Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

କରୋନା ଲକଡାଉନ୍‌ରେ ଡାକଘର ସଞ୍ଚୟ ଯୋଜନାର ବଡ ନିଷ୍ପତି, ଆଦାୟ ହେବନି ପେନାଲ୍ଟି

10/04/2020 at 5:21 PM

ନୂଆଦିଲ୍ଲୀ ୧୦।୪: କରୋନା ସଂକ୍ରମଣ ଯୋଗୁ ସାରା ଦେଶ ଏବେ ଲକଡାଉନରେ। ଏଥିରେ ଲୋକେ ଡାକଘର ସଞ୍ଚୟ ଯୋଜନାରେ ଜମା କରୁଥିବା ଲୋକେ ଘୋର ଅସୁବିଧାର ସମ୍ମୁଖୀନ ହୋଇଛନ୍ତି। ସେମାନେ ଡାକଘର ସଞ୍ଚୟ ଯୋଜନାରେ ଖୋଲିଥିବା ବିଭିନ୍ନ ଅବଧି ଜମାର କିସ୍ତି ଦାଖଲ କରିପାରୁନାହାନ୍ତି। ଏଣୁ ଏଭଳି ଖିଲାପି ଜମାକାର୍ତ୍ତାଙ୍କ ଠାରୁ ଆଗରୁ ଡାକଘର କର୍ତ୍ତୃପକ୍ଷ ଜରିମନା ବା ପେନାଲ୍ଟି ଆଦାୟ କରୁଥିଲେ। ହେଲେ କରୋନା ଜନିତ ୨୧ ଦିନିଆ ଲକଡାଉନ୍‌ରେ ଜମାକର୍ତ୍ତାଙ୍କ ଠାରୁ ପେନାଲ୍ଟି ଆଦାୟ ହେବନି ବୋଲି ଡାକ ବିଭାଗ ପକ୍ଷରୁ ସୂଚିତ କରାଯାଇଛି।

ଡାକଘରେ ଲୋକେ ସ୍ୱଳ୍ପ ସଞ୍ଚୟ ଯୋଜନା ସମେତ ପବ୍ଲିକ ପ୍ରୋଭିଡେଣ୍ଟ ଫଣ୍ଡ (ପିପିଇ) ଓ ରେକରିଂ ଡିପୋଜିଟ୍ ଆଦି ଖାତା ଖୋଲିଛନ୍ତି। ଏହି ସବୁ ସଞ୍ଚୟ ଯୋଜନାରେ କେବଳ ସଞ୍ଚୟ ଜମା ବ୍ୟତୀତ ଅନ୍ୟ ଗୁଡିକ ଅବଧି ଜମା ହୋଇଥିବାରୁ ଗ୍ରାହକ ମାର୍ଚ୍ଚ ମାସ ଶେଷରେ ଗୋଟିଏ ଥରରେ ସବୁ ଜମା କରନ୍ତି। ହେଲେ ଚଳିତବର୍ଷ କଥା ଭିନ୍ନ। କରୋନା ୟୋଗୁ ସରକାର ମାର୍ଚ୍ଚ ୨୫ ତାରିଖରୁ ସାରା ଦେଶରେ ଲକଡାଉନ୍ ଜାରି କରିଛନ୍ତି। ଏଣୁ ଲୋକେ ଡାକଘରକୁ ଯାଇପାରୁନଥିବାରୁ ଜମା ପ୍ରଭାବିତ ହୋଇଛି।

ଡାକ ବିଭାଗ ଏହି ରିହାତି ଜୁନ ୩୦ ତାରିଖ ପର୍ଯ୍ୟନ୍ତ ଦେଇଛନ୍ତି। ଜମାକର୍ତ୍ତା ଜୁନ ୩୦ ତାରିଖ ସୁଦ୍ଧା ତାଙ୍କର କିସ୍ତି ଜମା କରିଦେଲେ ସେମାନଙ୍କୁ ପେନାଲ୍ଟି ଦେବାକୁ ପଡିବ ନାହିଁ। କେନ୍ଦ୍ର ଅର୍ଥମନ୍ତ୍ରୀ  ନିର୍ମଳା ସୀତାରମଣଙ୍କ ନିର୍ଦେଶରେ ଡାକ ବିଭାଗ ଏହି ପଦକ୍ଷେପ ଗ୍ରହଣ କରିଛନ୍ତି। ଫଲରେ ସ୍ୱଳ୍ପ ସଞ୍ଚୟ ଯୋଜନାରେ ନିବେଶ କରୁଥିବା କ୍ଷୁଦ୍ର ନିବେଶକଙ୍କ ସ୍ୱାର୍ଥ ପ୍ରଭାବିତ ହେବ ନାହିଁ ବୋଲି ଆଶାବ୍ୟକ୍ତ କରାଯାଉଛି।

ପୂର୍ବରୁ ସାଧାରଣ ସମୟରେ ପିପିଇ କିସ୍ତି ଖିଲାପ ହେଲେ ୫୦ ଟଙ୍କା ପର୍ଯ୍ୟନ୍ତ ପେନାଲ୍ଟି ଆଦାୟ ହେଉଥିଲା। ସେହିପରି ରେକରିଂ ଡିପୋଜିଟ୍‌ରେ ୧୦୦ ଟଙ୍କା ଲାଗି ୧ ଟଙ୍କା ପେନାଲ୍ଟି ପ୍ରାବଧାନ ଥିବା ବେଳେ ୫୦୦ ଟଙ୍କା ଲାଗି ୫୦ ଟଙ୍କା ପେନାଲ୍ଟି ପ୍ରବଧାନ ଥିଲା। ତେବେ ବର୍ତ୍ତମାନ ଉପୁଜିଥିବା ପରିସ୍ଥିତିରେ ଗ୍ରାହକଙ୍କୁ ଏଥିରୁ ମୁକ୍ତ କରାଯାଇଛି।

   Related Posts