Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଖାଇବା ପ୍ୟାକେଟ ପାର୍ସେଲରେ କରୋନା ସଂକ୍ରମଣ ହେବାର ଆଶଙ୍କା କେତେ ଅଧିକ – ସ୍ପଷ୍ଟ କଲା WHO

15/08/2020 at 2:18 PM

ବିଶ୍ବ ସ୍ବାସ୍ଥ୍ୟ ସଙ୍ଗଠନ(WHO)କହିଛି ଯେ ଖାଦ୍ୟ କିମ୍ବା ଖାଦ୍ୟ ପ୍ୟାକେଟରୁ କରୋନା ଭାଇରସ୍ ମିଳିବାର ପ୍ରମାଣ ମିଳିନାହିଁ। ସଙ୍ଗଠନ ଅପିଲ କରିଛି ଯେ ଲୋକେ ଖାଦ୍ୟଠୁ ସଂକ୍ରମିତ ହେବାକୁ ନେଇ ଡରିବାର ଆବଶ୍ୟକତା ନାହିଁ।

 WHO ର ଜରୁରୀକାଳୀନ କାର୍ଯ୍ୟକ୍ରମର ମୁଖ୍ୟ କହିଛନ୍ତି ଯେ ଲୋକେ ଖାଇବା ଡେଲିଭରି କିମ୍ବା ପ୍ରୋସେସ ଫୁଡ ପ୍ୟାକେଟ ଉପଯୋଗ କରିବାକୁ ନେଇ ଡରିବାର ଆବଶ୍ୟକତା ନାହିଁ। ସେହିପରି WHOର ମହାମାରୀ ବିଶେଷଜ୍ଞ କହିଛନ୍ତି ଯେ ଚୀନ ଲକ୍ଷ ଲକ୍ଷ ପ୍ୟାକେଟର ଯାଞ୍ଚ କରିଛି ଏବଂ ବହୁତ କମ୍ ଅର୍ଥାତ୍ ୧୦ରୁ କମ୍ ପଜିଟିଭ ମାମଲା ଆସିଛି।

ଚୀନର କହିବା ଅନୁସାରେ ତା’ର ଦୁଇଟି ସହରରେ ବ୍ରାଜିଲରୁ ଚାଲାଣ କରାଯାଉଥିବା ଫ୍ରୋଜେନ ଚିକେନର ଯେତେବେଳେ ଯାଞ୍ଚ କରାଯାଇଥିଲା ସେତେବେଳେ ଭାଇରସ୍ ବିଷୟରେ ଜଣା ପଡ଼ିଥିଲା। ଏହା ବ୍ୟତୀତ ଆସିଥିବା ଖାଦ୍ୟ ସାମଗ୍ରୀର ପ୍ୟାକେଟରେ ମଧ୍ୟ ଭାଇରସ୍ ମିଳିଥିଲା।

 ଏହା ପୂର୍ବରୁ ଦେଶବ୍ୟାପି ବିଶେଷଜ୍ଞ କହିଥିଲେ ଯେ କରୋନା ଭାଇରସ୍ ପବନରେ ମଧ୍ୟ ରହିପାରେ। ପରେ WHO ଏହା ମାନିଥିଲା।

 

  

 

   Related Posts