ନୂଆଦିଲ୍ଲୀ ୧୩/୭ : ଇଂଲଣ୍ଡରେ ଜୁଲାଇ ୧୯ରୁ ହଟିବ ସମସ୍ତ କୋଭିଡ୍ ପ୍ରତିବନ୍ଧକ । ଏନେଇ ଘୋଷଣା କରିଛନ୍ତି ବ୍ରିଟିଶ୍ ପ୍ରଧାନମନ୍ତ୍ରୀ ବୋରିସ୍ ଜନସନ । ଜନସନ କହିଛନ୍ତି ଯେ, ଏଣିକି ସାର୍ବଜନୀନ ସ୍ଥାନରେ ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା କରିବା କୌଣସି ଆବଶ୍ୟକତା ନାହିଁ । ଇଂଲଣ୍ଡର ପ୍ରଧାନମନ୍ତ୍ରୀ ବୋରିସ୍ ଜନସନ୍ କହିଛନ୍ତି ଯେ, କରୋନା ଟିକା ଭୂତାଣୁର ଗମ୍ଭୀର ଲକ୍ଷଣ ଠାରୁ ବର୍ତ୍ତିବା ପାଇଁ ସାହାଯ୍ୟ କରିବ ।
ଏନଏଚକେ ରିପୋର୍ଟ ମୁତାବକ, ହସ୍ପିଟାଲରେ ଭର୍ତ୍ତି ଏବଂ ମୃତ୍ୟୁ ସଂଖ୍ୟା ଜରି ରହିପାରେ । ଗତ ବର୍ଷ ଶୀତ ଦିନ ତୁଳନାରେ ଚଳିତ ବର୍ଷ ହସ୍ପିଟାଲରେ ରୋଗୀଙ୍କ ଭର୍ତ୍ତି ସଂଖ୍ୟା ଓ ମୃତ୍ୟୁ ସଂଖ୍ୟାରେ ହ୍ରାସ ଘଟିବ । ତେଣୁ ଏବେ ସାର୍ନଜନୀନ ସ୍ଥାନରେ ଏବେ ମାସ୍କ ପିନ୍ଧିବା ଓ ସାମାଜିକ ଦୂରତା ରଖିବା ଆବଶ୍ୟକ ନାହିଁ । ତେବେ ଲୋକମାନେ ବ୍ୟକ୍ତିଗତ ରୂପରେ ସାବଧାନତା ରକ୍ଷା କରିବା ପାଇଁ ସେ ଅପିଲ କରିଛନ୍ତି ।
ସେ ପୁଣି କହିଛନ୍ତି ଯେ, ମହାମାରୀ ଶେଷ ହୋଇନି କି ତାର କୌଣସି ବିକଳ୍ପ ନାହିଁ । ଜୁଲାଇ ୧୯ ଠାରୁ ଆମେ ତୁରନ୍ତ ପୂର୍ବ ଭଳି ଜୀବନଶୈଳୀକୁ ଫେରିପାରିବା ନାହିଁ । ସେପଟେ ସରକାରଙ୍କ ଏହି ନିଷ୍ପତ୍ତିକୁ ନେଇ ବିଶେଷଜ୍ଞମାନେ ଚିନ୍ତା ପ୍ରକଟ କରିଛନ୍ତି । ସେମାନେ କହିଛନ୍ତି ଯେ, ବର୍ତ୍ତମାନ ସମୟରେ ମହାମାରୀ କରୋନା ସଂକ୍ରମଣ ବ୍ୟାପୁଥିବା ବେଳେ ସମସ୍ତ କଟକଣା ହଟାଇଦେଲେ ଏହା ପୁଣି ଥରେ ବିପଦକୁ ଟାଣି ଆଣିବ।