓ ୪ଟି ରାଜ୍ୟସଭା ସିଟ୍ ଖାଲି ହୋଇଛି, କିନ୍ତୁ ଅନୁଭବ ମହାନ୍ତିଙ୍କ କାର୍ଯ୍ୟକାଳ ବର୍ଷେରୁ କମ୍ ସମୟ ଥିବାରୁ ସେହି ଖାଲି ପଦପାଇଁ ନିର୍ବାଚନ ହେଉନି ।  ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ ବିଧାନସଭା ପକ୍ଷରୁ ଏନେଇ ବିଜ୍ଞପ୍ତି ପ୍ରକାଶ ସହ ରିଟର୍ଣ୍ଣିଙ୍ଗ ଅଫିସର ନିଯୁକ୍ତି କରାଯାଇଛି ।

ଆଶାୟୀ ପ୍ରାର୍ଥୀଙ୍କୁ ୨୫ ତାରିଖ ଦିନ ୩ ଟାସୁଦ୍ଧା ନୋମିନେସନ ଦାଖଲ କରିବାକୁ ହେବ । ଯଦି ଦରକାର ପଡିବ ତାହାଲେ ଜୁଲାଇ ୫ ତାରିଖ ଦିନ ନିର୍ବାଚନ ହେବ । ନହେଲେ ୨୫ ତାରିଖ ଦିନ ହିଁ ସ୍ପଷ୍ଟ ହୋଇଯିବ କେଉଁମାନେ ରାଜ୍ୟସଭା ସଦସ୍ୟ ଭାବେ ନିର୍ବାଚିତ ହେଲେ ।

ବିଧାନସଭା ସିଟ୍ ସଂଖ୍ୟାଦୃଷ୍ଟିରୁ ବିଜେଡି ହିଁ ୩ଟି ଯାକ ସିଟ୍ ରେ ପ୍ରାର୍ଥୀଙ୍କୁ ଜିତାଇ ପାରିବ । ସେଥିପାଇଁ ବିଜେପି ଓ କଂଗ୍ରେସ କ୍ୟାମ୍ପରେ ରାଜ୍ୟସଭା ନିର୍ବାଚନକୁ ନେଇ ଆଲୋଚନା ନଥିବା ବେଳେ ବିଜେଡିରେ ଜୋରଦାର ଛକାପଞ୍ଛା ।

ସାଧାରଣ ନିର୍ବାଚନ ପୂର୍ବରୁ ନବୀନ କିଛି ନେତାଙ୍କୁ ରାଜ୍ୟସଭା ଲଡୁ ଖୁଆଇଥିଲେ। ସେମାନେ ଏବେବି ଆଶାରେ ଅଛନ୍ତି।  ଆଉକିଛି ହେଭିୱେଟ ହାରୁ ନେତା ବି ଭାଗ ବସାଇବାକୁ ହାତ ପୂରେଇଲେଣି ।

ଏହାବାଦ୍ ସଂଗଠନ କାମ ବୁଝିଥିବା କିଛି ନେତାବି ଆଶାବାଦୀ ଅଛନ୍ତି । ସେହି ସମୀକରଣରେ ପ୍ରସନ୍ନ ପାଟ୍ଟଶାଣୀ ଓ ରମେଶ ଚନ୍ଦ୍ର ଚ୍ୟାଉ ପଟନାୟକଙ୍କୁ ଟିକେଟ ନଦେଇ ନବୀନ ଯେଉଁ ରାଜ୍ୟସଭା ପ୍ରତିଶୃତି ଦେଇଥିଲେ ସେମାନଙ୍କୁ ଏବେ ପଠାଯିବ କି ନାହିଁ ତାଉପରେ ସସପେନ୍ସ ଲାଗିରହିଛି ।

ସେପଟେ ନିର୍ବାଚନ ହାରିଯାଇଥିବା ଅରୁପ ପଟନାୟକ, ରବୀନ୍ଦ୍ର ଜେନା, ମହେଶ୍ବର ମହାନ୍ତି, ପୁଷ୍ପେନ୍ଦ୍ର ସିଂହଦେଓଙ୍କ ନାଁକୁ ନେଇ ବି ଜୋରଦାର ଚର୍ଚ୍ଚା ଚାଲିଛି । ଏହାବାଦ୍ ଏଜି ଚାକିରିରୁ ଆସି ବିଜେଡିରେ ମିଶିଥିବା ଅମର ପଟନାୟକଙ୍କ ନାଁ ନେଇ ବି ଚର୍ଚା ରହିଛି ।

ଖାଲିଥିବା ୩ଟି ସିଟ୍ ରୁ ପ୍ରତାପ ଦେବଙ୍କ ସ୍ଥାନରେ ଯିଏ ରାଜ୍ୟସଭା ଯିବ ତାଙ୍କ କାର୍ଯ୍ୟକାଳ ୩ ବର୍ଷ ରହିବ । କିନ୍ତୁ ସୌମ୍ୟ ପଟନାୟକ ଓ ଅଚ୍ୟୁତ ସାମନ୍ତଙ୍କ ସ୍ଥାନରେ ଯେଉଁ ୨ଜଣ ରାଜ୍ୟସଭା ଯିବେ ସେମାନେ ୫ ବର୍ଷପାଇଁ ରହିପାରିବେ ।

   Related Posts