Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କୋଭାକ୍ସିନକୁ ଜରୁରୀକାଳିନ ବ୍ୟବହାର ପାଇଁ ମନା କଲା ଆମେରିକା, ବାୟୋଲୋଜିକାଲ ଲାଇସେନ୍ସ ପଦ୍ଧତିରେ ଆବେଦନ ପାଇଁ ଦେଲା ପରାମର୍ଶ

12/06/2021 at 10:30 AM

ନୂଆଦିଲ୍ଲୀ,୧୨/୦୬:  ଭାରତୀୟ ଭାକସିନ୍ ନିର୍ମାତା ଭାରତ ବାୟୋଟେକକୁ ଆମେରିକାରେ ଟିକାର ଜରୁରୀକାଳିନ ବ୍ୟବହାର ପାଇଁ ଆଉ କିଛି ଦିନ ଅପେକ୍ଷା କରିବାକୁ ହେବ । ଆମେରିକା ଏବେ କୋଭାକ୍ସିନର ଜରୁରୀକାଳିନ ବ୍ୟବହାର ନକରିବାକୁ ନିଷ୍ପତ୍ତି ନେଇଛି । ୟୁଏସ୍ ଫୁଡ୍ ଓ ଆଡମିନିଷ୍ଟ୍ରେସନ୍ ଅର୍ଥାତ ଏଫଡିଏ ଭାରତ ବାୟୋଟେକର କୋଭାକ୍ସିନ୍ ଟିକାକୁ ଜରୁରୀକାଳିନ ବ୍ୟବହାର ଆବେଦନକୁ ଖାରଜ କରିଦେଇଛି । ସୂଚନାଯୋଗ୍ୟ, ନିକଟରେ ଭାରତ ବାୟୋଟେକ୍ ବିଭିନ୍ନ ଦସ୍ତାବିଜକୁ ଏଫଡିଏ ନିକଟରୁ ପଠାଇବା ସହ ଜରୁରୀକାଳିନ ବ୍ୟବହାର ପାଇଁ ଅନୁମତି ମାଗିଥିଲା ।

କୋଭାକ୍ସିନର ଆମେରିକୀୟ ଅଂଶିଦାର ଆକ୍ୟୁଜେନ୍ କହିଛି ଯେ.କମ୍ପାନୀ ଆମେରିକାରେ କୋଭାକ୍ସିନର ବ୍ୟବହାର ପାଇଁ ପୁଣିଥରେ ଆବେଦନ ହେବ । କାରଣ ସରକାର କମ୍ପାନୀକୁ ଅତିରିକ୍ତ ପରୀକ୍ଷଣ ଆରମ୍ଭ କରିବାକୁ କହୁଛନ୍ତି । କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶଙ୍କର ମୁସୁନିରି କହିଛନ୍ତି ଯେ, ଆବେଦନକୁ ମଞ୍ଜୁରୀ ମିଳିବାକୁ ବିଳମ୍ବ ହେଲେ ମଧ୍ୟ କୋଭାକ୍ସିନକୁ ଆମେରିକା ଆଣିବା ପାଇଁ ସେ ପ୍ରତିବଦ୍ଧ ଅଛନ୍ତି ।

ଆକ୍ୟୁଜେନ୍ ଏଫଡିଏ ନିକଟକୁ ସମୀକ୍ଷା ପାଇଁ ପ୍ରୋକ୍ଲିନିକାଲ, ଅଧ୍ୟୟନ, ରସାୟନ, ବିନିର୍ମାଣ ଓ ନିୟନ୍ତ୍ରଣର ଫଳାଫଳର ଫାଇଲ୍ ପଠାଇଥିଲା । ଭାରତ ବାୟୋଟେକ୍ ଏବେସୁଦ୍ଧା ଫେଜ୍ ୩ ଟ୍ରାଏଲରର ତଥ୍ୟ ପ୍ରଦାନ କରିନାହିଁ । ୟାହାକୁ ନେଇ ବିତର୍କ ମଧ୍ୟ ହୋଇଛି । ଏପରିକି ବିବାଦ ମଧ୍ୟ ଦେଖାଦେଇଛି ।

ସୂଚନାଯୋଗ୍ୟ, ଆକ୍ୟୁଜେନ୍ ଆମେରିକାର ଏକ ବାୟୋଫାର୍ମା କମ୍ପାନୀ ଅଟେ । ଯିଏ କି ହାଇଦ୍ରାବାଦ ସ୍ଥିତ ଭାରତ ବାୟୋଟେକ୍ ସହ କୋଭାକ୍ସିନ୍ ପ୍ରସ୍ତୁତ କରିବା କାମ କରୁଛି । ଆକ୍ୟୁଜେନ୍ ନିକଟରେ କାନାଡାରେ ଭାକସିନ୍ ବିକ୍ରି କରିବାକୁ ସ୍ୱତନ୍ତ୍ର ଅଧିକାର ପ୍ରାପ୍ତ କରିଥିଲା । ଯଦି ଆମେରିକା ଭବିଷ୍ୟତରେ କୋଭାକ୍ସିନର ବ୍ୟବହାର ପାଇଁ ଅନୁମତି ପ୍ରଦାନ କରେ ତେବେ ଏହା ଭାରତ ପାଇଁ ଏକ ବଡ ଉପଲବ୍ଧି ହେବ ।

   Related Posts