Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

୫୦ ଘଣ୍ଟା ପରେ ବି ମିଳୁନି ଆଇଏଏଫ୍ ବିମାନ ଏଏନ୍-୩୨ର ସନ୍ଧାନ, ଚିନ୍ତାରେ ଯାତ୍ରୀ ଓ ଚାଳକଦଳ ସଦସ୍ୟଙ୍କ ପରିବାର

5/06/2019 at 5:23 PM

ନୂଆଦିଲ୍ଲୀ ୫।୬:   ଜୋରହଟରୁ ମେଚୁକା ଯାଇଥିବା ବାୟୁସେନା ବିମାନ ଏଏନ-୩୨ର ଏପର୍ଯ୍ୟନ୍ତ କୌଣସି ସନ୍ଧାନ ମିଳିପାରିନାହିଁ । ବିମାନ ନିଖୋଜ ହେବାର ପ୍ରାଯ ୫୦ ଘଣ୍ଟା ବିତିଥିବା ବେଳେ ବିମାନରେ ଯାତ୍ରାକରୁଥିବା ୫ ଯାତ୍ରୀ ଓ ୮ ଚାଳକଦଳ ସଦସ୍ୟଙ୍କ ପରିବାରଚିନ୍ତାରେ ପଡିଯାଇଛନ୍ତି।  ସୋମବାର ମଧ୍ୟାହ୍ନ ପ୍ରାୟ ଗୋଟାଏ ବେଳେ ଜୋରହଟ ବିମାନଘାଟି ସହ ସମ୍ପର୍କ ବିଛିନ୍ନ ହୋଇଥିଲା। ତା ପରଠାରୁ ବିମାନର ସନ୍ଧାନ ମିଳିପାରୁନଥିବା ବେଳେ ଖରାପ ପାଗ ଯୋଗୁ ସର୍ଚ୍ଚ ଅପରେସନରେ ମଧ୍ୟ ବାଧା ଉପୁଜୁଛି। ଯାହା ଏବେ ବିମାନରେଯାତ୍ରା କରୁଥିବା ସମସ୍ତ ୧୩ଜଣ ଯାତ୍ରୀଙ୍କ ପରିବାରକୁ  ଚିନ୍ତାରେ ପକାଇଛି। 

ବିମାନ ନିଖୋଜ ହୋଇଥିବା ବେଳେ ଚାଳକଦଳ ସଦସ୍ୟଙ୍କ ମଧ୍ୟରେ ଥିବା ୨୯ ବର୍ଷିୟ ପାଇଲଟ ଆଶିଷ ତମ୍ବରଙ୍କର ମଧ୍ୟ କୌଣସି ସୂଚନା ମିଳୁନାହିଁ। ବିମାନ ସହ ଆଶିଷ ନିଖୋଜ ହେବା ନେଇ ସୂଚନା ମିଳିବା ପରଠାରୁ ପୁରା ପରିବାର ଆତଙ୍କିତ ହୋଇପଡିଥିବା ତାଙ୍କ କାକା ଉଦୟବୀର କହିଛନ୍ତି। ବିମାନ ନିଖୋଜ ନେଇ ମଙ୍ଗଳବାର ଅପରାହ୍ନରେ ପ୍ରଥମ ସୂଚନା ଆଶିଷଙ୍କ ପତ୍ନୀ ସନ୍ଧ୍ୟାଙ୍କୁ ଦିଆଯାଇଥିଲା। ସନ୍ଧ୍ୟା ବାୟୁସେନାରେ ରାଡାର ଅପରେଟର ଭାବେ ଅବସ୍ଥାପିତ ଅଛନ୍ତି। ବି.ଟେକ୍ ଛାତ୍ର ଆଶିଷ ୨୦୧୩ରେ ବାୟୁସେନାରେ ଯୋଗଦେଇଥିଲେ। କମିଶନ ପାଇବାପରେ ୨୦୧୫ ମେ ମାସରୁ ପାଇଲଟ ଭାବେ କାର୍ଯ୍ୟ କରୁଛନ୍ତି।

ଆଶିଷଙ୍କ ଏହି ବିମାନରେ କାନପୁର ବିହ୍ଲୋରର ୱାରେଣ୍ଟ ଅଫିସର କିପଲ କୁମାର ମିଶ୍ର ମଧ୍ୟ ଯାତ୍ରା କରୁଥିଲେ। ତେବେ ବିମାନ ନିଖୋଜ ସୂଚନା ମିଳିବା ପରଠାରୁ ଜୋରହଟରେ ରହୁଥିବା ଏହି ସେନା ଅଧିକାରୀଙ୍କ ପରିବାରର ଅବସ୍ଥା ସୋଚନୀୟ ହୋଇପଡିଛି । ତାଙ୍କପତ୍ନୀ ଉଷା ଓ ଝିଅ ସ୍ନେହା ବାରମ୍ବାର ବେହୋସ ହେଉଥିବାରୁ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।  

ସେହିପରି ବିମାନକୁ ଚଳାଉଥିବା ଫ୍ଲାଇଂ ଲେଫ୍ଟନାଣ୍ଟ ମୋହିତ ଗର୍ଗଙ୍କ ପାରିବାରିକ ଅବସ୍ଥା ମଧ୍ୟ ଅସମ୍ଭାଳ ଥିବା ତାଙ୍କ କାକା ପ୍ରେମପାଲ କହିଛନ୍ତି। ମୋହିତ ଓ ତାଙ୍କ ବିମାନର କୁଶଳ କାମନା କରୁଛନ୍ତି ତାଙ୍କ ପରିବାର।ତେବେ ଗ୍ରାଉଣ୍ଡ କଣ୍ଟ୍ରୋଲ ବିଛିନ୍ନ ହେବା ପୂର୍ବରୁ ବିମାନ  ଚୀନ ସୀମା ନିଟବର୍ତ୍ତି ଅଋଣାଚଳର ପଶ୍ଚିମ ସିଆଙ୍ଗ ଜିଲ୍ଲା ଆକାଶରେ ଉଡୁଥିଲା ବୋଲି  କୁହାଯାଉଛି। ତେବେ ଏପର୍ଯ୍ୟନ୍ତ ବିମାନର କୌଣସି ସୂଚନା ମିଳି ନପାରିବା ପାରିବାର ଲୋକଙ୍କ ସମେତ ବାୟୁସେନାର ଚିନ୍ତା ମଧ୍ୟ ବଢାଇଦେଇଛି।

   Related Posts