Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

କରୋନା ଭୟରେ ମୃତଦେହକୁ ମିଳିଲାନି ୪ କାନ୍ଧ, ପିପିଇ କିଟ୍ ପିନ୍ଧି ଶ୍ମଶାନ ନେଲେ ସରପଞ୍ଚ

12/07/2020 at 8:21 AM

ପାତ୍ରପୁର, ୧୨|୦୭: : କରୋନା ଭୟ ଆଗରେ ହଜିଗଲା ମାନବିକତା । ମୃତଦେହ ପଡ଼ିରହିଲା ପ୍ରାୟ ୭ ଘଣ୍ଟା। ମରଶରୀର ପାଖ ମାଡ଼ିଲେନି କେହି । ମୃତକଙ୍କୁ ଶ୍ମଶାନ ନେବା ପାଇଁ ମିଳିଲାନି ଚାରିକାନ୍ଧ। ପାଖରେ ସ୍ତ୍ରୀ, ଦୁଇ ଝିଅ ଓ ପୁଅ କାନ୍ଦୁଥିଲେ। ଘରେ ପଡ଼ି ରହିଥିଲା ଶବ। ପୁଅ ନାବାଳକ। ଏକୁଟିଆ ବସି ଲୁହ ଝରାଇ ଛଡ଼ା ତା’ ପାଖରେ ଆଉ କିଛି ବିକଳ୍ପ ନଥଲା। ଶେଷରେ ସରପଞ୍ଚ ବୋହିଲେ । ମୃତକଙ୍କ ପୁଅ ଓ ଶାଳକଙ୍କ ସହାୟତାରେ ସରପଞ୍ଚ ଶବକୁ କାନ୍ଧ ଦେଇ ଶ୍ମଶାନ ନେଲେ । ଏହିଭଳି ଏକ କରୁଣ ଘଟଣା ଦେଖିବାକୁ ମିଳିଛି ପାତ୍ରପୁର ବ୍ଲକ ମନ୍ଦରଡ଼ା ପଞ୍ଚାୟତର ହୁକୁମା ଗାଁରେ।

ଗ୍ରାମର ଦିଲ୍ଲୀପ ରଣା(୫୦)ଙ୍କ ଶୁକ୍ରବାର ମଧ୍ୟରାତ୍ରରେ ମୃତ୍ୟୁ ହୋଇଥିଲା । ପୂର୍ବରୁ ଦିଲ୍ଲୀପ ଜ୍ୱରରେ ପୀଡ଼ିତ ଥିଲେ । ତାଙ୍କର କୋଭିଡ ଟେଷ୍ଟ ହୋଇଥିଲା । ଏବେ ପଜିଟିଭ ରିପୋର୍ଟ ଆସିଛି । ତାଙ୍କ ସହ ପୁଅ ଓ ପତ୍ନୀ ମଧ୍ୟ ଆକ୍ରାନ୍ତ ହୋଇଥିବା ମନ୍ଦରଡ଼ା ଏଏନ୍‌ଏମ୍‌ ଟୁନି ଦଳାଇ ସୂଚନା ଦେଇଛନ୍ତି । ଶୁକ୍ରବାର ରାତି ଗୋଟାଏ ବେଳେ ଦିଲ୍ଲୀପ ଗୁରୁତର ହୋଇ ପଡ଼ିଥିଲେ । ପରିବାର ଲୋକ ସରପଞ୍ଚ ବସନ୍ତ କୁମାର ପ୍ରଧାନକୁ ଜଣାଇବା ପରେ ସରପଞ୍ଚ ସ୍ୱାସ୍ଥ୍ୟ ବିଭାଗକୁ ସୂଚନା ଦେଇଥିଲେ । ତାଙ୍କର ମୃତ୍ୟୁ ହୋଇ ଯାଇଥିଲେ ବି ଶରୀର ଉଷୁମ ଥିବାରୁ ସେ ଜୀବିତ ଥିବା ଭାବି ପରିବାର ଲୋକ ଆମ୍ବୁଲାନ୍ସକୁ ଖବର ଦେଇଥିଲେ ।

ଆମ୍ବୁଲାନ୍ସ ପହଞ୍ଚିବା ବେଳକୁ ମହିଳା ସ୍ୱାସ୍ଥ୍ୟ କର୍ମୀ ପହଞ୍ଚି ଦିଲ୍ଲୀପଙ୍କ ମୃତ୍ୟୁ ହୋଇଥିବା କହିବା ପରେ ଆମ୍ବୁଲାନ୍ସ ଫେରି ଯାଇଥିଲା। ଶବ ସତ୍କାର କରିବାକୁ ଗାଁ ଲୋକ କେହି ଆସିଲେନି। ମୃତକଙ୍କ ନାବାଳକ ପୁଅ ଓ ଶାଳକଙ୍କୁ ଛାଡ଼ି ଦେଲେ ଅନ୍ୟ କେହି ନଥିଲେ । ସରପଞ୍ଚ ପିପିଇ କିଟ ପିନ୍ଧି ଶବ କାନେ୍ଧଇବାକୁ ଆଗେଇ ଆସିଲେ। ଆଉ ତିନି ଜଣ ବିପିନ ସାହୁ, ରିପନ ପ୍ରଧାନ ଓ ଇଶ୍ୱର ସାହୁଙ୍କ ସହାୟତାରେ ଶ୍ମଶାନ ଯାଏଁ ବୋହି ନେବା ପରେ ଶବ ସତ୍କାର ହୋଇଥିଲା । ମୃତ ଦିଲ୍ଲୀପଙ୍କ ଘର ଦିଗପହଣ୍ଡି ବ୍ଲକ ବାଲିଜୁଡି ଗାଁ । ସେ ପ୍ରାୟ ୧୨ ବର୍ଷରୁ ଉଦ୍ଧ୍ୱର୍ ସମୟ ଧରି ପାତ୍ରପୁର ବ୍ଲକର ହୁକୁମା ଗ୍ରାମରେ ରହି ଜଣେ କ୍ୱାକ୍‌ ଭାବେ ରାଗୀ ଚିକିତ୍ସା କରୁଥିଲେ । ହୁକୁମା ଗ୍ରାମରେ ଗତ ୧୦ ଦିନ ମଧ୍ୟରେ ୨୬ ଜଣଙ୍କ କରୋନା ପଜିଟିଭ ବାହାରିଥିବା ବେଳେ ଗ୍ରାମବାସୀ ଆତଙ୍କିତ ହୋଇଛନ୍ତି । ପୂର୍ବରୁ ଚିକିଟି ବ୍ଲକରେ ନୂଆପଡ଼ାରେ ଶବ ଉଠାଇବା ପାଇଁ କେହି ନଆସିବାରୁ ଆର୍ଯ୍ୟ ସମାଜର କର୍ମକର୍ତ୍ତା ଶବ ସତ୍କାର କରିଥିଲେ । ସେହିପରି ପାତ୍ରପୁର ବ୍ଲକରେ କରୋନା ଡର ସତ୍ତେ୍ୱ ମନ୍ଦରଡ଼ାର ଯୁବ ସରପଞ୍ଚ ମୃତକଙ୍କ ଶବକୁ କାନେ୍ଧଇ ନେବା ଘଟଣା ସବୁ ମହଲରେ ପ୍ରଶଂସିତ ହୋଇଛି ।

   Related Posts