ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କଂଗ୍ରେସ ନେତା କହିଲେ ଯେଉଁ ମୋଦିଙ୍କ ବାପାଙ୍କ ନାଁ କେହି ଜାଣିନାହାନ୍ତି ସେ ରାହୁଲ ଗାନ୍ଧୀଙ୍କୁ ହିସାବ ମାଗୁଛନ୍ତି

25/11/2018 at 3:30 PM

ରାଜସ୍ଥାନ ନିର୍ବାଚନରେ ବିଜେପି ବିରୋଧରେ କଂଗ୍ରେସ ନେତାଙ୍କ ବିସ୍ଫୋରକ ବୟାନ କଂଗ୍ରେସ ପାଇଁ ବଡ ସମସ୍ୟା ସୃଷ୍ଟି କରିଛି | ନିକଟରେ ସିପି ଯୋଶୀ ଦେଇଥିବା ବୟାନ ଯୋଗୁଁ ରାଜନୀତି ସରଗରମ ଥିବାବେଳେ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରୀୟ ମନ୍ତ୍ରୀ ବିଳାସରାଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ମନ୍ତବ୍ୟ ଦେଇ ବିବାଦ ଘେରକୁ ଆସିଛନ୍ତି |

ସେ କହିଛନ୍ତି ଯେ, ଯେଉଁ ପ୍ରଧାନମନ୍ତ୍ରୀ ମୋଦିଙ୍କ ବାପାଙ୍କ ନାଁ କେହି ଜାଣିନାହାନ୍ତି ସେହି ମୋଦି ରାହୁଲ ଗାନ୍ଧୀଙ୍କୁ ହିସାବ ମାଗୁଛନ୍ତି | ରାହୁଲ ଗାନ୍ଧୀଙ୍କ ପରିବାର ଏବଂ ପିଢ଼ି ବିଷୟରେ ପୁରା ଦୁନିଆ ଜାଣିଚି ବୋଲି ସେ କହିଛନ୍ତି | କେନ୍ଦ୍ର ମନ୍ତ୍ରୀ ବିଳାସରାଓ ଆସିଥିଲେ କଂଗ୍ରେସର ସ୍ଥିତି ସମ୍ଭାଳିବାକୁ | କିନ୍ତୁ ହେଲା ଓଲଟା | ବିବାଦୀୟ ମନ୍ତବ୍ୟ ଦେଇ କଂଗ୍ରେସ ପାଇଁ ସେ ଆହୁରି ସମସ୍ୟା ସୃଷ୍ଟି କରିଛନ୍ତି | ବିଳାସରାଓ କହିଛନ୍ତି ସେ ସମସ୍ତ ବିରୋଧୀ ନେତାଙ୍କୁ ବୁଝେଇ ତାଙ୍କ ସହ ଆଲୋଚନା କରିବାକୁ ଆସିଛନ୍ତି | କିନ୍ତୁ ଯଦି ସେମାନେ ମାନିବେ ନାହିଁ ତାହେଲେ ଦଳ ତାଙ୍କ ଉପରେ କାରାବାଈ କରିବ |

ଏହାପରେ ବିଳାସରାଓ କଂଗ୍ରେସ ପ୍ରତିନିଧି ପଙ୍କଜ ପ୍ରତାପ ସିଂଙ୍କ କାର୍ଯ୍ୟାଳୟକୁ ଯାଇଥିଲେ ଏବଂ ମୋଦିଙ୍କୁ କଟାକ୍ଷ କରି କହିଥିଲେ , “ବିଜେପି ସରକାର ମିଛ କହିବା ଛଡା ଆଜି ଯାଏଁ କଣ କରିଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜଣେ ମିଛୁଆ ପ୍ରଧାନମନ୍ତ୍ରୀ | ଆଜି ଯାଏଁ ଦୁନିଆରେ ଏମିତି ପ୍ରଧାନମନ୍ତ୍ରୀ କେବେ କିଏ ଦେଖିନଥିବେ |”

ସେ ଆହୁରି କହିଥିଲେ ଯେ, ନରେନ୍ଦ୍ର ମୋଦି ରାହୁଲ ଗାନ୍ଧୀଙ୍କ ସହ ଲଢ଼ୁଛନ୍ତି, ପ୍ରଧାନମନ୍ତ୍ରୀ ହେବା ପୂର୍ବରୁ ମୋଦିଙ୍କୁ କିଏ ଚିହ୍ନିଥିଲା | ଆଜି ମଧ୍ୟ ମୋଦିଙ୍କ ବାପାଙ୍କ ନାଁ କେହି ଜାଣିନାହାନ୍ତି | କିନ୍ତୁ ରାହୁଲ ଗାନ୍ଧୀଙ୍କ ବାପା କଣ ତାଙ୍କର ପୁରା ପିଢ଼ିକୁ ସମସ୍ତେ ଜାଣିଛନ୍ତି | ସେହି ମୋଦି ଆଜି ରାହୁଲ ଗାନ୍ଧୀଙ୍କୁ ହିସାବ ମାଗୁଛନ୍ତି ବୋଲି କହି ମୋଦିଙ୍କୁ କଟାକ୍ଷ କରିଥିଲେ ବିଳାସରାଓ |

   Related Posts