Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ପାକିସ୍ତାନ କଟାସରାଜରେ ପାଳନ ହେବ ମହାଶିବରାତ୍ରି : ହେଲେ ଯିବେ ନାହିଁ ଜଣେ ବି ଭାରତୀୟ

4/03/2019 at 3:32 PM

ଲାହୋର ୪/୩ : ପାକିସ୍ତାନର ଲାହୋରରୁ ୨୮୦ କି:ମି: ଦୂର କଟାସରାଜ କଟାସରାଜ  ନଦୀ ତଟରେ ଏକ ପାହାଡ ଉପରେ ଭଗବାନ ଶିବଙ୍କ ମନ୍ଦିର ଅଛି | ମନ୍ଦିରରେ ପ୍ରତିବର୍ଷ ମହାଶିବରାତ୍ରି ପାଳନ କରାଯାଇଥାଏ | କିନ୍ତୁ ଆଜି ଏହି ମନ୍ଦିରରେ ଭାରତର କୌଣସି ଭକ୍ତ ନଥିବେ | କାରଣ ପୁଲୱାମା ହମଲା ପରେ ଭାରତର କୌଣସି ହିନ୍ଦୁ ପାକିସ୍ତାନ ପାଇଁ ଭିସା ନେଇନାହାନ୍ତି | ଅନେକ ଭାରତୀୟ ଶ୍ରଦ୍ଧାଳୁ ଶିବରାତ୍ରି ଦିନ ଭିସା କରି ଏହି ମନ୍ଦିରରେ ପୂଜା କରିବା ପାଇଁ ପାକିସ୍ତାନ ଯାଇଥାନ୍ତି | ଏହା ପୂର୍ବରୁ ୧୯୯୯ ମସିହା କାର୍ଗିଲ ଯୁଦ୍ଧ ପରେ ମଧ୍ୟ ଏହିଭଳି ସ୍ଥିତି ଦେଖିବାକୁ ମିଳିଥିଲା |

୨୦୦୮ ମୁମ୍ବାଇ ହମଲା ପରେ ମଧ୍ୟ କୌଣସି ଭାରତୀୟ ପୂଜା କରିବା ପାଇଁ ପାକିସ୍ତାନ ଯାଇନଥିଲେ | ଏହି ମନ୍ଦିର ୧୦୦୦ ବର୍ଷ ପୁରୁଣା ବୋଲି ବିଶ୍ୱାସ ରହିଛି | ମହାଶିବରାତ୍ରି ପାଇଁ ମନ୍ଦିର ପରିସରକୁ ସଫା କରାଯାଇଥାଏ | ଆଜି ମଧ୍ୟ ମନ୍ଦିର ପରିସରକୁ ସଫା କରାଯାଇଛି | କିନ୍ତୁ ଆଜି ସେଠାରେ ଶ୍ରଦ୍ଧାଳୁ ନାହାନ୍ତି | ମନ୍ଦିରର ଉଚ୍ଚତା ୧୫୦ ଫୁଟ ଏବଂ ଦୈର୍ଘ୍ୟ ୯୦ ଫୁଟ | ମନ୍ଦିର ପରିସରରେ ଥିବା ପବିତ୍ର ସରୋବରର ପାଣି କାଚ ଭଳି ସ୍ୱଚ୍ଛ |

କିଛି ବର୍ଷ ପୂର୍ବରୁ ଏହି ସରୋବର ପାଖରେ ଥିବା ଏକ ସିମେଣ୍ଟ କାରଖାନା ବୋରୱେଲରୁ ପାଣି କାଢ଼ିବା ଯୋଗୁଁ ସରୋବର ଧୀରେ ଧୀରେ ଶୁଖିବା ଆରମ୍ଭ କରିଥିଲା | ସିନ୍ଧରେ ଥିବା ହିନ୍ଦୁ ଏନେଇ ପାକିସ୍ତାନ ସୁପ୍ରିମକୋର୍ଟରେ ଏକ ଆବେଦନ କରିଥିଲେ | ଆବେଦନ ପରେ ପାକିସ୍ତାନ ସୁପ୍ରିମକୋର୍ଟ ସରୋବରକୁ ଠିକ କରିବା ପାଇଁ ନିର୍ଦେଶ ଦେଇଥିଲେ | ଏହାଛଡା କାରଖାନା ଉପରେ ୧୦ କୋଟି ଟଙ୍କାର ଜୋରିମାନା ଲଗାଇଥିଲେ ସୁପ୍ରିମକୋର୍ଟ | 

ଏହି ମନ୍ଦିରକୁ ଯିବା ପାଇଁ ଭାରତର ୧୪୧ ଶ୍ରଦ୍ଧାଳୁ ଭିସା ପାଇଁ ଆବେଦନ କରିଥିଲେ | କିନ୍ତୁ ପୁଲୱାମା ହମଲା ପରେ ସେହି ମନ୍ଦିରକୁ ଯିବେ ନାହିଁ ବୋଲି ନିଷ୍ପତ୍ତି ନେଇଥିଲେ | ସିନ୍ଧର କିଛି ହିନ୍ଦୁ ପରିବାର ଆଜି ଏଠାରେ ଜଳାଭିଷେକ କରିବେ | ଇଣ୍ଡୋ-ପାକ୍‌ ପ୍ରୋଟୋକଲ ୧୯୭୨ ଅନୁସାରେ, ପ୍ରତିବର୍ଷ ୨୦୦ ଭାରତୀୟ କଟାସରାଜ ଯାଇପାରିବେ |

ପତ୍ନୀ ସତୀଙ୍କ ମୃତ୍ୟୁ ପରେ ଭଗବାନ ଶିବ ପ୍ରଚଣ୍ଡ ରୂପ ଧାରଣ କରିଥିଲେ |ଶିବଙ୍କ ନୟନରୁ ଲୋତକ ବା ଲୁହ ବହିବାରେ ଲାଗିଥିଲା । ଏହି ଲୁହରେ ଏକ ବଡ ନଦୀ ସୃଷ୍ଟି ହୋଇଯାଇଥିଲା | ଏହି ନଦୀରୁ ୨ଟି ସରୋବର ହୋଇଥିଲା ବୋଲି ବିଶ୍ୱାସ ରହିଛି | ଏହି ଦୁଇ ସରୋବର ହେଲା କଟାସରାଜ ଏବଂ ପୁଷ୍କର | ଦେଶ ବିଭାଜନ ବେଳେ କଟାସରାଜ ପାକିସ୍ତାନରେ ରହିଗଲା ଏବଂ ପୁଷ୍କର ଭାରତରେ ରହିଗଲା | ବନବାସ ବେଳେ ପଞ୍ଚୁ ପାଣ୍ଡଵ ଏଠାରେ କିଛି ସମୟ ଅତିବାହିତ କରିଥିଲେ ବୋଲି ବିଶ୍ୱାସ କରାଯାଏ |

   Related Posts