Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ରାଜଧାନୀର ଡ୍ୟାନ୍ସ ବାର୍ ଉପରେ ପୋଲିସ ଚଢଉ କରି ଉଦ୍ଧାର କରିଥିବା ୯୬ ଅଣ ଓଡ଼ିଆ ବାର୍ ଡ୍ୟାନ୍ସର କୁଆଡେ ଗଲେ ଓ କ’ଣ ହେଲା ଜାଣନ୍ତୁ…

27/07/2019 at 5:55 PM

ଭୁବନେଶ୍ବର ୨୭|୭: ରାଜଧାନୀରେ ବେଆଇନ୍‌  ଡ୍ୟାନ୍‌ସ୍‌ ବାର ଉପରେ ପୋଲିସର ଛାପା । କଟକ ରୋଡରେ ୧୧ଟି  ବାରରେ ରେଡ୍‌ । ୯୬ ଅଣ ଓଡ଼ିଆ ବାର୍‌ ଡ୍ୟାନ୍‌ସର ଉଦ୍ଧାର । ହେଲେ ବାର୍‌ ମାଲିକଙ୍କ ବିରୋଧରେ ହେଲାନି କୌଣସି କାର୍ଯ୍ୟାନୁଷ୍ଠାନ ।

ବାର୍‌ ଖୋଲିବାକୁ ସରକାରଙ୍କ ଠାରୁ ଲାଇସେନ୍‌ସ୍‌ ନେଲେ । ହେଲେ ଅଧିକ ମୁନାଫା କମାଇବା ଲୋଭରେ ଚଳାଇଥିଲେ ଡ୍ୟାନ୍‌ସ୍‌ ବାର୍‌ । ରାଜ୍ୟ ବାହାରୁ ବାର୍‌ ଡ୍ୟାନସରମାନଙ୍କୁ ଆଣି ବିଳମ୍ବିତ ରାତି ପର୍ଯ୍ୟନ୍ତ ବାର୍‌ ଖୋଲି ଚଳାଇଥିଲେ ବେଆଇନ୍‌ କାରବାର । ଗଲା ରାତିରେ ଛାପା ମାରିଲା କମିଶନରେଟ୍‌ ପୋଲିସର ସ୍ପେଶାଲ ସ୍କ୍ବାର୍ଡ଼ । ଭୁବନେଶ୍ବର କଟକ ରୋଡ୍‌ରେ ଥିବା ୧୧ଟି ଡ୍ୟାନ୍‌ସ୍‌ ବାର୍‌ ଉପରେ ପୋଲିସ ରେଡ୍‌ କରିଛି । ଯେଉଁଠାରୁ ୯୬ଜଣ ଅଣ ଓଡ଼ିଆ ବାର୍‌ ଡ୍ୟାନ୍‌ସରଙ୍କୁ ଉଦ୍ଧାର କରାଯାଇଥିଲା । ତେବେ ପୋଲିସ କେବଳ ଝିଅ ମାନଙ୍କ ନାଁ ଗାଁ ଠିକଣା ରଖି ପୁଣି ବାର୍‌ ମ୍ୟାନେଜରଙ୍କ ଜିମାରେ ଛାଡ଼ିଦେଇଥିଲା ସେଇ ବାର୍‌ ଡ୍ୟାନ୍‌ସର ମାନଙ୍କୁ ।  

ରାଜଧାନୀରେ ଡ୍ୟାନ୍‌ସ୍‌ ବାର୍‌ ଉପରେ ପୋଲିସ ଚଢ଼ଉ ନୂଆ ନୁହେଁ । ପୂର୍ବରୁ ମଧ୍ୟ ବାରମ୍ବାର ଏଭଳି ଚଢ଼ଉ ହୋଇଛି । ବାର୍‌ ଡ୍ୟାନ୍‌ସର ଉଦ୍ଧାର ହୋଇଛନ୍ତି । ହେଲେ ଉପଯୁକ୍ତ କାର୍ଯ୍ୟାନୁଷ୍ଠାନ ନହେଉଥିବାରୁ ବାରମ୍ବାର ଚାଲୁ ରହୁଛି ଡ୍ୟାନ୍‌ସ୍‌ ବାର୍‌ । ତେବେ ଏଭଳି ଚଢ଼ଉ ଉପରେ ଭିନ୍ନ ଯୁକ୍ତି ରଖିଛି ହୋଟେଲ ମାଲିକ ସଂଘ । ସେମାନଙ୍କ ମତରେ ଏହା ବେଆଇନ୍‌ ନୁହେଁ । ଗ୍ରାହକମାନଙ୍କୁ ଆକୃଷ୍ଟ କରିବାକୁ ବାର୍‌ରେ ଏଭଳି ନୃତ୍ୟ ପରିବେଷଣ କରାଯାଏ । ହାଇକୋର୍ଟଙ୍କ ନିର୍ଦେଶ ପରେ ମଧ୍ୟ ସରକାର ଏହାକୁ ନେଇ କୌଣସି ଆଇନ୍‌ ତିଆରି କରିନଥିବାରୁ ଏହା ବେଆଇନ୍‌ କେମିତି ହେଲା ?

ଗତ ବର୍ଷ ଏଇ ଜୁଲାଇ ମାସରେ ୮ଟି ଡ୍ୟାନ୍‌ସ୍‌ ବାର୍‌ ଉପରେ ଚଢ଼ାଉ କରିଥିଲା କମିଶନରେଟ୍‌ ପୋଲିସ । ତାପରେ ମଧ୍ୟ ରାଜଧାନୀରେ ଡ୍ୟାନ୍‌ବାର୍‌ ଗୁଡ଼ିକ ଚାଲିଥିଲା । ଏବେ ପୁଣି ଚଢ଼ାଉ କରାଯାଇଛି । ହେଲେ ଯଦି ଏହାକୁ ବେଆଇନ୍‌ ବୋଲି କୁହାଯାଉଛି ତାହେଲେ ଡ୍ୟାନ୍ସ ବାର୍‌ ଚଳାଇଥିବା ବାର୍‌ ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉନାହିଁ କାହିଁକି ? ତାହା ହିଁ ବର୍ତ୍ତମାନ ସମୟର ବଡ଼ ପ୍ରଶ୍ନ ।

   Related Posts