Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୯ ଜଣଙ୍କ ଜୀବନ, ୩୪୭୧ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କାମାକ୍ଷାନଗରରେ ଦୁଇ ସାହି ମଧ୍ୟରେ ଗୋଷ୍ଠୀ ସଙ୍ଘର୍ଷ : ଜଣେ ମୃତ, ୨ ଗୁରୁତର
  • ||
  • ନୟାଗଡ : ୫ ଦିନ ପରେ ମିଳିଳା ନିଖୋଜ ଶିଶୁକନ୍ୟାର ମୃତଦେହ, ଶରୀରଠୁ ଅଲଗା ହୋଇ ପଡିଛି ମୁଣ୍ଡ
  • ||
  • ଖୋର୍ଦ୍ଧା : ଠାକୁରପଡ଼ାରେ ଯୁବକଙ୍କୁ ନିର୍ମମ ହତ୍ୟା ଘଟଣା, ୩ ଗିରଫ
  • ||
  • ଭୁବନେଶ୍ୱର : ୧୮ ଓ ୧୯ରେ ବଢିବ ବର୍ଷା, ୨୦ରୁ ବଦଳିବ ପାଗ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୩୧ କୋଭିଡ୍ ପଜିଟିଭ୍ ଚିହ୍ନଟ
  • ||

ପିଏମ୍ କେୟାର ଫଣ୍ଡର ହୋଇପାରିବନି ଯାଞ୍ଚ୍, ଏନଡିଏର ସଂଖ୍ୟା ଦେଖି ଚୁପ୍ ରହିଗଲେ ବିରୋଧୀ

11/07/2020 at 9:24 AM

ନୂଆଦିଲ୍ଲୀ, ୧୧|୦୭:  ଲୋକ ଲେଖା ସମିତି ବା ପିଏସି ପିଏମ କେୟାର୍ସ ଫଣ୍ଡର ଯାଞ୍ଚ କରିବ ନାହିଁ । ସୂତ୍ରାନୁସାରେ, ଶୁକ୍ରବାର ଅନୁଷ୍ଠିତ ବୈଠକରେ ଏନଡିଏର ସଂଖ୍ୟାବଳକୁ ଦେଖି ସମିତି ଅଧ୍ୟକ୍ଷ ତଥା କଂଗ୍ରେସ ନେତା ଅଧିର ରଞ୍ଜନ ଚୌଧରୀ ଏହି ପ୍ରସଙ୍ଗକୁ ଆଗରୁ ବଢାଇବାକୁ ଚାହିଁ ନଥିଲେ । ପୂର୍ବରୁ କୁହାଯାଉଥିଲା ଯେ, କଂଗ୍ରେସ ଓ ଅନ୍ୟ ବିରୋଧି ଦଳ ପିଏମ କେୟାର୍ସ ଫଣ୍ଡକୁ ତଦନ୍ତ କମିଟି କରିବା ପାଇଁ ଚାପ ପ୍ରୟୋଗ କରିବେ । ପିଏମ କେୟାର୍ସ ଫଣ୍ଡକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ ସମେତ ଅନେକ ବିରୋଧି ନେତା ପୂର୍ବରୁ ହିଁ ପ୍ରଶ୍ନ ଉଠାଇଛନ୍ତି । ଏହାସହ ତଦନ୍ତ କରିବାକୁ ମଧ୍ୟ ଦାବି କରୁଥିଲେ ।

ଶୁକ୍ରବାର ବୈଠକରେ ଚଳିତ ବର୍ଷ କମିଟିକୁ ତଦନ୍ତ ପରିସରଭୁକ୍ତ ବିଷୟବସ୍ତୁ ପାଇଁ ଡକାଯାଇଥିଲା । ଯେଉଁ ବିଷୟକୁ ସମ୍ଭାବିତ ତାଲିକାରେ ସାମିଲ କରାଯାଇଥିଲେ ସେଥିରେ ପିଏମ କେୟାର୍ସ ଫଣ୍ଡ ମଧ୍ୟ ସାମିଲ ଥିଲା । କିନ୍ତୁ ସିଧାସଳଖ ଭାବେ ଏହାର ନାଁ ପ୍ରସ୍ତାବିତ କରାଗଲା ନାହିଁ । ୨୨ ସଦସ୍ୟ ବିଶିଷ୍ଟ ଏହି କମିଟିରେ ବର୍ତ୍ତମାନ ୨୦ଜଣ ସଦସ୍ୟ ରହିଛନ୍ତି । ଏମାନଙ୍କ ମଧ୍ୟରୁ ବୈଠକରେ ଉପସ୍ଥିତ ଥିଲେ ୧୭ ସଦସ୍ୟ । ଏଥିରୁ ୧୪ଜଣ ଏନଡିଏର ସାଂସଦ ଥିଲେ । ଏନଡିଏସ ସାଂସଦମାନେ ପିଏମ କେୟାର୍ସ ଫଣ୍ଡକୁ ତଦନ୍ତ ତାଲିକାଭୁକ୍ତ କରିବାକୁ ବିରୋଧ କରିଥିଲେ ।

ଏନଡିଏ ସଦସ୍ୟ କହିଛନ୍ତି ଯେ, ପିଏମ କେୟାର୍ସ ଫଣ୍ଡ କୌଣସି ସରକାରୀ ଫଣ୍ଡ ନୁହେଁ । ଏଥିରେ ସରକାର ଟଙ୍କାଟିଏ ହେଲେ ଜମା କରିନାହାଁନ୍ତି । ଏହାକୁ ସିଏଜି କିମ୍ବା ପିଏସ ଦ୍ୱାରା ଯାଞ୍ଚ କରାଯାଇପାରିବ ନାହିଁ ।

   Related Posts