Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ତିନି ସପ୍ତାହରେ ୨୦ ଥର ବଢିଲା, ତା ପରେ ତୈଳ ଦରରେ ଲାଗିଲା ବ୍ରେକ୍‌ : ରବିବାର ସାରା ଦେଶର ପେଟ୍ରୋଲ-ଡିଜେଲ ଦାମ୍ ସ୍ଥିର

28/06/2020 at 10:13 AM

ନୂଆଦିଲ୍ଲୀ ୨୮।୦୬: ଲଗାତର ୨୦ଦିନ ଧରି ପେଟ୍ରୋଲ ଓ ଡିଜେଲ୍‌ ଦର ବଢିବାରେ ଲାଗିଥିଲା । କିନ୍ତୁ ଆଜି ଏହି ଚଢାଦରରେ ବ୍ରେକ୍‌ ଲାଗିଛି । ତୈଳ ବିତରଣ କମ୍ପାନୀଙ୍କ ପକ୍ଷରୁ ରବିବାର ଦିନ ତୈଳ ଦାମ୍‌ରେ କୌଣସି ପରିବର୍ତ୍ତନ କରାଯାଇନାହିଁ । ୨୧ ଦିନ ପରେ ପେଟ୍ରୋଲ ଓ ଡିଜେଲ୍‌ ଦର ସ୍ଥିର ରହିଛି । ଯାହାଫଳରେ ସାଧାରଣଲୋକଙ୍କୁ କିଛିଟା ଆଶ୍ୱସ୍ତି ମିଳିଛି । ତିନି ସପ୍ତାହରେ ଏହା ଦ୍ୱିତୀୟ ଥର ପାଇଁ ପେଟ୍ରୋଲ ଦାମ୍‌ରେ ସ୍ଥିରତା ରହିଛି । ଏହି ସମୟରେ ଦେଶର ରାଜଧାନୀ ଦିଲ୍ଲୀରେ ଡିଜେଲ୍‌ ଦାମ୍‌ ଲିଟର ପିଛା ୧୧.୦୧ ଟଙ୍କା ମହଙ୍ଗା ହୋଇଥିବା ବେଳେ ପେଟ୍ରୋଲ ଦାମ୍‌ ୯.୧୨ଟଙ୍କା ପ୍ରତି ଲିଟର ମହଙ୍ଗା ହୋଇସାରିଛି ।

ଇଣ୍ଡିଆନ୍‌ ଅଏଲର ଓ୍ୱେବସାଇଟ୍‌ ଅନୁସାରେ, ଦିଲ୍ଲୀ, କୋଲକାତା, ମୁମ୍ବାଇ ଓ ଚେନ୍ନାଇରେ ପେଟ୍ରୋଲ ଦାମ୍‌ରେ କୌଣସି ପରିବର୍ତ୍ତନ କରାଯାଇନାହିଁ । ଯଥାକ୍ରମେ ୮୦.୩୮, ୮୨.୦୫, ୮୭.୧୪ ଓ ୮୩.୫୯ ଟଙ୍କା ପ୍ରତି ଲିଟର ରହିଛି । ସେହିପରି ଡିଜେଲ୍‌ ଦାମ୍‌ ମଧ୍ୟ ଏହି ଚାରୋଟି ସହରେ ପୂର୍ବ ଅନୁସାରେ ସମାନ ରହିଛି । ଯେପରି ଯଥାକ୍ରମେ ୮୦.୪୦ଟଙ୍କା, ୭୫.୫୨ ଟଙ୍କା, ୭୮.୭୧ ଟଙ୍କା ଓ ୭୭.୬୧ ଟଙ୍କା  ପ୍ରତି ଲିଟର ରହିଛି ।

ଏହାପୂର୍ବରୁ ଶନିବାର ଦିନ ତୈଳ ବିତରଣ କମ୍ପାନୀମାନଙ୍କ ପକ୍ଷରୁ ପେଟ୍ରୋଲ ଦାମ୍‌ ଦିଲ୍ଲୀରେ ୨୫ ପଇସା, କୋଲକାତା ଓ ମୁମ୍ବାଇରେ ୨୩ ପଇସା, ଚେନ୍ନାଇରେ ୨୨ ପଇସା ପ୍ରତି ଲିଟର ବଢିଥିଲା । ସେହିପରି ଡିଜେଲ୍‌ ଦାମ୍‌ ଦିଲ୍ଲୀରେ ୨୧ ପଇସା, କୋଲକାତାରେ ୧୮ ପାଇସା, ମୁମ୍ବାଇରେ ୨୦ ପଇସା, ଚେନ୍ନାଇରେ ୧୭ ପଇସା ପ୍ରତି ଲିଟର ବଢିଥିଲା । କିନ୍ତୁ  ଆଜି ଏହା ସ୍ଥିର ରହିଛି ।

   Related Posts