Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||
  • ରାଜ୍ୟର ୪ ବରିଷ୍ଠ ଆଇଏଏସଙ୍କୁ ପ୍ରମୋସନ, ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାକୁ ପଦୋନ୍ନତି
  • ||
  • କୋଟିଆରେ ହେବ ପଞ୍ଚାୟତ ନିର୍ବାଚନ, ୧୩ଟି ବୁଥରେ ମତଦାନ
  • ||

ଡାକ୍ତର ନାହାନ୍ତି, ଫାର୍ମାସିଷ୍ଟ ଓ ଝାଡୁଦାରଙ୍କ ଭରସାରେ ଚାଲିଛି ସ୍ବାସ୍ଥ୍ୟକେନ୍ଦ୍ର : ବର୍ଷେ ହେଲାଣି ଲୋକେ ହନ୍ତସନ୍ତ

11/02/2020 at 12:53 PM

ଲମତାପୁଟ ୧୧।୨: କୋରାପୁଟ ଜିଲ୍ଲା ଲମତାପୁଟ ବ୍ଲକ୍ ଅରାବିର ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଚଳାଉଛନ୍ତି  ଫାର୍ମାସିଷ୍ଟ  ଏବଂ ଝାଡୁଦାର । ବର୍ଷେ ବିତିଲାଣି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ନାହାନ୍ତି । ଫାର୍ମାସିଷ୍ଟ ଜଣଙ୍କ ଡାକ୍ତରଙ୍କ ସବୁ କାର୍ଯ୍ୟ କରୁଛନ୍ତି । ରୋଗୀଙ୍କ ରକ୍ତ ପରୀକ୍ଷା, ରୋଗୀଙ୍କୁ ଇଞ୍ଜେକସନ ଦେବା, ସାଲାଇନ ଦେବା ସବୁ ପ୍ରକାର ସ୍ବାସ୍ଥ୍ୟସେବା ଯୋଗାଇ ଆସୁଛନ୍ତି ।  

ଦିନକୁ ପ୍ରାୟ ୨୫ରୁ ଅଧିକ ରୋଗୀ ଏହି ସ୍ବାସ୍ଥ୍ୟକେନ୍ଦ୍ରକୁ ଚିକତ୍ସା ପାଇଁ ଆସିଥାନ୍ତି । ଫାର୍ମାସିଷ୍ଟଙ୍କୁ ସହାୟତା କରିବା ପାଇଁ  ଜଣେ ଝାଡୁଦାର ଅଛନ୍ତି । ଦୁଇ ଜଣ ମିଶି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ଚଳାଇ ଆସୁଛନ୍ତି ।  ଗୁରୁତର ରୋଗୀ, ପ୍ରସୂତୀ ଆସିଲେ ସଙ୍ଗେ ସଙ୍ଗେ ଲମତାପୁଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତରିତ କରିଦେଉଛନ୍ତି । ଏହି ସ୍ବାସ୍ଥ୍ୟକେନ୍ଦ୍ର ଉପରେ ୩୦ରୁ ଅଧିକ ଗ୍ରାମର ଲୋକେ ନିର୍ଭର କରିଥାନ୍ତି ।

ଫାର୍ମାସିଷ୍ଟଙ୍କୁ ପଚାରିବାରୁ ସେ କହିଥିଲେ ପୂର୍ବରୁ ଡାକ୍ତର ସତ୍ୟାନନ୍ଦ ନାୟକ ଏଠାରେ ଥିଲେ । ସେ ପିଜି ପଢିବା ପାଇଁ ପଳାଇଗଲେ । ଦୁଇ ମାସ ତଳେ ଡାକ୍ତର ଆଦିତ୍ୟ ପ୍ରସାଦ ମହାନ୍ତି ଆସିଥିଲେ। ସପ୍ତାହ ସ୍ବାସ୍ଥ୍ୟକେନ୍ଦ୍ରକୁ ଆସିବା ପରେ ସେ ଡେପୁଟେସନରେ କୋରାପୁଟକୁ ଚାଲିଯାଇଥିବା ସୂଚନା ମିଳୁଥିବା ଫାର୍ମାସିଷ୍ଟ ଜଣଙ୍କ କହିଛନ୍ତି। ତାପରଠାରୁ କେହି ଡାକ୍ତର ଆସିନାହାନ୍ତି ବୋଲି ସେ କହିଛନ୍ତି ।

ଅନ୍ୟପଟେ ଅଞ୍ଚଳବାସୀଙ୍କ କହିବା ଅନୁସାରେ ୩୦ରୁ ଅଧିକ ଗ୍ରାମର ଲୋକଙ୍କ ସହ ବିଭିନ୍ନ ସରକାରୀ ଛାତ୍ରାବାସ ଏହି ସ୍ବାସ୍ଥ୍ୟକେନ୍ଦ୍ର ଉପରେ ନିର୍ଭର କରିଥାନ୍ତି । କିନ୍ତୁ ଡାକ୍ତର ନଥିବାରୁ ରୋଗୀଙ୍କ ସ୍ବାସ୍ଥ୍ୟାବସ୍ଥା ବିଗିଡିଲେ ବାଧ୍ୟ ହୋଇ ୧୨ କିଲୋମିଟର ଲମତାପୁଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଯିବାକୁ ପଡୁଥିବା କହିଛନ୍ତି । ତେଣୁ ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରିଛନ୍ତି ।

ଉପାନ୍ତ ଏବଂ ମାଓ ପ୍ରଭାବିତ ଅଞ୍ଚଳକୁ ଯେଉଁ ଡାକ୍ତର ଆସନ୍ତି ସେହି ଡାକ୍ତରଙ୍କ ପାଇଁ ସ୍ଵତନ୍ତ୍ର ଦରମାର ବ୍ୟବସ୍ଥା ରହିଛି। ଯଦି ଡାକ୍ତର ଜଣଙ୍କ ୬୦ହଜାର ଦରମା ପାଇବା କଥା ସେ ଏହି ଉପାନ୍ତ ଅଞ୍ଚଳକୁ ଆସିଲେ ଭି-୪ରେ ଏକ ଲକ୍ଷ ଟଙ୍କା ପାଇବେ । କିନ୍ତୁ ଏଠାରେ ପ୍ରଶ୍ନ ଉଠୁଛି ଯେଉଁ ଡାକ୍ତର ଏଠାକୁ ଆସିଥିଲେ ସେ ଦରମା ପାଇବେ ଏକ ଲକ୍ଷ କିନ୍ତୁ କାମ କରିବେ କୋରାପୁଟ ମେଡିକାଲ କଲେଜରେ ।  ତେଣୁ ଡେପୁଟେସନରେ ଯାଇଥିବା ଡାକ୍ତରଙ୍କୁ ପୁଣି ଥରେ ଅରାବିର ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ଫେରାଇ ଆଣିବା ଜରୁରୀ ହୋଇପଡିଛି ।

   Related Posts