ନୂଆଦିଲ୍ଲୀ, ୧୯|୦୪: ପେନସନ୍ କମ କରିବା ପାଇଁ କୌଣସି ପ୍ରସ୍ତାବ ନାହିଁ । ସରକାର ଏହା ସମ୍ବନ୍ଧରେ କୌଣସି ପ୍ରକାର ଚିନ୍ତା କରି ନାହାଁନ୍ତି । ପେନସନ କମ ଓ ରୋକ ଲାଗିବା ନେଇ ବିଭିନ୍ନ ଗୁଜବ ଆସିବା ପରେ ସରକାର ଏହି ସ୍ପଷ୍ଟୀକରଣ ଦେଇଛନ୍ତି ।
ସରକାର ଏକ ବିଜ୍ଞପ୍ତି ଜାରି କରି କହିଛନ୍ତି ଯେ, ପେନସନ ଓ ପେନସନଭୋଗୀ କଲ୍ୟାଣ ବିଭାଗ ନଜରକୁ କିଛି ଗୁଜୁବ ଆସିଛି । କରୋନା ଭାଇରସକୁ ନଜରରେ ରଖି ପେନସନ କମ ଓ ବନ୍ଦ ହେବା ନେଇ ଅନେକ ମିଛ ଖବର ବୁଲୁଛି । ଯାହା ସମସ୍ତ ପେନସନଭୋଗୀଙ୍କ ପାଇଁ ଚିନ୍ତାଜନକ ।
ତେବେ କୌଣସି ପେନସନ ବନ୍ଦ ହେବ ନାହିଁ ବୋଲି ସରକାର କହିଛନ୍ତି । ଏପରି କୌଣସି ପ୍ରସ୍ତାବ ନାହିଁ । ସରକାର ଏହି ପ୍ରସଙ୍ଗରେ କୌଣସି ଆଲୋଚନା କରିନାହାଁନ୍ତି । ସରକାର ପେନସନଭୋଗୀଙ୍କ ସୁବିଧା ଓ ସହଯୋଗ ପାଇଁ ପ୍ରତିଶ୍ରୁତିବଦ୍ଧ । ସାରା ଦେଶରେ କେନ୍ଦ୍ର ସରକାରଙ୍କ ଅନୁସାରେ ପ୍ରାୟ ୬୫.୨୬ ଲକ୍ଷ ପେନସନ ଭୋଗୀ ଅଛନ୍ତି ।
