Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ବିଲ୍ଡର ସୁଝିଲା ନାହିଁ ବ୍ୟାଙ୍କ ଲୋନ: ଆପାର୍ଟମେଣ୍ଟର ୨୦୦ ପରିବାରକୁ ମିଳିଲା ଫ୍ଲାଟ୍ ଖାଲି କରିବାକୁ ନୋଟିସ୍

14/08/2019 at 12:31 PM

ନୋଏଡ଼ା ୧୪/୮: ବିଲ୍ଡରଙ୍କ କାରନାମାର ଫଳ ସବୁବେଳେ ସାଧାରଣ ଲୋକଙ୍କୁ ଭୋଗିବାକୁ ପଡ଼ିଥାଏ। ଏପରି ଏକ ମାମଲା ଉତ୍ତର ପ୍ରଦେଶର ନୋଏଡ଼ାରେ ହୋଇଛି। ନୋଏଡ଼ା ସେକ୍ଟର-୭୫ର ଏକ ହାଉସିଙ୍ଗ ସୋସାଇଟି ଗାର୍ଡ଼େନିଆ ଗେଟଓ୍ବେରେ ରହୁଥିବା ପାଖାପାଖି ୨୦୦ପରିବାରକୁ ୟୁନିଅନ ବ୍ୟାଙ୍କ ଅଫ ଇଣ୍ଡିଆ ତରଫରୁ ଫ୍ଲାଟ୍ ଖାଲି କରିବାକୁ ନୋଟିସ୍ ପଠାଯାଇଛି। ଖବର ଅନୁସାରେ ଅଗଷ୍ଟ ୨୦ତାରିଖ ସୁଦ୍ଧା ଫ୍ଲାଟ୍ ଖାଲି କରିବାର ନୋଟିସ୍ ମିଳିବା ପରେ ଏଥିରେ ରହୁଥିବା ଲୋକେ ଭୟଭୀତ ଅବସ୍ଥାରେ ଅଛନ୍ତି।

ବ୍ୟାଙ୍କ ତରଫରୁ ସୋସାଇଟି ବାସିନ୍ଦାଙ୍କୁ କୁହାଯାଇଛି ଯେ ଗାର୍ଡ଼େନିଆ ଇଣ୍ଡିଆ ଲିମିଟେଡ ବ୍ୟାଙ୍କଠୁ ୨୦୧୫ ମସିହା ଡିସେମ୍ବରରେ ୭୮.୪୫କୋଟି ଟଙ୍କାର ଲୋନ୍ ନେଇଥିଲା । ତେବେ ନିର୍ଦ୍ଧାରିତ ସମୟ ମଧ୍ୟରେ ଏହା ପରିଶୋଧ କରାଯାଇନାହିଁ। ଏପରି ପରିସ୍ଥିତିରେ ଲୋନ୍ ଆଦାୟ ପାଇଁ କମ୍ପାନୀର ସମ୍ପତ୍ତି ଜବତ କରିବା ଲାଗି ବ୍ୟାଙ୍କ ପାଖରେ ପୂରା ଆଇନସମ୍ମତ ଅଧିକାର ରହିଛି।

ସୋସାଇଟିର ରେସିଡେଣ୍ଟ ଓ୍ବେଲଫେୟାର ଆସୋସିଏସନ ଅଧ୍ୟକ୍ଷ ବିଏସ୍ ଲଭାନିଆ କହିଛନ୍ତି ଯେ ବିଲ୍ଡର ସମସ୍ତ ଫ୍ଲାଟ୍ ମାଲିକଙ୍କଠୁ ପୂରା ଟଙ୍କା ଆଦାୟ କରିସାରିଛି । ଏହା ପରେ ସେମାନଙ୍କୁ ଫ୍ଲାଟର ମାଲିକାନା ଦିଆଯାଇଥିଲା। ବ୍ୟାଙ୍କ ସହ ଯଦି ବିଲ୍ଡର ଫ୍ରଡ କରିଥାଏ ତେବେ ଏହି ଫ୍ଲାଟ୍ ମାଲିକମାନେ ଏଥିପାଇଁ ଦାୟୀ ନୁହନ୍ତି। ଫ୍ଲାଟ୍ ମାଲିକମାନେ କହିଛନ୍ତି ଯେ ସୋସାଇଟିର ଲୋକମାନେ ଏକମତ ହୋଇ ନିଷ୍ପତ୍ତି ନେଇଛନ୍ତି ଯେ ସେମାନେ ଯେକୌଣସି ପରିସ୍ଥିତିରେ ଫ୍ଲାଟ୍ ଖାଲି କରିବେ ନାହିଁ।

ସୋସାଇଟିର ଲୋକଙ୍କ କହିବାନୁସାରେ ସେମାନେ ଏହା ବିରୁଦ୍ଧରେ ଆଇନର ସହାୟତା ଲୋଡ଼ିବେ। ଏହି ମାମଲାରେ ସମସ୍ତେ ମିଶି ନୋଏଡ଼ାର ସେକ୍ଟର ୪୯ ସ୍ଥିତ ପୋଲିସ୍ ଥାନାରେ ଅଭିଯୋଗ କରିଛନ୍ତି। ବିଲ୍ଡରଙ୍କ ଭୁଲର ଦଣ୍ଡ ଫ୍ଲାଟ୍ କିଣିଥିବା ଲୋକେ କାହିଁକି ଭୋଗିବେ? ସେମାନେ ଏହି ଫ୍ଲାଟକୁ ପୂରା ଟଙ୍କା ଦେଇ କିଣିଛନ୍ତି।  

   Related Posts