ଗଜପତି ୨୧।୧୧: ଗଜପତି ଜିଲ୍ଲାରେ ୨୪ ଘଣ୍ଟା ମଧ୍ୟରେ କରୋନା ଅକ୍ରାନ୍ତଙ୍କ ରିପୋର୍ଟ ଶୂନ ଆସିଛି । ଗଜପତି ଜିଲ୍ଲାପାଳ ଅନୁପମ ସାହା ଏହି ସୂଚନା ଦେଇଛନ୍ତି । ୨୪ଘଣ୍ଟାରେ ମୋଟ୍ ୮୫୨ ର୍ୟାପିଡ଼ ଏଣ୍ଟିଜେନ ଟେଷ୍ଟ କରାଯାଇଥିଲା । ସେଥିମଧ୍ୟରୁ ଗୋଟିଏ ରିପୋର୍ଟ ମଧ୍ୟ ପଜିଟିଭ୍ ଆସିନାହିଁ । ପ୍ରଥମ ଥର ପାଇଁ ଗଜପତି ଜିଲ୍ଲାରେ ଏଭଳି ଶୂନ ରିପୋର୍ଟ ଆସିଥିବା ଦେଖିବାକୁ ମିଳିଛି ।
ଜିଲ୍ଲାପାଳଙ୍କ ସୂଚନା ଅନୁସାରେ ଜିଲ୍ଲାବାସୀଙ୍କୁ କିଛିଟା ଆସ୍ବସ୍ତି ମିଳିଛି । ଆଗକୁ ଦ୍ଵିତୀୟ ପର୍ଯ୍ୟାୟ କରୋନା ସଂକ୍ରମଣ ହେବାର ସମ୍ଭାବନା ରହିଥିବାରୁ କୌଣସି ପ୍ରକାର ବେଖାତର ନ ହୋଇ ସରକାରଙ୍କ ଗାଇଡ଼ ଲାଇନ ଅନୁସାରେ ମାସ୍କ ପିନ୍ଧିବା, ହାତ ଧୋଇବା, ସାମାଜିକ ଦୂରତ୍ବ ଉପରେ ଗୁରୁତ୍ବ ଦେବାପାଇଁ ଜିଲ୍ଲାପାଳ ଜିଲ୍ଲାବାସୀଙ୍କୁ ଅନୁରୋଧ କରିଛନ୍ତି।