ନୂଆଦିଲ୍ଲୀ, ୦୯|୦୭: ଦେଶରେ ରେଳବାଇର ଘରୋଇକରଣକୁ ନେଇ ଚର୍ଚ୍ଚା ଲାଗି ରହିଛି । ଏହା ମଧ୍ୟରେ ରେଳ ମନ୍ତ୍ରାଳୟର ଏକ ବୟାନ ସାମ୍ନାକୁ ଆସିଛି । କୌଣସି ପ୍ରକାର ଘରୋଇକରଣ ହେବ ନାହିଁ ବୋଲି ରେଳବାଇ ସ୍ପଷ୍ଟ କରିଛି । ଏବେ ଯେପରି ଭାବେ ସେବା ଚାଲୁଛି ଆଗରୁ ମଧ୍ୟ ସେପରି ଜାରି ରହିବ ।
ରେଳ ବିଭାଗ ନିକଟରେ ୧୦୯ଟି ରୁଟ୍ରେ ଘରୋଇ ସଂସ୍ଥାକୁ ଇନଭିଟେସନ୍ ଦେଇଥିଲା । ଯେଉଁଥିରେ ଘରୋଇ ସଂସ୍ଥା ୩୦ ହଜାର କୋଟି ଟଙ୍କାର ନିବେଶ କରିଥାନ୍ତେ । ଏହାପରେ ଟ୍ରେନର ଘରୋଇକରଣକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା ।
wp:html/wp:htmlरेलवे का किसी भी प्रकार से निजीकरण नही किया जा रहा है, वर्तमान में चल रही रेलवे की सभी सेवायें वैसे ही चलेंगी।
— Piyush Goyal (@PiyushGoyal) July 8, 2020
निजी भागीदारी से 109 रूट पर 151 अतिरिक्त आधुनिक ट्रेनें चलाई जायेंगी। जिनका कोई प्रभाव रेलवे की ट्रेनों पर नही पड़ेगा, बल्कि ट्रेनों के आने से रोजगार का सृजन होगा। pic.twitter.com/hcLpTNPGRv
ରେଳମନ୍ତ୍ରୀ ପିୟୁଷ ଗୋଏଲ ଟ୍ୱିଟ୍ କରି କହିଛନ୍ତି ଯେ, ରେଳବାଇର କୌଣସି ଘରୋଇ କରଣ ହେଉନାହିଁ । ବର୍ତ୍ତମାନ ଯେପରି ସେବା ଚାଲୁଛି ଆଗକୁ ମଧ୍ୟ ଏପରି ଜାରି ରହିବ । ବେସରକାରୀ ଭାଗିଦାରୀରେ ୧୦୯ଟି ରୁଟ୍ରେ ୧୫୧ଟି ଅତ୍ୟାଧୂନିକ ଟ୍ରେନ୍ ଚାଲିବ । ଏହାର ରେଳବାଇ ଟ୍ରେନ୍ ଉପରେ କୌଣସି ପ୍ରଭାବ ପଡିବ ନାହିଁ । ବରଂ ନୂଆ ଟ୍ରେନ୍ ଆସିଲେ ରୋଜଗାର ସୃଷ୍ଟି ହେବ ।
ସୂଚନାଯୋଗ୍ୟ, ରେଳବାଇ ପାସେଞ୍ଜର୍ ଟ୍ରେନ୍ ସର୍ଭିସ୍ ଅପରେଟ୍ ପାଇଁ ବେସରକାରୀ ସଂସ୍ଥା ପାଇଁ ଦ୍ୱାର ଖୋଲି ଦେଇଥିଲା । ୧୦୯ଟି ରୁଟ୍ରେ ପ୍ରାଇଭେଟ୍ କମ୍ପାନୀ ଟ୍ରେନ୍ ଅପରେଟ୍ କରିପାରିବେ । ଏଥିରେ ୩୦ ହଜାର କୋଟିର ନିବେଶ ସମ୍ଭାବନା ରହିଛି । ପାସେଞ୍ଜର୍ ଟ୍ରେନ୍ ସଞ୍ଚାଳନ ପାଇଁ ପ୍ରଥମ ଥର ଭାରତୀୟ ରେଳବାଇ ନିବେଶର ରାସ୍ତା ଉନ୍ମକ୍ତ କରିଥିଲା ।
ଏହି ସମସ୍ତ ଟ୍ରେନ୍ରେ ଅତି କମରେ ୧୬ଟି କୋଚ୍ ରହିବ । ଏହାର ଘଣ୍ଟାପ୍ରତି ବେଗ ସର୍ବାଧିକ ୧୬୦ କିମି ରହିବ । ତେବେ ବର୍ତ୍ତମାନର ଟ୍ରେନ ଓ ଟିକେଟ୍ ଉପରେ ଏହା କୌଣସି ପ୍ରଭାବ ପକାଇବ ନାହିଁ ।