ଭୁବନେଶ୍ୱର, ୨୬|୦୫: ଘରୋଇ ବସ୍ ମାଲିକଙ୍କୁ ବଡ ଆଶ୍ୱସ୍ତୀ ଦେଇଛନ୍ତି ରାଜ୍ୟ ସରକାର । ପରିବହନ ବିଭାଗ ତରଫରୁ ୩ ମାସ ପାଇଁ ବସର ରୋଡ୍ ଟ୍ୟାକ୍ସ୍ ଛାଡ କରାଯାଇଛି । ଏପ୍ରିଲ, ମେ ଓ ଜୁନ୍ ମାସ ପାଇଁ ରୋଡ୍ ଟ୍ୟାକ୍ସ୍ ଛାଡ କରିଛି ପରିବହନ ବିଭାଗ ।
ମଙ୍ଗଳବାର ଘରୋଇ ବସ ମାଲିକ ସଙ୍ଘ ଓ ପରିବହନ ବିଭାଗ ମଧ୍ୟରେ ଆଲୋଚନା ହୋଇଥିଲା । ଆଲୋଚନା ପରେ ଟ୍ୟାକ୍ସ୍ ଛାଡ ବାବଦରେ ସୂଚନା ଦେଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା ।
ରାଜ୍ୟ ସରକାର ବସ୍ ଚଳାଚଳ ପାଇଁ ଗ୍ରୀନ୍ ସିଗ୍ଲାଲ୍ ପ୍ରଦାନ କରିଥିଲେ । ତେବେ କେତେକ ଦାବି ଧରି ଅଡି ବସିଥିଲା ଘରୋଇ ବସ ମାଲିକ ସଙ୍ଘ । ଫଳରେ ରାଜ୍ୟ ସରକାରଙ୍କ ଘୋଷଣା ପରେ ବି ଘରୋଇ ବସ୍ ଚଳାଚଳ କରିପାରି ନଥିଲା । ସଙ୍ଘ ପକ୍ଷରୁ ରୋଡ୍ ଟ୍ୟାକ୍ସ୍ ଛାଡ ଦାବି ଉପସ୍ଥାପନା କରାଯାଇଥିଲା । ଏହି ଦାବିକୁ ସରକାର ମାନି ନେଇଛନ୍ତି ।
ସେହିପରି ୨୬ ତାରିଖଠୁ ରାଜଧାନୀ ଭୁବନେଶ୍ୱର ଓ କଟକରେ ମୋ ବସ୍ ଚଳାଳଚ ଆରମ୍ଭ ହୋଇଯାଇଛି । ଏହା ପ୍ରଥମେ ୭ଟି ରୁଟରେ ଚଳାଚଳ କରିବ ବୋଲି ପୂର୍ବ ସୂଚନା ଦିଆଯାଇଥିଲା। ସେହି ନିୟମ ଅନୁସାରେ ଆଜିଠୁ ବସ୍ ଚଳାଚଳ ମୋ ବସ୍ ଗୁଡିକ ଚଳାଚଳ ଆରମ୍ଭ କରିଛି । ତେବେ କେବଳ ମାସ୍କ ପିନ୍ଧିଥିବା ଯାତ୍ରୀ ହିଁ ବସରେ ଯାତ୍ରା କରିପାରିବେ ବୋଲି ସୂଚନା ମିଳିଛି ।
