Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ସରକାର କହୁଛନ୍ତି ରାଜ୍ୟରେ ବର୍ତ୍ତମାନ ବନ୍ୟା ସ୍ଥିତି ନାହିଁ, ହେଲେ ପୁରୀ, କଟକ ଓ ଖୋର୍ଦ୍ଧାର ବହୁ ଅଞ୍ଚଳ ଜଳମଗ୍ନ, ସେପଟେ ୪ଜିଲ୍ଲାର ବନ୍ୟା ପରିସ୍ଥିତି ସମୀକ୍ଷା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

17/08/2019 at 6:09 PM

ଭୁବନେଶ୍ବର୧୭|୮: ରାଜ୍ୟରେ ବର୍ତ୍ତମାନ ବନ୍ୟା ସ୍ଥିତି ନାହିଁ। କିନ୍ତୁ ହୀରାକୁଦରୁ ଛଡ଼ା ଯାଇଥିବା ବନ୍ୟା ଜଳ  ପ୍ରବାହିତ ହେବା ଯୋଗୁଁ ତଳିଆ ଅଞ୍ଚଳ ବୁଡ଼ିଲାଣି । ଏହାକୁ ନେଇ ଚିନ୍ତାରେ ସରକାର । ପୁରୀ, କଟକ ଏବଂ ଖୋର୍ଦ୍ଧା ଜିଲ୍ଲାର କେତେକ ଅଞ୍ଚଳ ଜଳମଗ୍ନ ହୋଇଥିବା ​‌ବେଳେ ଯୋଗାଯୋଗ ବିଛିନ୍ନ ହୋଇଛି ।  ଏପଟେ ବନ୍ୟା ପ୍ରଭାବିତ ବଲାଙ୍ଗିର, ସୋନପୁର, ବୌଦ୍ଧ ଓ କଳାହାଣ୍ଡିର ବନ୍ୟାସ୍ଥିତିକୁ  ଆକାଶ ମାର୍ଗରୁ ଅନୁଧ୍ୟାନ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।…

ରାଜ୍ୟରେ ବଡ଼ ବନ୍ୟା ଆଶଙ୍କା ନାହିଁ। ମୁଣ୍ଡୁଳି ଓ ନରାଜରେ ପହଞ୍ଚି ସାରିଲାଣି ହୀରାକୁଦରୁ ଛଡାଯାଇଥିବା ବନ୍ୟାଜଳ । ଏବେ ମୁଣ୍ଡୁଳିରେ  ସାଢ଼େ ୫ହଜାର କ୍ୟୁସେକ ବନ୍ୟାଜଳ ପ୍ରବାହିତ ହେଉଥିବା ବେଳେ ବୁଡି ଗଲାଣି ଅନେକ ତଳିଆ ଅଞ୍ଚଳ । ଯୁଗ୍ମ ରିଲିଫ କମିଶନରଙ୍କ ସୂଚନା ଅନୁସାରେ ପୁରୀରେ ୪୦ ଜଣ, ଖୋର୍ଦ୍ଧାରେ ୪୮ଜଣ, କଟକରେ ୫୫୦ଲୋକଙ୍କୁ ରିଲିଫ କ୍ୟାମ୍ପରେ ରଖାଯାଇଛି ।  ଏପଟେ ଭାର୍ଗବୀ ନଦୀରେ ବନ୍ୟା ଜଳ ଆସି ପୁରୀ ସଦର ଅନ୍ତର୍ଗତ ବାଟ ଗାଁ ଓ ଉତ୍ତରକଣା ଗାଁ ଭିତରେ ଯୋଗଯୋଗ ବିଚ୍ଛିନ୍ନ ହୋଇଛି । ଉତ୍ତରକଣାର ୩ ଶହ ପରିବାର ଜଳବନ୍ଦୀ ଅବସ୍ଥାରେ ଅଛନ୍ତି । ଉତ୍ତରକଣା, ନୂଆଁଗାଁ , ବାଟଗାଁ, ସମଙ୍ଗ ଓ ତଳଜଙ୍ଗ ଗ୍ରାମବାସୀଙ୍କ  ଚାଷ ଜମିରେ ବନ୍ୟା ପାଣି ମାଡ଼ିଯାଇଛି। ଏପଟେ ରାଜୁଆ ନଦୀରେ ବନ୍ୟା ଜଳ ଆସି ଖୋର୍ଦ୍ଧା ବ୍ଲକର ଓରବରସିଂହ ଓ ନରଣଗଡ଼ ପଞ୍ଚାୟତରେ ଥିବା ୭୮ଟି ଗାଁରେ ବନ୍ୟା ପାଣି ପଶିଯାଇଛି ।…   

ଏପଟେ ବନ୍ୟା ପ୍ରଭାବିତ ୪ଟି ଜିଲ୍ଲାରେ ସ୍ଥିତି ପରିଖିଛନ୍ତି କେନ୍ଦ୍ରମନ୍ତ୍ରୀ  ଧର୍ମେନ୍ଦ୍ର ପ୍ରଧାନ।ହେଲିକପ୍‌ଟରରୁ ବଲାଙ୍ଗିର, କଳାହାଣ୍ଡି, ବୌଦ୍ଧ ଓ ସୋନପୁରର  ପ୍ରଭାବିତ ଅଞ୍ଚଳ ବୁଲି ଦେଖିଛନ୍ତି । କେନ୍ଦ୍ରମନ୍ତ୍ରୀ ବଲାଙ୍ଗୀରରେ ଓହ୍ଲାଇ ସିଧାସଳଖ ରୋଡ୍‌ ଯୋଗେ ବରପାଲି ପଡ଼ାକୁ ଯାଇ ବନ୍ୟାସ୍ଥତିକୁ ଅନୁଧ୍ୟାନ କରିବା ସହ ବନ୍ୟା ବିପନ୍ନଙ୍କୁ ଭେଟି ଆଲୋଚନା କରିଥିଲେ। ଏନଏଚଏମ ସମ୍ମିଳନୀ କକ୍ଷରେ ହୋଇଥିବା ସମୀକ୍ଷା ବୈଠକରେ ଯୋଗ ଦେଇଥିଲେ କେନ୍ଦ୍ରମନ୍ତ୍ରୀ । ସେହିପରି ବନ୍ୟାଞ୍ଚଳ କ୍ଷୟକ୍ଷତି ରିପୋର୍ଟ ରାଜ୍ୟ ସରକାରଙ୍କୁ ଦେବା ପରେ ରିପୋର୍ଟ ଅନୁସାରେ ସ୍ବତନ୍ତ୍ର ପ୍ୟାକେଜ ପାଇଁ ପ୍ରଧାନମନ୍ତ୍ରୀଙ୍କୁ  ଜଣାଇବେ । ଏହାସହ ଶିକ୍ଷା, ସ୍ବାସ୍ଥ୍ୟ ଓ ଗମନାଗମନକୁ ପ୍ରଥମିକତା ଦିଆଯାଇ ସ୍ବତନ୍ତ୍ର ମଡେଲ ପ୍ରସ୍ତୁତ କରି ପଦକ୍ଷେପ ନିଆଯିବ ବୋଲି କେନ୍ଦ୍ରମନ୍ତ୍ରୀ  ଧର୍ମେନ୍ଦ୍ର ପ୍ରଧାନ କହିଛନ୍ତି ।…  

ଏପଟେ ରାଜସ୍ବ ମନ୍ତ୍ରୀ କହିଛନ୍ତି ଯେ ବନ୍ୟାରେ ଲୋକଙ୍କୁ ଥଇଥାନ ଏବଂ ଖାଦ୍ୟ ଦେବା ପାଇଁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି । ବର୍ତ୍ତମାନ ସୁଦ୍ଧା ବଲାଙ୍ଗିରରେ ୫୬ଟି କ୍ୟାମ୍ପରେ ୧୯ହଜାର ଏବଂ ସୁବର୍ଣ୍ଣପୁରରେ ୨୪ଟି କ୍ୟାମ୍ପରେ ୩୯ ଶହ ଲୋକଙ୍କୁ ରନ୍ଧା ଖାଦ୍ୟ ଯୋଗାଇ ଦିଆଯାଉଛି ।…

ବଲାଙ୍ଗିର, କଳାହାଣ୍ଡି, ବୌଦ୍ଧ, ସୋନପୁର ଓ କନ୍ଧମାଳରେ ସ୍ଥିତି ଧିରେ ଧିରେ ସ୍ବଭାବିକ  ହେଉଥିବା ବେଳେ ହୀରାକୁଦରୁ ଛଡାଯାଇଥିବା ବନ୍ୟାଜଳ ଯୋଗୁ୍ଁ ତଳିଆ ଅଞ୍ଚଳ ବୁଡ଼ିବାରେ ଲାଗିଲାଣି ।ଯାହାକୁ ନେଇ ସରକାର ଚିନ୍ତାରେ ।

   Related Posts