Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଗାଁକୁ ନାହିଁ ରାସ୍ତା, ୫ଶହ ମିଟର ପାଇଁ ଯିବାକୁ ପଡୁଛି ୫କିମି

23/10/2021 at 1:31 PM

ଭଦ୍ରକ ୨୩।୧୦ : ଗାଁକୁ ଯିବା ପାଇଁ ୫୦୦ ମିଟର । ହେଲେ ସେହି ରାସ୍ତା ଦେଇ ଯାଆନ୍ତି ନାହିଁ ଲୋକେ । ବରଂ ୫ କିମି ବୁଲି ବୁଲି ଯାଆନ୍ତି ଲୋକେ । ଜରୁରୀକାଳୀନ ସେବା ବି ଏଠାରେ ଅପହଞ୍ଚ ।  ସରକାରୀ ବିଭାଗ ମଧ୍ୟରେ ସମନ୍ୱୟ ଅଭାବ ହିଁ ରାସ୍ତା ନିର୍ମାଣର ମୁଖ୍ୟ ସମସ୍ୟା । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ନିର୍ବାଚନମଣ୍ଡଳି ନଗୁଆଁ ପଞ୍ଚାୟତରେ ଦେଖିବାକୁ ମିଳିଛି ଏପରି ଦୃଶ୍ୟ ।

ଖବର ଅନୁଯାୟୀ, ନଗୁଆଁ ପଞ୍ଚାୟତର ୯ନଂ ୱାର୍ଡ ମହାପୋଖରୀ ଶାସନକୁ ରାସ୍ତାଟିଏ ରହିଛି । ପୂର୍ତ୍ତ ବିଭାଗର ଏହି ରାସ୍ତାରେ ପ୍ରାୟ ୫୦୦ ମିଟର ଗଲେ ପଡିବ ମହାପୋଖରୀ ଶାସନ ଗାଁ । କେବଳ ଗୋଟିଏ ନୁହେଁ ପ୍ରାୟ ୪ରୁ ଅଧିକ ଗ୍ରାମବାସୀ ଏହି ରାସ୍ତା ଉପରେ ନିର୍ଭର କରନ୍ତି । ଏଠାରେ ଅନେକ ଆଦିବାସୀ ବସ୍ତି ରହିଛି । ବର୍ଷା ହେଲେ ରାସ୍ତାର ଅବସ୍ଥା ଅତି କଦର୍ଯ୍ୟ ହୋଇପଡେ । ତେଣୁ ଗାଁଲୋକେ ସେହି ରାସ୍ତାରେ ନଯାଇ ୫କିମି ବୁଲି ବୁଲି ଯାଇଥାନ୍ତି ।  ବିପଦ ଆପଦରେ ଆମ୍ବୁଲାନ୍ସ ଟିଏ ଗାଁକୁ ଯାଇପାରେ ନାହିଁ । ରୋଗୀ ହୁଅନ୍ତୁ କି ଗର୍ଭବତୀ ତାଙ୍କୁ ବୋହି ବୋହି ଆଣିବାକୁ ପଡିଥାଏ ।  ଗାଁରେ ପ୍ରାୟ ୭୦ପରିବାର ବସବାସ କରୁଥିବା ବେଳେ ଭୋଟର ସଂଖ୍ୟା ୩୦୦ ବୋଲି ଜଣାପଡିଛି । କିନ୍ତୁ ଏହି ରାସ୍ତାର ଏହି ସ୍ଥିତି ପାଇଁ ଦୁରବସ୍ଥା କହିଲେ ନସରେ । ଲୋକେ ବାରମ୍ଭାର ଅଭିଯୋଗ କଲେବି କୌଣସି ସମସ୍ୟାର ସମାଧାନ ହେଉନି ।  

ସେପଟେ ରାସ୍ତା ନିର୍ମାଣ ନହେବାର ଅନେକ କାରଣ ରହିଛି । ଗାଁ ଲୋକେ ରାସ୍ତା ନିର୍ମାଣ ପାଇଁ ପ୍ରଶାସନକୁ ପୁଳା ପୁଳା ଅଭିଯୋଗ ପତ୍ର ଦେଇଛନ୍ତି । କିନ୍ତୁ ଫଳ ଶୁନ୍‌ । ଜଳସେଚନ ବିଭାଗ ଅଧୀନରେ ଏହି ରାସ୍ତା ଯାଉଛି । ତେଣୁ ବ୍ଲକ କିମ୍ବା ପଞ୍ଚାୟତ ତରଫରୁ ରାସ୍ତା ତିଆରି କରିହେବ ନାହିଂ । ଜଳସେଚନ ବିଭାଗ ସହ ସରପଞ୍ଚ ଏହି ସମସ୍ୟା ସଂପର୍କରେ କଥା ହୋଇଛନ୍ତି । ଜଳସେଚନ ବିଭାଗର ଯନ୍ତ୍ରୀ ଓ ଅଧିକାରୀ ମାନେ ରାସ୍ତାର ସ୍ଥିତି ପରଖିଛନ୍ତି । ମାପଚୁପ ମଧ୍ୟ ହୋଇଛି । ଆଉ କିଛି ଦିନରେ ସ୍ଥିତି ସୁଧୁରିବ ।

   Related Posts