ଷ୍ଟକହୋମ୍ ୭/୧୦: ସ୍ବିଡେନର ରାଜଧାନୀ ଷ୍ଟକହୋମରେ ୨୦୧୯ ପାଇଁ ନୋବେଲ୍ ପୁରସ୍କାରର ଘୋଷଣା ଆରମ୍ଭ ହୋଇଯାଇଛି। ଆଜି ଚିକିତ୍ସା କ୍ଷେତ୍ରରେ ପୁରସ୍କାର ବିଜେତାଙ୍କ ଘୋଷଣା ହୋଇଛି। ଆମେରିକାର ଓ୍ବିଲିୟମ୍ ଜି. କେଲିନ୍ ଜୁନିୟର,ବ୍ରିଟେନର ସର ପିଟର ଜେ.ରୈଟକ୍ଲିଫ ଏବଂ ଆମେରିକାର ଗ୍ରେଗ୍ ଏଲ ସେମେଞ୍ଜାଙ୍କୁ ନୋବେଲ୍ ପୁରସ୍କାର ପ୍ରଦାନ କରାଯିବ।
ଏହା ପରେ ଅକ୍ଟୋବର ୧୪ତାରିଖ ଯାଏଁ ୬ଟି କ୍ଷେତ୍ରରେ ବିଜେତାଙ୍କ ନାଁ ଘୋଷିତ କରାଯିବ। ସ୍ବିଡିଶ ଏକାଡେମୀ ୨୦୧୮ ଏବଂ ୨୦୧୯ବର୍ଷ ପାଇଁ ସାହିତ୍ୟ କ୍ଷେତ୍ରରେ ନୋବେଲ୍ ପୁରସ୍କାର ଘୋଷଣା କରିବ। ଗତ ବର୍ଷ ଯୌନ ନିର୍ଯ୍ୟାତନା ମାମଲା ଯୋଗୁଁ ୨୦୧୮ମସିହାର ସାହିତ୍ୟ କ୍ଷେତ୍ରରେ ନୋବେଲ୍ ଘୋଷଣାକୁ ଏହି ଏକାଡେମୀ ସ୍ଥଗିତ କରି ଦେଇଥିଲା।