Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

ଭାରତରେ କମ୍ୟୁନିଟୀ ଟ୍ରାନ୍ସମିଶନର ବିପଦ ନାହିଁ, ସ୍ପଷ୍ଟ କଲା ବିଶ୍ୱ ସ୍ୱାସ୍ଥ୍ୟ ସଙ୍ଗଠନ

10/04/2020 at 4:04 PM

ନୂଆଦିଲ୍ଲୀ, ୧୦|୦୪:  ଭାରତରେ କରୋନା ଭାଇରସ ଆତଙ୍କ ସୃଷ୍ଟି କରିବାରେ ଲାଗିଛି । ଏହା କମ୍ୟୁନିଟୀ ଟ୍ରାନ୍ସମିଶନ ବା ଗୋଷ୍ଠୀ ସଂକ୍ରମଣର ଆଡେ ଗତି କରୁଛି ବୋଲି ମଧ୍ୟ କୁହାଯାଉଛି । ତେବେ ଭାରତରେ ଏହି ଭୟ ନାହିଁ ବୋଲି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ସ୍ପଷ୍ଟ କରିଛି। ସଙ୍ଗଠନ ପୂର୍ବରୁ ଯେଉଁ ରିପୋର୍ଟ ପ୍ରସ୍ତୁତ କରିଥିଲା, ସେଥିରେ ସାମାନ୍ୟ ଭୁଲ ଥିଲା ଓ ଦେଶରେ କମ୍ୟୁନିଟୀ ଟ୍ରାନ୍ସମିଶନର ଆଶଙ୍କା ରହିଥିବା ଦର୍ଶାଯାଇଥିଲା । ଏବେ କିନ୍ତୁ ଏପରି କିଛି ଆଶଙ୍କା ନଥିବା ସଙ୍ଗଠନ ସ୍ପଷ୍ଟ ଭାବେ କହିଛି ।

ବିଶ୍ୱ ସ୍ୱାସ୍ଥ୍ୟ ସଙ୍ଗଠନ କହିଛି ଯେ, ଭାରତର କିଛି ସ୍ଥାନରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି । ଯାହାକୁ କ୍ଲଷ୍ଟର କେସ୍ କୁହାଯାଏ । ରିପୋର୍ଟରେ ଭୁଲରେ କମ୍ୟୁନିଟୀ ଟ୍ରାନ୍ସମିଶନ ବାବଦରେ କୁହାଯାଇଥିଲା । ଯେଉଁଥିରେ ଭାରତରେ କରୋନା ଭାଇରସକୁ ନେଇ ଭୟ ସୃଷ୍ଟି ହୋଇଥିଲା । ଏହାପରେ ସରକାର ଏହି ରିପୋର୍ଟକୁ ବିରୋଧ କରିବା ସହ ଦେଶ ତୃତୀୟ ପର୍ଯ୍ୟାୟରେ ପହଁଚି ନଥିବା କହିଥିଲେ ।

ସ୍ୱାସ୍ଥ୍ୟ ମନ୍ତ୍ରାଳୟ ଅନୁସାରେ, ଭାରତରେ କରୋନା ଭାଇରସର ୬୪୧୨ଟି ମାମଲା ରହିଛି । ୧୯୯ଜଣ ପ୍ରାଣ ହରାଇଛନ୍ତି । ଗତ ୨୪ ଘଣ୍ଟାରେ ୩୩ଜଣ ପ୍ରାଣ ହରାଇଛନ୍ତି । ୨୧ ଦିନିଆ ଲକଡାଉନ ପାଇଁ ଏହି ଭାଇରସ ଦେଶରେ ଦ୍ରୁତ ଗତିରେ ବ୍ୟାପିନାହିଁ ବୋଲି ବିଶେଷଜ୍ଞମାନେ ମତ ଦେଉଛନ୍ତି ।

ଏପରିକି ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ହର୍ଷବର୍ଧନ କହିଥିଲେ ଯେ, ଦେଶରେ ପ୍ରାୟ ୬୦୦ ଜିଲ୍ଲାରୁ ୪୦୦ଟି ଜିଲ୍ଲାରେ କରୋନା ପହଁଚି ନାହିଁ । ତେଣୁ କମ୍ୟୁନିଟୀ ଟ୍ରାନ୍ସମିଶନର ବିପଦ ନାହିଁ । ୧୩୩ଟି ଜିଲ୍ଲାକୁ ହଟସ୍ପଟ୍ କରାଯାଇଛି । ଏହା ଉପରେ ସ୍ୱତନ୍ତ୍ର ନଜର ରଖାଯାଉଛି ବୋଲି ସେ କହିଥିଲେ ।

   Related Posts