Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୭୦ କୋଭିଡ୍ ପଜିଟିଭ୍, ୩୩୭୭୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆପଡ଼ା : ହଳଦି ଗାଁରେ ପୁଣି ଥରେ ବାଘ ଆତଙ୍କ, ଭୟରେ ଗ୍ରାମବାସୀ
  • ||
  • ପାକିସ୍ତାନରେ ହିନ୍ଦୁ ପରିବାରର ୫ ସଦସ୍ୟଙ୍କୁ ହତ୍ୟା ! ସନ୍ଦେହଜନକ ଅବସ୍ଥାରେ ମିଳିଲା ମୃତଦେହ
  • ||
  • ମୋହନା : ଅନ୍ଧବିଶ୍ୱାସର ଭୟଙ୍କର ରୂପ, ସୁସ୍ଥ ରହିବା ପାଇଁ ଏବେବି ଶିଶୁଙ୍କୁ ଦିଆଯାଉଛି ଚେଙ୍କ
  • ||
  • ଭିସୁଟର ୪୦ ଛାତ୍ର କୋଭିଡ୍ ପଜିଟିଭ୍ ମାମଲା : କମ୍ପାନୀର ଦାବି-‘ଆଣ୍ଟିଜେନ୍ କିଟରେ ତ୍ରୁଟି ନଥିଲା’
  • ||
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||

ମିଳିଲାନି ମହାପ୍ରୟାଣ ଗାଡି, ଶୁଣିଲାନି ପ୍ରଶାସନ, ପୁଣି ବାଇକରେ ବୁହା ହେଲା ଶବ

16/01/2021 at 5:10 PM

ଭଞ୍ଜନଗର ୧୬।୦୧: ଆମ୍ବୁଲାନ୍ସ ନମିଳିବାରୁ ଶବକୁ ଖଟିଆରେ, କାନ୍ଧରେ, ରିକ୍ସାରେ ଏବଂ ବାଇକ୍‌ରେ ବହି ନିଆଯିବା ଘଟଣା ରାଜ୍ୟରେ ଅନେକ ଥର ଦେଖିବାକୁ ମିଳିଛି। ଏହା ସତ୍ଵେ ବି ଚେତୁନି ପ୍ରଶାସନ। ଏହି ସଂପର୍କରେ ଅନେକ ଖବର ସାମ୍ନାକୁ ଆସିଥିଲେ ମଧ୍ୟ ସ୍ଵାସ୍ଥ୍ୟବସ୍ଥାର ବାସ୍ଥବ ସ୍ଥିତିରେ କୌଣସି ପରିବର୍ତ୍ତନ ଘଟୁନି। ପୁଣି ଥରେ ଏହି ଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି  ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଗାଁରେ। ମହାପ୍ରୟାଣ ଗାଡି ନ ମିଳିବାରୁ ଶବକୁ ବାଇକରେ ବସାଇ ଘରକୁ ନେଲେ ପରିବାର ଲୋକେ।

ସୂଚନା ଅନୁଯାୟୀ ଆଜି ସକାଳୁ ଜିରାବାଡ଼ି ଗ୍ରାମର ନୀଳ ମାଧବ ପ୍ରଧାନ ଚାହା ପିଇବା ପାଇଁ ବଜାରକୁ ଆସିଥିଲେ । ତେବେ ହଠାତ୍ ଛାତିରେ ଯନ୍ତ୍ରଣା ହେବାରୁ ତଳେ ପଡି ଯାଇଥିଲେ। ସ୍ଥାନୀୟ ଲୋକେ ଉଦ୍ଧାର କରି ମେଡିକାଲରେ ତାଙ୍କୁ ଭର୍ତ୍ତି କରିଥିଲେ। ହେଲେ ଡାକ୍ତର ମେଡିକାଲରେ ମୃତ୍ୟୁ ଘୋଷଣା କରିଥିଲେ। ପରିବାର ଲୋକେ ମହାପ୍ରୟାଣ ଗାଡିରେ ଶବ ନେବାକୁ ଡାକ୍ତରଙ୍କୁ କହିଥିଲେ। କିନ୍ତୁ ଡାକ୍ତର ମହାପ୍ରୟାଣ ଗାଡିର ସୁବିଧା ନଥିବା କହିଥିଲେ। ମୃତକଙ୍କ ସମ୍ପର୍କୀୟ ଘରୋଇ ଆମ୍ବୁଲାନ୍ସ, ଅଟୋକୁ ଯୋଗା ଯୋଗ କରିଥିଲେ। କିନ୍ତୁ ଶବ ନେବା ପାଇଁ ଗାଡି ନମିଳିବାରୁ ବାଧ୍ୟହୋଇ ବାଇକରେ ବସାଇ ଘରକୁ ଆଣିଥିଲେ ସମ୍ପର୍କୀୟ। ତେବେ ଏ ନେଇ ମେଡ଼ିକାଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।

ସୂଚନା ଥାଉକି, ଜଗନ୍ନାଥ ପ୍ରସାଦ ମେଡିକେଲ ଠାରୁ ମାତ୍ର ଏକ କିମି ଦୂରତାରେ ମୃତକଙ୍କ ଗ୍ରାମ ଜିରାବାଡ଼ି ଅବସ୍ଥିତ।  ଅନ୍ୟପଟେ ଜଗନ୍ନାଥ ପ୍ରସାଦ ଗୋଷ୍ଠୀ କେନ୍ଦ୍ରରେ ମହାପୟାଣ ବ୍ୟବସ୍ଥା ନଥିବାରୁ ପ୍ରାୟ ୩୦ କିମି ଦୂର ଭଞ୍ଜନଗର ଚିକିତ୍ସାରୁ ଗାଡି ଯାଇଥାଏ।

   Related Posts