ନୂଆଦିଲ୍ଲୀ ୩୧।୦୭: ଦିଲ୍ଲୀ ସଂଲଗ୍ନ ନୋଏଡାରେ ବଡ ଧରଣର ଦୁର୍ଘଟଣା ଘଟିଛି। ଏଠାରେ ଏକ ବହୁତଳ କୋଠା ଭୁଶୁଡି ପଡିଛି। ଏହାରି ତଳେ ଅନେକ ଲୋକ ଦବି ରହିଥିବା ଆଶଙ୍କା କରାଯାଉଛି। ପୋଲିସ ଓ ସ୍ଥାନୀୟ ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟରେ ଜୁଟିଛନ୍ତି। ନୋଏଡାର ସେକ୍ଟର ୧୧ ସ୍ଥିତ ଏଫ ୬୨ରେ ଏହି କୋଠା ଭୁଶୁଡି ପଡିଛି। କୁହାଯାଉଛି ଏହି କୋଠା ନିର୍ମାଣଧୀନ ଥିଲା।
ଘଟଣାସ୍ଥଳରେ ପୋଲିସ ବଳ ସହିତ ଫ୍ରାୟର ବ୍ରିଗେଡ୍ ଟିମ, ଆମ୍ବୁଲାନ୍ସ ଓ ଏନଡିଆରଏଫ ଉପସ୍ଥିତ ଅଛନ୍ତି। ଭଗ୍ନାବଶେଷ ତଳେ ୧୦ରୁ ଅଧିକ ଲୋକ ଦବି ରହିଥିବା ଆଶଙ୍କା କରାଯାଉଛି। ସୂଚନା ଅନୁଯାୟୀ ୪ ଜଣଙ୍କୁ ଉଦ୍ଧାର କରାଯାଇଛି। ଏଥିରେ ତିନି ପୁରୁଷ ଏବଂ ଜଣେ ମହିଳା ସାମିଲ। ଘଟଣାସ୍ଥଳରେ ଉପସ୍ଥିତ ଲୋକଙ୍କ କହିବା କଥା ଭଙ୍ଗା କୋଠା ତଳେ ଅନେକ ଲୋକ ଦବି ରହିଛନ୍ତି।
wp:html/wp:htmlA building collapses in Sector-11, Noida; 4 persons rescued from the site. Rescue operation underway, NDRF team rushed to building collapse site. pic.twitter.com/67y64JBkDr
— ANI UP (@ANINewsUP) July 31, 2020
ନିକଟ ଦିନରେ ଏହା ହେଉଛି ଦ୍ଵିତୀୟ ବଡ ଦୁର୍ଘଟଣା। କିଛି ଦିନ ପୂର୍ବେ ମୁମ୍ବାଇର ଭାନୁଶାଳୀ କୋଠାର ଏକ ଅଂଶ ଭୁଶୁଡି ପଡିଥିଲା। ଏହି ଦୁର୍ଘଟଣାରେ ୧୦ରୁ ଅଧିକ ଲୋକଙ୍କ ମୃତ୍ୟୁ ଘଟିଥିଲା।